చంద్ర‌మోహ‌న్ అందుక‌నే త‌న పిల్ల‌ల్ని హీరోయిన్ల‌ను చేయ‌లేదా..?

హీరోగా, క్యారెక్టర్ ఆర్టిస్ట్ గా తెలుగు చలనచిత్ర పరిశ్రమలో విలక్షణమైన నటుడిగా ఎంతో గుర్తింపుని తెచ్చుకున్న వారిలో చంద్రమోహన్ ఒకరు. ఈయన పూర్తి పేరు మల్లంపల్లి చంద్రశేఖర రావు. 1966వ సంవత్సరంలో రంగులరాట్నం సినిమాతో సినీ ప్రస్థానం మొదలుపెట్టారు చంద్రమోహన్. అప్పటినుండి ఇప్పటివరకు హీరోగా, క్యారెక్టర్ ఆర్టిస్ట్ గా దాదాపు 932 సినిమాలలో నటించారు. ఎలాంటి పాత్రలోనైనా ఇట్టే ఒదిగిపోగల సత్తా ఉన్న నటుడు చంద్రమోహన్. ఆయన తన సినీ ప్రస్థానంలో ఎందరో స్టార్ హీరోలతో కూడా కలిసి నటించారు. అయితే గతంలో ఓ ఇంటర్వ్యూలో పాల్గొన్న చంద్రమోహన్ పలు ఆసక్తికర విషయాలను వెల్లడించారు.

సినిమా ఇండస్ట్రీలో ఉన్న ప్రతి ఒక్కరూ తమ పిల్లలను ఇండస్ట్రీకి పరిచయం చేయాలని చూస్తారు. కానీ చంద్రమోహన్ మాత్రం తన పిల్లలను ఇండస్ట్రీకి దూరంగా పెంచారు. తన కూతుర్లను సినీ రంగానికి తీసుకురాకపోవడానికి అసలు కారణాలు ఏంటో ఆయన ఆ ఇంటర్వ్యూలో వివరించారు. నాకు ఇద్దరు అమ్మాయిలు. ఇద్దరూ చూడడానికి చక్కగా అందంగా ఉంటారు. అందులో చిన్న కూతురు ఇంకా అందంగా ఉంటుంది. చిన్నప్పుడు వాళ్లను చూసిన నటి భానుమతి ఇద్దరూ చాలా అందంగా ఉన్నారని చెప్పింది. వారిని చైల్డ్ ఆర్టిస్టులుగా పరిచయం చేద్దామని నన్ను అడిగింది. కానీ నేను సున్నితంగా తిరస్కరించాను.

నాకు పిల్లలతో గడిపే సమయం కూడా ఉండేది కాదు. ఉదయం వారు లేవకముందే షూటింగ్ కి వెళ్లి పోయేవాడిని. నా భార్య పిల్లలను ఎప్పుడైనా షూటింగ్ కి తీసుకువచ్చేది. వాళ్లు నన్ను గుర్తుపట్టేవాళ్ళు కాదు. వాళ్లకి సినిమా షూటింగ్ చూపిస్తే మళ్లీ ఎప్పుడు తీసుకెళ్తావ్ అని అడుగుతారని భయం వేసేది. సినిమాల ప్రభావం వారిపై పడకుండా పెంచాలని అనుకున్నాం. ఇద్దరూ చదువుల్లో బాగా రాణించారు. గోల్డ్ మెడలిస్టులు అయ్యారు. మంచి ఉద్యోగాలలో స్థిరపడ్డారు. ఇక ఇప్పుడు వారికి మంచి సంబంధాలు చూసి పెళ్లి చేయాలన్న ఆలోచన మాత్రమే ఉంది అని చెప్పుకొచ్చారు చంద్రమోహన్.