ఒక విమానం అత్యవసర పరిస్థితిని ఎదుర్కొన్నప్పుడు, పైలట్ మేడే కాల్ పంపుతారు. ఇది అంతర్జాతీయంగా గుర్తింపు పొందిన డిస్ట్రెస్ సిగ్నల్ (అత్యవసర సంకేతం). విమానం ఇబ్బందుల్లో ఉందని ఈ కాల్ సూచిస్తుంది. మేడే అనే పదం ఫ్రెంచ్ పదబంధం మైడర్ నుంచి ఉద్భవించింది. దీని అర్థం నాకు సహాయం చేయండి అని. విమానం మాదిరే పడవలు కూడా అత్యవరసర పరిస్థితుల్లో ఈ కాల్‌ను ఉపయోగిస్తాయి. మేడే పదాన్ని 1923 నుంచి ఆంగ్లంలోనూ వాడుతున్నారు. 1927లో యునైటెడ్ స్టేట్స్ అధికారికంగా రేడియో అత్యవసర పరిస్థితులకు దీనిని ఉపయోగించడం ప్రారంభించింది.
కంట్రోల్ టవర్ దృష్టికి పరిస్థితి తీసుకెళ్లడానికి లేదా పరిస్థితి తీవ్రతను నొక్కి చెప్పడానికి మేడే, మేడే, మేడే అని మూడుసార్లు చెబుతారు. అహ్మదాబాద్ నుండి బోయింగ్ A171 టేకాఫ్ చేసిన 5 నిమిషాల లో ఎయిర్ పోర్ట్ కు 7 కి.మీ. దూరంలో BJ medical college hostel building ను ఢీకొట్టి కాలిపోయింది. టేకాఫ్ అయిన తర్వాత 1000 అడుగుల కు పైకి ఎగరలేక నేల మీదకి వాలుతూ, కాలేజి హాస్టల్ బిల్డింగ్ పై క్రాష్ అయింది. ప్రమాద సమయంలో పైలట్లు మేడే అని మూడు సార్లు టవర్ తో చెప్పారట. అంటే ఎమర్జెన్సీ పరిస్థితి అని అర్థం.
జనావాసాలు లేకుంటే క్రాష్ లాండింగ్ కు ప్రయత్నించే అవకాశముంటుంది. పైలట్లకు అంత సమయం కూడా దొరకలేదు. రెండు ఇంజన్లు ఫెయిల్ అయితే ఇలా ఎగరలేక కూలిపోవచ్చంటారు. ఏవైనా పక్షులు ఇంజన్ల‌ను ఢీకొంటే కూడా ఇంజన్లు ఆగిపోవచ్చు. విమానంలో ప్రయాణించే వారందరితోపాటు హాస్టల్ లో 20 మంది పైన మెడికోలు కూడా మరణించారు. 2009 లో న్యూయార్క్ లో ఇలాగే ఒక విమానం పక్షులు ఢీకొన్నందున ఇంజన్లు ఆగి పోతే పైలట్లు చాకచక్యంగా హడ్సన్ నది నీటిలో ఒడ్డుకు దగ్గరగా దింపగలిగారు. ప్రయాణికులను రక్షించగలిగారు.అహ్మదాబాద్ లో జరిగిన విమానప్రమాదంలో పైలట్లకు అంత సమయం, విమానం ఎత్తు లభించలేదని అనిపిస్తుంది.
