మనకు పలు రకాల వ్యాధులు, ఇన్‌ఫెక్షన్లు బాక్టీరియా, వైరస్‌ల వల్ల వస్తాయన్న సంగతి తెలిసిందే. ఈ క్రమంలోనే వైద్యులు అందుకు యాంటీ బయోటిక్స్, యాంటీ వైరల్‌ మందులను ఇస్తుంటారు. అయితే కొందరు డాక్టర్‌ సూచించకున్నా ఇన్‌ఫెక్షన్‌ వచ్చిందని చెప్పి పదే పదే ఆయా మందులను వాడుతుంటారు. కానీ నిజానికి అలా వాడడం ప్రమాదకరం. ఎప్పటికీ అలా ఆ మందులను వాడితే కొంత కాలం తరువాత బాక్టీరియా, వైరస్‌లకు ఆ మందులు పనిచేయవు. అవి ఆ మందులకు నిరోధకతను పెంచుకుంటాయి. దీంతో కొత్త మందులను వాడాల్సి వస్తుంది. ఇది ఒక చక్రంలా సాగుతుంది. చివరకు మనం ఏ మందులు మింగినా అసలు పనిచేయకుండా పోతాయి. అందుకనే యాంటీ బయోటిక్‌, యాంటీ వైరల్‌ మందులను ఎక్కువగా వాడొద్దని, ముఖ్యంగా డాక్టర్‌ సూచన లేకుండా అస్సలు వాడొద్దని చెబుతుంటారు. మరలాంటప్పుడు ఏం చేయాలి ? ఇన్‌ఫెక్షన్లను తగ్గించుకునేందుకు మార్గం ఏమిటి ? అంటే.. అందుకు కింద తెలిపిన చిట్కాలను పాటించవచ్చు. దీంతో ఇన్‌ఫెక్షన్లు, వ్యాధులు తగ్గుతాయి. మరి ఆ చిట్కాలు ఏమిటంటే..
దగ్గు, జలుబు వచ్చిందంటే కొందరు మెడిసిన్లను వేసుకుంటారు. కానీ అందుకు పలు చిట్కాలు ఉన్నాయి. అవేమిటంటే..
1. రెండు లేదా మూడు వెల్లుల్లి రెబ్బలు, కొద్దిగా వామును ఆవనూనెలో వేసి వేడి చేయాలి. ఆ మిశ్రమాన్ని పాదాలు, వెన్ను, ఛాతిపై రాయాలి. దీంతో దగ్గు, జలుబు తగ్గుతాయి. ఈ మిశ్రమాన్ని పిల్లలకు కూడా వాడవచ్చు.
2. అల్లం రసం ఒక టీస్పూన్, తేనె ఒక టీస్పూన్ కలిపి తీసుకుంటుంటే జలుబు, ఫ్లూ తగ్గుతాయి.
3. ఉప్పు నీటిని గొంతులో పోసి పుక్కిలించడం ద్వారా గొంతు సమస్యలను తగ్గించుకోవచ్చు.
ఇక ఇవే కాకుండా బాక్టీరియా, వైరస్‌ల ద్వారా వచ్చే ఇన్‌ఫెక్షన్లను తగ్గించేందుకు వెల్లుల్లి, పసుపు, అల్లం బాగా పనిచేస్తాయి. తిప్పతీగ రసం కూడా ఇన్‌ఫెక్షన్లను తగ్గిస్తుంది. జామ ఆకుల నీళ్లు, మునగ ఆకుల నీళ్లు, వాము నీళ్లు, జీలకర్ర నీళ్లు, దాల్చిన చెక్క నీళ్లను తాగడం ద్వారా కూడా బాక్టీరియా, వైరస్‌ ఇన్‌ఫెక్షన్లు తగ్గుతాయి. రోగ నిరోధక శక్తి పెరుగుతుంది. అలాగే విటమిన్‌ ఎ, సి, ఇ ఎక్కువగా ఉండే ఆహారాలను తీసుకోవాలి. దీంతోకూడా ఇన్‌ఫెక్షన్లు తగ్గుతాయి.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
