సౌత్ ఇండియా అంటేనే సినిమాలకు పెట్టింది పేరు. టాలీవుడ్, కోలీవుడ్ సినిమాలు చాలా డిఫరెంట్ గా వస్తాయి. అయితే….ప్రస్తుతం మన సౌత్ ఇండియా సినిమాలు… బాలీవుడ్ ను షేక్ చేస్తున్నాయి. వరుసగా తెలుగు సినిమాలు పాన్ ఇండియన్ మూవీస్ గా తెరకెక్కుతున్నాయి. ఈ సినిమాలు బాలీవుడ్ లోనూ దుమ్మురేపుతున్నాయి.
హిందీ సినిమా అభిమానులను సైతం తెలుగు సినిమాలు ఎంతగానో ఆకట్టుకుంటున్నాయి. తెలుగు సినిమాల ధాటికి బాలీవుడ్ దర్శక, నిర్మాతలు సైతం భయపడుతున్నారు. ఇంతకీ బాలీవుడ్ ను షేక్ చేసిన తెలుగుతోపాటు సౌత్ సినిమాలేంటో ఇప్పుడు తెలుసుకునే ప్రయత్నం చేద్దాం. దర్శకధీరుడు రాజమౌళి తెరకెక్కించిన బాహుబలి-2.. 2017 లో విడుదలైంది.ఇది రూ.1351 కోట్ల వసూళ్లతో ఇండియాలోనే భారీ వసూళ్లు సాధించిన తొలి చిత్రంగా నిలిచింది.
రూ.507 కోట్ల వసూళ్లతో రజినీకాంత్ రోబో 2.0 రెండో స్థానాన్ని పొందింది.బాహుబలి 1 రూ.482 కోట్లతో మూడో స్థానంలో నిలిచింది. ప్రభాస్ నటించిన సాహో చిత్రం 339 కోట్లతో నాలుగో స్థానాన్ని దక్కించుకుంది. అల్లు అర్జున్ నటించిన అల వైకుంఠపురం లో చిత్రం రూ.226.70 కోట్లతో ఐదో స్థానాన్ని అందుకుంది. మొత్తంగా అత్యధిక వసూళ్లు సాధించిన టాప్ సినిమాల్లో సౌత్ సినిమాలే ఉండటం విశేషం. ప్రస్తుతం బాలీవుడ్ కు సౌత్ సినిమాలు సవాల్ విసురుతున్నాయని చెప్పుకోవచ్చు.
