పాయల్ రాజపూత్ నటించిన మంగళవారం సినిమాపై మీ అభిప్రాయం..?

తెలుగులోనే కాదు ఇండియాలో వచ్చిన బెస్ట్ ఫిల్మ్స్ లో ఒకటి గా నిలిచిపోయే potential ఉన్న సినిమా ఇది. ఇంత గొప్ప సినిమా ని rx 100 తీసిన అజయ్ భూపతి తన సెన్సిబిలిటీ వల్ల తీసాడు అనే నమ్మకం నాకు లేదు. బహుశా ఇదొక ఆక్సిడెంట్ అనుకుంటాను. ఎందుకు దీన్ని గొప్ప సినిమా అంటున్నాను అంటే ఒక అమ్మాయి పది మందితో పడుకోవడం అనే “ఘోరమైన పాపాన్ని” మంచి మనుషులు మసలే ఈ “సభ్య సమాజం” తో యాక్సెప్ట్ చేయించాడు. అందుకే దీన్ని గొప్ప సినిమా అన్నాను. ఈ సభ్య సమాజం బేబీ అనే సినిమాలో ఒక అమ్మాయి ప్రేమించిన వాడితో కాకుండా వేరే వాడితో పడుకుంది అని తన పోస్టర్ మీద చెప్పులతో దాడి చేసింది.

“ఆరెంజ్” అనే ఇంకో సినిమాలో హీరో రామ్ చరణ్ నేను ఎవరినైనా కొంత కాలం మాత్రమే ప్రేమిస్తాను అని చెప్పి తర్వాత ప్రేమ ఉండదు అని అంటే అది అడ్వాన్స్డ్ మూవీ, కల్ట్ క్లాసిక్ అందుకే హిట్ అవ్వలేదు అని చెప్పింది. కానీ అదే డైలాగ్ ని జెనీలియా గనుక నేను కొంత కాలం మాత్రమే లవ్ చేస్తాను తర్వాత ఉండదు అని చెప్తే తనకి కూడా పోస్టర్ల మీద చెప్పులతో సన్మానం జరిగేది. అంటే rx100 లాంటివే, మగవాళ్ళు ఆడవాళ్ళని వాడుకొని వదిలేసే సినిమాలు చాలా వచ్చాయి కానీ వాళ్ళకి ఎప్పుడూ చెప్పుల దాడి జరగదు. థియేటర్ ఎవడూ “ల. కొడుకు” అని తిట్టడు. కానీ ఒక అమ్మాయి మగవాడిని వాడుకుంది అనగానే ఒక్కొకడికి ధర్మాగ్రహం పెల్లుబుకుతుంది.

న్యాయ సూత్రాలు, నీతి తత్వాలు, ధార్మిక జీవిత సత్యాలు అన్నీ ఎత్తుతారు. అసలు తుచ్ఛమైన మగవాడు మోసం చేస్తే ఏదో పోనీలే అని వదిలేస్తాం గానీ ఒక పవిత్రమైన స్త్రీ మూర్తి మాత సమానురాలైన ఆడది సిగ్గు వదిలి అందరితో పడుకుంటే దాన్ని రాళ్లతో కొట్టి చంపమూ? అలాంటి అసభ్య సమాజంలో బ్రతుకుతున్న మనకి ఒక స్త్రీ కామ వాంఛ‌లతో empathize చేయించడం అనేది చాలా కష్టమైన పని. దానికి ఆ డైరెక్టర్ హీరోయిన్ పాపం “నింఫామానియక్” కాబట్టి అర్దం చేసుకోండి అనే కలర్ ఇచ్చాడు. అయినప్పటికీ ఇది చాలా పెద్ద సాహసం.