Health Tips : మ‌న శ‌రీరంలో రెండు ర‌కాల బాక్టీరియాలు ఉంటాయ‌న్న సంగ‌తి అంద‌రికీ తెలిసిందే. ఒక‌టి మంచి బాక్టీరియా అయితే.. రెండోది చెడు బాక్టీరియా. చెడు బాక్టీరియా మ‌న‌కు కీడు చేస్తుంది. మంచి బాక్టీరియా మ‌న‌కు మేలు చేస్తుంది. మంచి బాక్టీరియా వ‌ల్ల మ‌న‌కు అనేక ర‌కాల ప్ర‌యోజ‌నాలు క‌లుగుతాయి.
మ‌న శ‌రీరంలో విట‌మిన్ డి, బి12ల‌ను ఆహారం నుంచి స‌రిగ్గా శోషించుకోవ‌డానికి మంచి బాక్టీరియా అవ‌స‌రం అవుతుంది. విట‌మిన్ కెను త‌యారు చేయ‌డానికి, ఒత్తిడిని త‌గ్గించి మ‌న‌స్సును ప్ర‌శాంతంగా మార్చే సెరొటోనిన్ అనే హార్మోన్‌ను ఉత్ప‌త్తి చేయ‌డానికి మ‌న‌కు మంచి బాక్టీరియా అవ‌స‌రం అవుతుంది. ఈ క్ర‌మంలోనే మ‌నం రోజూ మంచి బాక్టీరియా ఉండే ఆహారాల‌ను తీసుకోవాల్సి ఉంటుంది.
మ‌న‌లో చాలా మంది రోజూ ఇడ్లీ, దోశ‌ల‌ను తింటుంటారు. పులియ‌బెట్టిన పిండితో వాటిని త‌యారు చేస్తారు. క‌నుక వాటిల్లో మంచి బాక్టీరియా ఉంటుంది. ఈ బాక్టీరియానే ప్రొబ‌యోటిక్స్ అంటారు. అలాగే పుల్ల‌ని మ‌జ్జిగ, పెరుగు, 2 రోజుల పాటు నిల్వ ఉన్న రోటి ప‌చ్చ‌ళ్లు, గంజి, బీన్స్‌, ప‌చ్చి బ‌ఠానీలు, బాగా పండిన అర‌టి పండ్లు, ద్రాక్ష‌లు, జున్ను పాలలో మ‌న‌కు ప్రొ బ‌యోటిక్స్ ల‌భిస్తాయి.
అయితే ప్రొబ‌యోటిక్స్‌ను పొందేందుకు ఉత్త‌మ‌మైన మార్గం ఇంకొక‌టి ఉంది. రాత్రి పూట అన్నంలో పాలు పోసి తోడి పెట్టి అలాగే ఉంచాలి. మ‌రుస‌టి రోజు చ‌ద్ద‌న్నం త‌యార‌వుతుంది. దాన్ని ఉద‌యాన్నే ప‌ర‌గ‌డుపునే తినేయాలి. ఇది చాలా బ‌ల‌వ‌ర్ధ‌క‌మైన ఆహారం. దీంతో మంచి బాక్టీరియా చాలా పెరుగుతుంది.
మంచి బాక్టీరియా పెరిగితే శ‌రీరంలో పైన చెప్పిన లాభాలు క‌లుగుతాయి. ఇక త‌ర‌చూ లూజ్ మోష‌న్స్ స‌మ‌స్య‌తో బాధ‌ప‌డేవారు, ఐబీఎస్ ఉన్న‌వారు, ఒత్తిడికి ఎక్కువ‌గా గుర‌య్యే వారు, అల్స‌ర్లు, జీర్ణాశ‌యం, పేగుల్లో పుండ్లు ఉన్న‌వారు, యాంటీ బ‌యోటిక్స్ ఎక్కువ‌గా వాడేవారు, జీర్ణ స‌మ‌స్య‌లైన గ్యాస్‌, అసిడిటీ ఉన్న‌వారు, విట‌మిన్ల లోపం స‌మ‌స్య‌తో బాధ‌ప‌డుతున్న‌వారు శ‌రీరంలో మంచి బాక్టీరియాను పెంచుకునే ప్ర‌య‌త్నం చేయాలి. దీంతో ఆటోమేటిగ్గా ఆయా స‌మ‌స్య‌ల‌న్నీ త‌గ్గిపోతాయి. ఈ విధంగా మంచి బాక్టీరియాను పెంచుకుని ఆరోగ్యంగా ఉండ‌వ‌చ్చు.
ఇక రోజూ కూల్ డ్రింక్స్ తాగ‌డం, మ‌ద్యం సేవించ‌డం, పొగ తాగ‌డం, నూనె ప‌దార్థాల‌ను తిన‌డం, ఐస్ క్రీమ్స్ తీసుకోవ‌డం, యాంటీ బ‌యోటిక్స్ లేదా పెయిన్ కిల్ల‌ర్స్‌ను ఎక్కువ‌గా వాడ‌డం, ఒత్తిడికి బాగా గుర‌వ‌డం.. వంటి వాటి వ‌ల్ల మంచి బాక్టీరియా త‌గ్గిపోతుంది. క‌నుక ఈ ప‌నులు చేయ‌రాదు.
ఇలా జాగ్ర‌త్త‌లు తీసుకుంటూ మంచి బాక్టీరియాను పెంచుకునే విధంగా పైన తెలిపిన ఆహారాల‌ను రోజూ తీసుకుంటే దాంతో అనేక అనారోగ్య స‌మ‌స్య‌ల నుంచి బ‌య‌ట ప‌డ‌వ‌చ్చు. మ‌న రోగ నిరోధ‌క వ్య‌వ‌స్థ కూడా మెరుగ్గా ప‌నిచేస్తుంది.
