టాలీవుడ్‌లో చాలామంది హీరోయిన్లు ఉన్నారు. అయితే వీరిలో రకరకాల వాళ్లు ఉన్నారు. తెల్లగా ఉన్నవారు ఉన్నారు నల్లగా ఉన్నవారు ఉన్నారు. అలాగే హైట్ లో కూడా తక్కువ ఎత్తువారు.. ఎక్కువ హైట్ ఉన్నవాళ్లు కూడా స్టార్ హీరోయిన్లుగా మారారు. టాలీవుడ్‌లో హైట్ తక్కువగా ఉన్న హీరోయిన్ ఎవరో తెలుసా? హీరోయిన్ అవ్వడం అనేది మామూలు విషయం కాదు.. అందం అభినయం అన్నీ ఉండాలి. దానికి అదృష్టం కూడా తోడవ్వాలి. కొందరు ఇలా రాగానే అలా ఓవర్ నైట్లో స్టార్ హీరోయిన్లు అయిపోతారు.కొంతమంది ఎన్ని సినిమాలు తీసిన పాపం పాపులారిటీ దక్కించుకోలేరు. హీరోయిన్‌కు కొన్ని లక్షణాలు ఉండాలి అంటారు. అయితే కొందరు భామలు హైట్ తక్కువగా ఉన్నా కూడా స్టార్ హీరోయిన్లు అయ్యారు. మరి వారెవరో చూద్దాం.
నివేదా థామస్ ఈ భామ 2016లో వచ్చిన జెంటిల్ మ్యాన్ సినిమాతో నాని హీరోయిన్‌గా తెలుగు ఇండస్ట్రీకి పరిచయం అయ్యింది. ఈ భామది చూడ చక్కని రూపం. ఈ కేరళ కుట్టి.. 2002లో మలయాళ చిత్రం ఉత్తరతో బాలనటిగా తెరంగేట్రం చేసింది నివేదా. అయితే నివేదా థామస్ ఇప్పుడన్న హీరోయిన్స్ అందరిలోనే ఎత్తు తక్కువ హీరోయిన్ ఈమె హైట్ 5. 1. ఇక రెండో స్థానంలో నిత్య మీనన్ నిలుస్తుంది. నిత్యా మీనన్ హైట్ 5. 2 ఇంతకుముందు నిత్య తెలుగులో అనేక సినిమాలు చేసి అభిమానుల్ని సొంతం చేసుకుంది. ఇప్పుడు ఈ భామ ఎక్కువగా తమిళంలో బిజీగా మారింది. కుమారి శ్రీమని అనే వెబ్ సిరీస్‌లో కూడా నటించి అందర్నీ ఆకట్టుకుంది నిత్యా మీనన్.
నిత్యా మీనన్ తర్వాత ప్లేస్ మన స్టార్ హీరోయిన్ సమంతది. సమంత టాలీవుడ్, కోలీవుడ్, బాలీవుడ్‌లో బిజీగా మారిన నటి. చైతుతో విడాకులు తర్వాత కూడా సమంత ఏ మాత్రం వెనక్కి తగ్గలేదు. సినిమాలు చేస్తూ బిజీగానే మారింది. సమంత హైట్ 5.3 వరకు ఉంటుంది. సమంత ప్రస్తుతం బాలీవుడ్‌లో బిజీగా ఉంది. సమంత తర్వాత స్థానం కీర్తి సురేష్. ఈ భామ మహానటితో మంచి గుర్తింపు తెచ్చుకుంది.కీర్తి ఇటీవలే వచ్చిన కల్కి సినిమాలో వాయిస్ ఓవర్ కూడా ఇచ్చింది. కీర్తి సురేష్ మహేష్ బాబు, చిరంజీవి, పవన్, నాని వంటి స్టార్ హీరోలతో కలిసి నటించింది. 2000లోనే కీర్తి బాలనటిగా ఎంట్రీ ఇచ్చింది. ఇమె హైట్ 5.3.
సౌత్ స్టార్ హీరోయిన్ నయనతార గురించి ప్రత్యేక పరిచయం అవసరం లేదు నయన్.. టాలీవుడ్, కోలీవుడ్, బాలీవుడ్ స్టార్ హీరోలతో జతకట్టింది. తెలుగులో చిరు, బాలయ్య, వెంకటేష్, నాగార్జున, ప్రభాస్, ఎన్టీఆర్, రవితేజ వంటి స్టార్ హీరోలతో కలిసి నటించింది.షారుక్‌తో కలిసి జవాన్ సినిమా కూడా చేసింది. నయన్ హైట్ 5.4 కావడం విశేషం.
