Kadai Paneer : మ‌నం పనీర్ తో ర‌క‌ర‌కాల వంట‌కాల‌ను త‌యారు చేస్తూ ఉంటాము. పనీర్ తో చేసే వంట‌కాలు రుచిగా ఉండ‌డంతో పాటు వీటిని చాలా సుల‌భంగా, చాలా త‌క్కువ స‌మ‌యంలో త‌యారు చేసుకోవ‌చ్చు. పనీర్ తో చేసుకోద‌గిన రుచిక‌ర‌మైన వంట‌కాల్లో క‌డాయి పనీర్ కూడా ఒక‌టి. ఇది మ‌న‌కు ఎక్కువ‌గా రెస్టారెంట్ ల‌లో, ధాబాల‌ల్లో ల‌భిస్తుంది. క‌డాయి పనీర్ చాలా రుచిగా ఉంటుంది. నాన్, రోటీ, పూరీ వంటి వాటితో తిన‌డానికి ఇది చాలా చ‌క్క‌గా ఉంటుంది. ఈ క‌డాయి పనీర్ ను చాలా సుల‌భంగా త‌యారు చేసుకోవ‌చ్చు. ఎంతో రుచిగా, క‌మ్మ‌గా ఉండే క‌డాయి పనీర్ ను ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
క‌డాయి పనీర్ త‌యారీకి కావ‌ల్సిన ప‌దార్థాలు..
నూనె – అర క‌ప్పు, ఎండుమిర్చి – 3, జీలకర్ర – ఒక టీ స్పూన్, దంచిన ధ‌నియాలు – ఒక టీ స్పూన్, సోంపు గింజలు – ఒక టీ స్పూన్, చిన్న‌గా తరిగిన పెద్ద ఉల్లిపాయ – 1, అల్లం వెల్లుల్లి పేస్ట్ – ఒక టేబుల్ స్పూన్, క్యూబ్స్ లాగా తరిగిన ఉల్లిపాయ – 1, క్యూబ్స్ లాగా తరిగిన క్యాప్సికం – 1, ధ‌నియాల పొడి – ఒక టీ స్పూన్, ప‌సుపు – పావు టీ స్పూన్, ఉప్పు – త‌గినంత, గ‌రం మ‌సాలా – అర టీ స్పూన్, కారం – ఒక టేబుల్ స్పూన్, జీలకర్ర పొడి – అర టీ స్పూన్, ట‌మాటాలు – 2, నీళ్లు – పావు క‌ప్పు, తరిగిన పెద్ద ట‌మాట – 1, పనీర్ – 200 గ్రా., నెయ్యి – ఒక టేబుల్ స్పూన్.
క‌డాయి పనీర్ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత ఎండుమిర్చి, జీలకర్ర, ధ‌నియాలు, సోంపు వేసి వేయించాలి. త‌రువాత ఉల్లిపాయ ముక్క‌లు వేసి ఎర్ర‌గా అయ్యే వ‌ర‌కు వేయించాలి. త‌రువాత అల్లం వెల్లుల్లి పేస్ట్ వేసి వేయించాలి. త‌రువాత క్యూబ్స్ లాగా తరిగిన ఉల్లిపాయ, క్యాప్సికం వేసి వేయించాలి. త‌రువాత ధ‌నియాల పొడి, ప‌సుపు, ఉప్పు, గ‌రం మ‌సాలా, కారం, జీలకర్ర పొడి వేసి వేయించాలి. త‌రువాత ట‌మాటాల‌ను ఫ్యూరీలాగా చేసి వేసుకోవాలి. త‌రువాత నీళ్లు పోసి క‌ల‌పాలి. దీనిని నూనె పైకి తేలే వ‌ర‌కు వేయించిన త‌రువాత ట‌మాట ముక్క‌లు వేసి క‌ల‌పాలి. ట‌మాట ముక్క‌లు మెత్త‌గా మ‌గ్గిన త‌రువాత పీన‌ర్ వేసి క‌ల‌పాలి. త‌రువాత 100 ఎమ్ ఎల్ నీళ్లు పోసి క‌లిపి మూత పెట్టాలి. దీనిని నూనె పైకి తేలే వ‌ర‌కు ఉడికించాలి. పనీర్ ఉడికి నూనె పైకి తేలిన త‌రువాత నెయ్యి వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే క‌డాయి పనీర్ త‌యార‌వుతుంది. ఈ విధంగా త‌యారు చేసిన క‌డాయి పనీర్ క‌ర్రీని అంద‌రూ ఎంతో ఇష్టంగా తింటారు.
