డాక్టర్ కాబోయి యాక్టర్ ను అయ్యాను అని చాలా మంది నటీనటులు అంటూ ఉంటారు. ఇది కామనే. అయితే డైరెక్టర్ కాబోయి హీరో హీరోయిన్లుగా, కమెడియన్స్ గా, సపోర్టింగ్ యాక్టర్స్ గా రఫ్ ఆడించేస్తున్నారు కొంతమంది నటీనటులు. డైరెక్టర్స్ గా ఎటువంటి వండర్స్ చేసే వారో తెలియదు కానీ యాక్టింగ్ లో మాత్రం చించేస్తున్నారు. ఇంతకీ మెగాఫోన్ పట్టబోయి సిల్వర్ స్క్రీన్ పై హల్చల్ చేస్తున్న వారెవరో ఓ లుక్కేద్దాం. మాస్ మహారాజాగా ప్రస్తుతం ప్రేక్షకులను అలరిస్తున్న రవితేజ డైరెక్టర్ అవుదామని ఇండస్ట్రీకి వచ్చి కృష్ణవంశీ వద్ద అసిస్టెంట్ డైరెక్టర్ గా చేరాడు. ఒకవైపు అసిస్టెంట్ డైరెక్టర్ గా చేస్తూనే సినిమాల్లో చిన్న చిన్న రోల్ లో నటిస్తూ, శ్రీనువైట్ల డైరెక్షన్ లో వచ్చిన నీకోసం చిత్రంతో హీరోగా మారిపోయాడు.
ఎలాంటి బ్యాక్ గ్రౌండ్ లేకుండా హీరోగా ఎంట్రీ ఇచ్చి అలరిస్తున్నాడు యంగ్ హీరో నాని. మొదట దర్శకుడు బాపు దగ్గర రాధాగోపాళం, శ్రీనువైట్ల డీ చిత్రానికి అసిస్టెంట్ డైరెక్టర్ గా చేసిన నాని, అష్టాచమ్మాతో హీరోగా ఎంట్రీ ఇచ్చాడు. ఎప్పటికైనా డైరెక్షన్ చేస్తానంటున్నాడు. కోలీవుడ్ డైరెక్టర్ గౌతమ్ మీనన్ దగ్గర అసిస్టెంట్ డైరెక్టర్ గా సూర్య సన్నాఫ్ కృష్ణన్ చిత్రానికి పనిచేసిన సందీప్ కిషన్ స్నేహగీతం సినిమాతో హీరోగా వచ్చాడు. వరుస సూపర్ హిట్ సినిమాలతో యంగ్ హీరోగా అలరిస్తున్న హీరో నిఖిల్ హైదరాబాద్ నవాబ్స్ చిత్రానికి అసిస్టెంట్ డైరెక్టర్ గా పనిచేసి, శేఖర్ కమ్ముల హ్యాపీ డేస్ లో ఒకడిగా అలరించి, యువత చిత్రంతో హీరోగా మారిపోయాడు. బాలీవుడ్ ఫాషన్ ఐకాన్ గా అందం అభినయంతో ఆకట్టుకుంటున్న సోనం, హీరోయిన్ గా ఎంట్రీ ఇవ్వకముందు సంజయ్ లీలా భన్సాలీ వద్ద బ్లాక్ సినిమాకు అసిస్టెంట్ డైరెక్టర్ గా చేసింది. ఆ తర్వాత ఆయన డైరెక్షన్ లోనే సావరియా సినిమాతో హీరోయిన్ గా ఎంట్రీ ఇచ్చింది.
విశ్వనటుడు కమల్ హాసన్ కూతురు, శృతిహాసన్ సిస్టర్ అక్షరహాసన్ మొదట అసిస్టెంట్ డైరెక్టర్ గా రాహుల్ ధోలకియా వద్ద పనిచేసింది. మణిరత్నం కడల్ లో హీరోయిన్ ఆఫర్ వచ్చినా తిరస్కరించింది. షమితాబ్ సినిమాతో హీరోయిన్ గా ఎంట్రీ ఇచ్చింది. తమిళ్ యంగ్ హీరో విశాల్, హీరో అర్జున్ దగ్గర అసిస్టెంట్ డైరెక్టర్ గా చేశాడు. ఆ తర్వాత చెల్లమాయే సినిమాతో హీరోగా ఎంట్రీ ఇచ్చాడు. కోలీవుడ్ యంగ్ హీరో కార్తీ మణిరత్నం తెరకెక్కించిన హిందీ చిత్రం యువ కు అసిస్టెంట్ డైరెక్టర్ గా పనిచేశాడు. సిద్ధార్థ్ క్యారెక్టర్ మొదట కార్తీని అడిగినా వద్దన్నాడు. మణిరత్నం డైరెక్షన్ లో మాధవన్ లీడ్ రోల్ లో తెరకెక్కిన అమృత చిత్రానికి లవర్ బాయ్ సిద్ధార్థ్ అసిస్టెంట్ డైరెక్టర్ గా చేశాడు. టాలీవుడ్ యంగ్ కమెడియన్ గా అలరిస్తున్న సప్తగిరి బొమ్మరిల్లు భాస్కర్ డైరెక్షన్ లో అల్లుఅర్జున్ నటించిన పరుగు చిత్రానికి అసిస్టెంట్ డైరెక్టర్ గా చేస్తూ, అందులో ఒక క్యారెక్టర్ లో నటించాడు. ఆ తర్వాత ప్రేమ కథా చిత్రమ్ తో ఆకట్టుకొని వరుస సినిమాలతో ఫుల్ స్వింగ్ మీదున్నాడు.
