మెదడు చురుగ్గా ఉంటే రోజువారి చేసే పనులు కూడా ఉత్సాహంగా పూర్తి చేసేందుకు అవకాశం ఉంటుంది. మెదడు డల్ గా ఉంటే ఆ రోజంతా నిర్జీవంగా కొనసాగుతుంది. రోజంతా ఉల్లాసంగా ఉండేందుకు మెదడు చురుగ్గా ఉండడం అత్యంత కీలకం. మెదడు చురుగ్గా ఉండాలి అంటే కొన్ని రకాల జాగ్రత్తలు తీసుకోవాలని నిపుణులు సూచిస్తున్నారు. ఉదయం లేవగానే నీళ్లు తాగడం వల్ల మెదడు హైడ్రేట్ అవుతుంది. ఇలా చేయడం వల్ల ఏక్రాగ్రత పెరుగుతుంది. క్లారిటీని పెంచుకునేందుకు అవకాశం ఉంటుంది. రోజు ఉదయం లేచిన తర్వాత కాసేపు మెడిటేషన్ చేయడం వల్ల ఒత్తిడి తగ్గుతుంది. ప్రశాంతంగా అనిపిస్తుంది. జ్ఞాపక శక్తి పెంచుకునేందుకు మెడిటేషన్ ఎంతగానో దవాదం చేస్తుంది. ఇది మెదడు చురుగ్గా ఉండేందుకు ఉపయోగపడుతుంది.
ఉదయం లేచిన వెంటనే తేలికపాటి వ్యాయామాలు చేయడం వల్ల మెదడుకు రక్తప్రసరణ మెరుగుపడుతుంది. దీంతో మెదడు పనితీరు మరింత మెరుగుపడుతుంది. తద్వారా జ్ఞాపకశక్తి వృద్ధి చెందుతుంది. మెదడును ఉత్తేజితం చేయడంలో ఎండ దోహదం చేస్తుంది. ఉదయం కాసేపు ఎండలో ఉండడం వల్ల హాయిగా, ప్రశాంతంగా ఉంటుంది. ఉదయం లేవగానే కాసేపు ఎండలో సమయాన్ని గడపడం వల్ల మూడ్‌ బాగుంటుంది. అలాగే శరీరానికి అవసరమైన విటమిన్ డి కూడా లభిస్తుంది. ఒమెగా-3 ఫ్యాటీ యాసిడ్స్, యాంటీ ఆక్సిడెంట్లు ఆరోగ్యకరమైన కొవ్వులు ఉండే ఆహార పదార్థాలను తీసుకుంటే మెదడు ఆరోగ్యం బాగుంటుంది. మెదడు పనితీరును మెరుగుపరుచుకునేందుకు అవకాశం ఉంటుంది. ఉదయం లేచిన వెంటనే ఆలోచనలను ఒక దగ్గర రాసి పెట్టుకోవడం వల్ల మంచి ఫలితం ఉంటుంది. జర్నలింగ్ అనేది మంచి అలవాటుగా నిపుణులు చెబుతున్నారు. ఇది రెగ్యులర్‌గా ఫాలో అవ్వడం వల్ల ఒత్తిడి తగ్గి మెంటల్ క్లారిటీ పెరుగుతుంది.
ఉదయం లేచిన తర్వాత కొత్త విషయాలు నేర్చుకోవడం మంచిది. పజిల్స్ వంటి వాటితో సమయాన్ని గడిపితే మెదడు బాగా పనిచేస్తుంది. ఏకాగ్రత కూడా పెరుగుతుంది. లేవగానే రోజువారి పనులను ప్రణాళిక ప్రకారం రెడీ చేసుకోవాలి. దీంతో మెంటల్ క్లారిటీ వస్తుంది. ప్లానింగ్ ఉండడం వల్ల క్లారిటీతో పనిచేయవచ్చు. సమయాన్ని కూడా సద్వినియోగం చేసుకునే అవకాశం ఉంటుంది. ప్రతిరోజు లేచిన తర్వాత యోగా చేయడం మంచి అలవాటు. రోజువారి యోగ చేయడం వల్ల మానసిక ఆరోగ్యం మెరుగుపడుతుంది. శారీరక ఆరోగ్యం కూడా వృద్ధి చెందుతుంది అని అనేక పరిశోధనలు వెల్లడిస్తున్నాయి. కాబట్టి యోగా వల్ల శారీరక మానసిక ఆరోగ్యంతో పాటు ఒత్తిడి కూడా తగ్గుతుంది. ప్రశాంతత కలుగుతుంది తద్వారా మెదడు రిలాక్స్ అవుతుంది. కాబట్టి మెదడును ఉత్తేజితం చేసే ఈ అలవాట్లను చేసుకుంటే రోజంతా ఉత్సాహంగా ఉండేందుకు అవకాశం ఉంటుందని అనేక పరిశోధనలు వెల్లడిస్తున్నాయి.
