Munakkaya Curry : మనం మున‌క్కాయ‌ల‌తో ర‌క‌ర‌కాల వంట‌కాల‌ను త‌యారు చేస్తూ ఉంటాము. మున‌క్కాయ‌లు మ‌న ఆరోగ్యానికి ఎంతో మేలు చేస్తాయి. వీటితో కూర‌లు చేసి తీసుకోవ‌డం వ‌ల్ల మనం రుచితో పాటు ఆరోగ్యాన్ని కూడా పొంద‌వ‌చ్చు. మున‌క్కాయ‌ల‌తో చేసుకోద‌గిన రుచిక‌ర‌మైన వంట‌కాల్లో మునక్కాయ క‌ర్రీ కూడా ఒక‌టి. కింద చెప్పిన విధంగా చేసే ఈ క‌ర్రీ చాలా రుచిగా ఉంటుంది. దీనిని త‌యారు చేయ‌డం కూడా చాలా సుల‌భం. త‌రుచూ చేసే మునక్కాయ క‌ర్రీ కంటే ఈ విధంగా త‌యారు చేసిన మునక్కాయ క‌ర్రీ చాలా రుచిగా ఉంటుంది. మ‌రింత రుచిగా క‌మ్మ‌గా మునక్కాయ క‌ర్రీని ఎలా త‌యారు చేసుకోవాలో ఇప్పుడు తెలుసుకుందాం.
మునక్కాయ క‌ర్రీ త‌యారీకి కావ‌ల్సిన ప‌దార్థాలు..
ట‌మాట – 1, నూనె – 2 టీ స్పూన్స్, తరిగిన మున‌క్కాయ‌లు – 2, కారం – ఒక టేబుల్ స్పూన్, ధ‌నియాల పొడి – ఒక టీ స్పూన్, ఆవాలు – అర టీ స్పూన్, జీలకర్ర – అర టీ స్పూన్, క‌రివేపాకు – ఒక రెమ్మ, తరిగిన ఉల్లిపాయ – 1, అల్లం వెల్లుల్లి పేస్ట్ – ఒక టీ స్పూన్, ప‌సుపు – పావు టీ స్పూన్, ఉప్పు – త‌గినంత, నీళ్లు – ఒక క‌ప్పు లేదా త‌గిన‌న్ని, తరిగిన కొత్తిమీర – కొద్దిగా.
మ‌సాలా పేస్ట్ త‌యారీకి కావ‌ల్సిన ప‌దార్థాలు..
నూనె – 2 టీ స్పూన్స్, ప‌ల్లీలు – 2 టేబుల్ స్పూన్స్, దాల్చిన చెక్క – ఒక ఇంచు ముక్క, ల‌వంగాలు – 3, యాల‌కులు – 2, ఎండు కొబ్బ‌రి ముక్క‌లు – 2 టీ స్పూన్స్, నువ్వులు – 2 టేబుల్ స్పూన్స్, మిరియాలు -ఒక టీ స్పూన్, కొత్తిమీర – పిడికెడు, నాన‌బెట్టిన చింత‌పండు – రెండు టీ స్పూన్స్.
మునక్కాయ క‌ర్రీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత ప‌ల్లీలు వేసి వేయించాలి. ఇవి కొద్దిగా వేగిన త‌రువాత దాల్చిన చెక్క, ల‌వంగాలు, యాల‌కులు, ఎండుకొబ్బ‌రి ముక్క‌లు వేసి వేయించాలి. త‌రువాత చింత‌పండు త‌ప్ప మిగిలిన ప‌దార్థాలు వేసి వేయించాలి. ఇవ‌న్నీ చ‌క్క‌గా వేగిన త‌రువాత స్ట‌వ్ ఆఫ్ చేసి చ‌ల్లారనివ్వాలి. త‌రువాత వీటిని జార్ లోకి తీసుకోవాలి. ఇందులోనే చింత‌పండు కూడా వేసి మెత్త‌గా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. త‌రువాత మునక్కాయ ముక్క‌లు వేసి 3 నిమిషాల పాటు వేయించి ప్లేట్ లోకి తీసుకోవాలి. త‌రువాత అదే క‌ళాయిలో మ‌రో 2 టేబుల్ స్పూన్ల నూనె వేసి వేడి చేయాలి. త‌రువాత నూనె కొద్దిగా వేడ‌య్యాక కారం, ధ‌నియాల పొడి వేసి వేయించాలి. త‌రువాత ఆవాలు, జీలకర్ర, క‌రివేపాకు, ఉల్లిపాయ ముక్క‌లు వేసి వేయించాలి. త‌రువాత అల్లం వెల్లుల్లి పేస్ట్ వేసి ప‌చ్చి వాస‌న పోయే వరకు వేయించాలి.
త‌రువాత ట‌మాటాను పేస్ట్ లాగా చేసి వేసుకోవాలి. దీనిని ప‌చ్చి వాస‌న పోయే వరకు వేయించిన త‌రువాత ఉప్పు, ప‌సుపు, మిక్సీ ప‌ట్టుకున్న పేస్ట్ వేసి నూనె పైకి తేలే వరకు వేయించాలి. త‌రువాత నీళ్లు పోసి క‌ల‌పాలి. కూర ఉడుకు ప‌ట్టిన త‌రువాత మునక్కాయ ముక్క‌లు వేసి క‌ల‌పాలి. త‌రువాత మూత పెట్టి ముక్క‌లు మెత్త‌గా అయ్యే వరకు ఉడికించాలి. కూర ఉడికి నూనె పైకి తేలిన త‌రువాత కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే మునక్కాయ క‌ర్రీ త‌యార‌వుతుంది. దీనిని అందరూ ఎంతో ఇష్టంగా తింటారు. అన్నంతో తింటే ఈ క‌ర్రీ చాలా రుచిగా ఉంటుంది. త‌రుచూ ఒకేర‌కం వంట‌కాలు కాకుండా మున‌క్కాయ‌తో ఇలా వెరైటీగా కూడా త‌యారు చేసి తీసుకోవ‌చ్చు.
