చాలామంది హీరోలు రీమేక్ సినిమాలకి ఎక్కువ ప్రిఫరెన్స్ ఇస్తూ ఉంటారు. ఇక పవర్ స్టార్ పవన్ కళ్యాణ్ కి రీమేక్స్ కొత్తేం కాదు. ఓ విధంగా చెప్పాలంటే పవన్ కెరీర్ బిల్డ్ అయిందే రీమేక్స్ పై. ఇక పవన్ కెరీర్ లో తీసిన అన్ని సినిమాలలో సగం సినిమాలు రీమేక్ లే. వాటిలో 8 సినిమాలు సూపర్ హిట్ గా నిలిచాయి. అవేంటో ఇప్పుడు తెలుసుకుందాం.. అయ్యప్పనుమ్ కొషియమ్ మళ‌యాళ సినిమాకు రీమేక్ గా తెర‌కెక్కిన చిత్రం భీమ్లా నాయక్. ఈ చిత్రంలో పవన్ కళ్యాణ్ పోలీస్ ఆఫీసర్ గా నటన హైలెట్. పవన్ కళ్యాణ్, రానా దగ్గుబాటి ఇద్దరు పోటీపడి నటించారు. ఈ సినిమా బ్లాక్ బస్టర్ హిట్ గా నిలిచింది. గబ్బర్ సింగ్: సల్మాన్ ఖాన్ నటించిన దబాంగ్ సినిమాకు ఈ చిత్రం రీమేక్. దర్శకుడు హరీష్ శంకర్ ఈ కథలో కొన్ని మార్పులు చేసి పవన్ కళ్యాణ్ కు బ్రహ్మాండమైన హిట్ తెచ్చిపెట్టాడు.
ఎస్.జె. సూర్య తమిళంలో తీసిన ఖుషీ నే తెలుగులో అదే టైటిల్ తో రీమేక్ చేశారు. ఈ చిత్రం తెలుగు సినిమా కలెక్షన్లను కొల్లగొట్టింది. గోకులంలో సీత: తమిళ్ లో గోకులతిక్ సీతై చిత్రానికి ఇది రీమేక్. ముత్యాల సుబ్బయ్య దర్శకత్వంలో పవన్ కళ్యాణ్, రాశి ప్రధాన పాత్రలో నటించిన ఈ చిత్రం బ్లాక్ బస్టర్ హిట్ గా నిలిచింది. సుస్వాగతం: తమిళ్ లో లవ్ టుడే సినిమాకు ఈ చిత్రం రీమేక్. భీమినేని శ్రీనివాసరావు దర్శకత్వంలో పవన్ కళ్యాణ్, దేవయాని జంటగా నటించిన ఈ చిత్రం మంచి విజయాన్ని సొంతం చేసుకుంది. అన్నవరం: తమిళ్ లో తిరుపచి చిత్రానికి ఈ మూవీ రీమేక్. భీమినేని శ్రీనివాసరావు దర్శకత్వంలో పవన్ కళ్యాణ్, ఆసిన్ జంటగా నటించిన ఈ సినిమా బ్లాక్ బస్టర్ హిట్ గా నిలిచింది.
గోపాల గోపాల: హిందీలో ఓ మై గాడ్ సినిమాకి ఇది రీమేక్. డాలి దర్శకత్వంలో పవన్ కళ్యాణ్, వెంకటేష్ కలిసి నటించిన ఈ మల్టీ స్టారర్ చిత్రం అద్భుతమైన విజయాన్ని సొంతం చేసుకుంది. కాటమరాయుడు: ఈ సినిమా తమిళంలో అజిత్ హీరోగా నటించిన వీరం సినిమాకు రీమేక్. ఈ చిత్రానికి డాలీ దర్శకత్వం వహించారు. ఈ సినిమా బ్లాక్ బస్టర్ హిట్ గా నిలిచింది.
