అధిక బ‌రువును త‌గ్గించుకునేందుకు ఉత్త‌మ‌మైన వ్యాయామం ఏది ?

అధిక బ‌రువు త‌గ్గ‌డం అనేది ప్ర‌స్తుతం త‌రుణంలో చాలా మందికి స‌మ‌స్య‌గా మారింది. బ‌రువు పెరుగుతున్నారు కానీ త‌గ్గ‌డం అంత సుల‌భంగా వీలు కావ‌డం లేదు. దీంతో అనేక మంది ర‌క ర‌కాల వ్యాయామ ప‌ద్ధ‌తుల‌ను పాటిస్తున్నారు. అయితే బ‌రువు త‌గ్గేందుకు అన్నింటికన్నా ఉత్త‌మ‌మైన వ్యాయామం ఏది ? నిత్యం ఏ వ్యాయామం చేస్తే అధిక బ‌రువు త్వ‌ర‌గా త‌గ్గుతారు ? అంటే…

* గంట‌కు సుమారుగా 8 మైళ్ల వేగంతో ర‌న్నింగ్ చేస్తే ఒక గంట‌లో 1288 క్యాల‌రీలు ఖ‌ర్చ‌వుతాయి.

* ఒక గంట పాటు వేగంగా సైక్లింగ్ చేస్తే 932 క్యాల‌రీల‌ను ఖ‌ర్చు చేయ‌వ‌చ్చు.

* ఒక గంట పాటు స్విమ్మింగ్ చేస్తే 888 క్యాల‌రీలు ఖ‌ర్చు అవుతాయి.

* ఒక గంట సేపు బాక్సింగ్ చేసినా, జంపింగ్ రోప్స్ చేసినా సుమారుగా 800 క్యాల‌రీలు ఖ‌ర్చు అవుతాయి.

* రోయింగ్ మెషిన్‌పై అయితే 754 క్యాల‌రీల‌ను ఖ‌ర్చు చేయ‌వ‌చ్చు.

* బాస్కెట్ బాల్ ఆడినా, స‌ర్క్యూట్ ట్రెయినింగ్ చేసినా, గంట‌కు 5 మైళ్ల వేగంతో పరుగెత్తినా 710 క్యాల‌రీలు ఖ‌ర్చు అవుతాయి.

* సాధార‌ణ వేగంతో సైక్లింగ్ చేసినా, రాకెట్ బాల్ అడినా, ఫుట్ బాల్ ఆడినా, టెన్నిస్ ఆడినా గంట‌కు 622 క్యాల‌రీలు ఖ‌ర్చు అవుతాయి.

* సాధార‌ణ వాకింగ్‌కు గంట‌కు సుమారుగా 400 నుంచి 500 క్యాల‌రీలు ఖ‌ర్చు అవుతాయి.

* వాట‌ర్ ఎరోబిక్స్ చేస్తే గంట‌కు 356 క్యాల‌రీల‌ను ఖ‌ర్చు చేయ‌వ‌చ్చు.

పైన తెలిపిన వివ‌రాల‌న్నీ 84 కిలోల బ‌రువు ఉన్న వ్య‌క్తులు చేస్తే వ‌చ్చే ఫ‌లితాలు. వ్య‌క్తి బ‌రువును బ‌ట్టి ఖ‌ర్చ‌య్యే క్యాల‌రీలు ఎక్కువ లేదా త‌క్కువ‌గా ఉంటాయి.

ఇక బ‌రువు త‌గ్గాలంటే తీవ్రంగా శ్ర‌మించాల్సిన ప‌నిలేదు. సుమారుగా 1500 నుంచి 1800 క్యాల‌రీల శ‌క్తినిచ్చే ఆహారం తీసుకుంటూనే అందులో 400 వ‌ర‌కు క్యాల‌రీల‌ను ఖ‌ర్చు చేసినా చాలు.. నెమ్మ‌దిగా, ఆరోగ్యంగా బ‌రువు త‌గ్గ‌వ‌చ్చు.