సినీ ఇండస్ట్రీ లో ఎప్పుడు ఏం జరుగుతుందో ఎవరికీ అంతుపట్టదు. ప్రతి ఒక్కరికి నటించాలనే కోరిక ఉన్నప్పటికీ ఏదో ఒక మూల అదృష్టం కూడా ఉండాలి. ఒకానొక టైం లో స్టార్ హీరోలుగా ఒక వెలుగు వెలిగిన వారు కూడా అవకాశాలు లేక చిన్న చిన్న పాత్రలు చేసుకుంటూ క్యారెక్టర్ ఆర్టిస్టుగా మిగిలిపోతూ ఉంటారు. ఎంత టాలెంట్ ఉన్నప్పటికీ కొంతమంది హీరోలు క్యారెక్టర్ ఆర్టిస్ట్ లుగా రీ ఎంట్రీ ఇచ్చి మరి కొంతమంది పూర్తిగా ఇండస్ట్రీకి దూరమైన వాళ్ళు ఉన్నారు. అయితే టాలీవుడ్ స్టార్స్ వల్ల ఏ హీరోలకు నష్టం జరిగిందో ఇప్పుడు తెలుసుకుందాం. మొదటగా ఏఎన్నార్, ఎన్టీఆర్ హీరో లు అవ్వకముందు కాంతారావు ఇండస్ట్రీలో అగ్రహీరోగా ఉండేవారు.ఆయన జానపద సినిమాలకు పెట్టింది పేరుగా ఉండేవారు. కానీ అదే టైంలో ఎన్టీఆర్ కూడా జానపద సినిమాల్లో నటించడంతో కాంతారావు కి అవకాశాలు తగ్గి ఆయన కనుమరుగైపోయారు. ఇక జగ్గయ్య,చలం లాంటి వారు మొదట్లో హీరోలుగా రాణించినవారే.
కానీ ఏఎన్నార్ సాంఘిక చిత్రాలతో టాప్ హీరో గా ఎదిగాక జగ్గయ్య సెకండ్ హీరోగా, క్యారెక్టర్ ఆర్టిస్ట్ గా మారిపోయారు. ఇలా ఎన్టీఆర్, ఏఎన్ఆర్ దెబ్బకి కొంతమంది సెకండ్ హీరోలుగా, క్యారెక్టర్ ఆర్టిస్ట్ లుగా,విలన్లుగా చేయగా మరికొంతమంది మాత్రం ఇండస్ట్రీలో కనుమరుగైపోయారు. ఇక ఆ తర్వాత జనరేషన్లో శోభన్ బాబు క్లాస్, ఫ్యామిలీ హీరోగా రాణించగా.. కృష్ణ మాస్ హీరోగా రాణించారు. వీరి స్టార్డమ్ కు కృష్ణంరాజు ఆ తర్వాత స్థానంలో నిలిచారు.కానీ వాళ్లంత రేంజ్ కి ఎదగలేకపోయారు. ఇక అలాగే రామకృష్ణ,రంగనాథ్ వంటి వాళ్లు కూడా కొద్ది కాలమే ఇండస్ట్రీలో రాణించి ఆ తర్వాత క్యారెక్టర్ ఆర్టిస్టులుగా మారిపోయారు. ఇక కృష్ణ, శోభన్ బాబు అప్పట్లో ఇండస్ట్రీని ఏలడంతో చాలా మంది హీరోలు ఇండస్ట్రీలో కనుమరుగైపోయారు.
వీరి ప్రభావం చంద్రమోహన్, మురళీ మోహన్ లపై కూడా పడింది. ఇక ఆ తర్వాత చిరంజీవి శకం మొదలైంది. అప్పటివరకు స్టార్ హీరో లాగా ఉన్న సుమన్, బాలచందర్ లకు చిరంజీవి వల్ల గట్టి దెబ్బ పడింది. వీళ్ళిద్దరూ రానురాను క్యారెక్టర్ ఆర్టిస్టులుగా, సెకండ్ హీరోలుగా సెటిల్ అయ్యారు. ఇక ఎన్టీఆర్ వారసుడు బాలకృష్ణ హీరోగా ఎంట్రీ ఇవ్వడం తో రమేష్ బాబు కు ఎక్కువగా పోటీ ఇచ్చారు అని చెప్పవచ్చు. ఈ ఇద్దరు హీరోలు ఒకరితో ఒకరు పోటీ పడగా రమేష్ బాబు ఓడారు బాలకృష్ణ గెలిచారు.
ఇక నరేష్, సురేష్, హరీష్ వంటి హీరోలు 1990లో స్టార్ హీరోలుగా చలామణి అవుతుంటే ఈ సమయంలో శ్రీకాంత్,జె డి చక్రవర్తి, అబ్బాస్ లాంటి హీరోలు తెరమరుగయిపోయారు. పవన్ కళ్యాణ్ యూత్ ఐకాన్ గా ఎంట్రీ ఇచ్చాక చాలా మంది హీరోలు పక్కకు తప్పుకున్నారు.ఇదే సమయంలో మహేష్ బాబు ఎంట్రీ కూడా జరిగింది.ఆ సమయంలో హీరో వేణు లాంటి వాళ్ళు ఇండస్ట్రీకి దూరమయ్యారు.ఆ టైంలో రవితేజ లాంటి హీరోలు పర్వాలేదనిపించారు. ఇక ఆ తర్వాత కాలంలో ఉదయ్ కిరణ్ లాంటి హీరోలు కనుమరుగైపోయారు. వరుణ్ సందేశ్, శివాజీ, నారా రోహిత్ లాంటి హీరోలు ఇండస్ట్రీ నుంచి మాయమైపోయారు.
