Belly Fat : సాధార‌ణంగా స్త్రీలల్లో ప్ర‌స‌వం త‌రువాత కూడా పొట్ట భాగం ఎక్కువ‌గా పెద్ద‌గా ఉండ‌డాన్ని మ‌నం గ‌మ‌నిస్తూనే ఉంటాం. ప్ర‌స‌వానంత‌రం కూడా చాలా మంది ఈ స‌మ‌స్య‌తో బాధ‌ప‌డుతూ ఉంటారు. ప్ర‌స్తుత కాలంలో చాలా మంది ప్ర‌స‌వం త‌రువాత పొట్ట త‌గ్గ‌డానికి బెల్ట్ ల వంటి వాటిని ఉప‌యోగిస్తున్నారు. బెల్ట్ లను ధ‌రించ‌డం వ‌ల్ల చాలా వ‌ర‌కు ఎటువంటి ఉప‌యోగం ఉండ‌దు. దీంతో పెద్ద‌గా ఉన్న పొట్ట‌ను త‌గ్గించుకోవ‌డానికి ర‌క‌ర‌కాల ప్ర‌య‌త్నాలు చేస్తూ ఉంటారు. ఎటువంటి శ్ర‌మ లేకుండా కొన్ని ఆహార నియ‌మాల‌ను పాటించ‌డం వ‌ల్ల ప్ర‌స‌వానంత‌రం పెద్ద‌గా ఉన్న పొట్ట తిరిగి సాధార‌ణ స్థితికి చేరుకుంటుద‌ని నిపుణులు చెబుతున్నారు. ప్ర‌స‌వం అయిన 15 నుండి 21 రోజుల త‌రువాత పొట్ట‌కు న‌డిక‌ట్టు క‌ట్టుకోవాలి.
పొడుగ్గా ఉండే కాట‌న్ వ‌స్త్రాన్ని లేదా కాట‌న్ ట‌వ‌ల్ వంటి వాటిని తీసుకుని కింది జారిపోయిన పొత్తి క‌డుపును పైకి వ‌త్తిప‌ట్టి కాట‌న్ వస్త్రంతో న‌డుము చుట్టూ గ‌ట్టిగా క‌ట్టుక‌ట్టాలి. ఇలా చేయ‌డం వ‌ల్ల సాగినా గ‌ర్భాశ‌యం తిరిగి సాధార‌ణ స్థితికి చేరుకుంటుంది. అలాగే సాగినా, ఉబ్బిన, వ్యాకోచించిన కండ‌రాలు కూడా తిరిగి సాధార‌ణ స్థితికి చేరుకుంటుంది. ఇలా బాహ్యంగా న‌డిక‌ట్టును క‌ట్టుకోవ‌డంతో పాటు కొన్ని ర‌కాల ఆహార నియ‌మాల‌ను పాటించాలి. ప్ర‌స‌వం త‌రువాత ఆహారంలో భాగంగా శొంఠి పొడిని తీసుకోవాలి. శొంఠిని వేయించి పొడిగా చేయాలి. త‌రువాత ఇందులో ఉప్పు వేసి క‌లిపి నిల్వ చేసుకోవాలి. రోజూ అన్నం తినేట‌ప్పుడు మొద‌టి ముద్ద‌లో రెండు చిటికెలంత ఈ శొంఠి పొడిని వేసుకుని అది మునిగే వ‌ర‌కు నెయ్యి వేసుకుని తినాలి.
అలాగే నీటిలో వాము వేసి కాచి చ‌ల్లార్చాలి. ఇలా త‌యారు చేసుకున్న వాము నీటిని రోజుంతా తాగ‌డం వ‌ల్ల కూడా గ‌ర్భాశ‌యం సంకోచిస్తుంది. అలాగే ప్ర‌స‌వానంత‌రం మూడు నెల‌ల వ‌ర‌కు బంగాళాదుంప, బెండ‌కాయ వంటి ఆహారాల‌ను తీసుకోకూడదు. ఇవి ఆరోగ్యానికి మేలు చేసేవే అయిన‌ప్ప‌టికి ఇవి బ‌రువు పెరిగేలా చేస్తాయ‌ని నిపుణులు చెబుతున్నారు. అలాగే ప్ర‌స‌వానంత‌రం ముఖ్యంగా పిల్ల‌ల‌కు పాలు ఇవ్వాలి. దీని వ‌ల్ల కూడా బ‌రువు పెర‌గ‌కుండా, పొట్ట రాకుండా ఉంటుంది. అలాగే బాలింత‌ల‌కు మొద‌టిసారిగా స్నానం చేయించేట‌ప్పుడు కొబ్బ‌రి నూనెలో ప‌సుపు క‌లిపి పొట్ట‌కు బాగా రాస్తూ మ‌ర్ద‌నా చేయాలి.త‌రువాత వేడి నీటితో పొట్ట మీద గ‌ట్టిగా కొట్టాలి.
ఇలా చేయ‌డం వ‌ల్ల పొట్ట పెర‌గ‌కుండా ఉండ‌డంతో పాటు పొట్ట‌పై ఉండే చార‌లు కూడా పోతాయి. ప్ర‌స్తుత కాలంలో బాలింత‌లు బ‌రువు పెర‌గ‌కుండా, పొట్ట రాకుండా ర‌క‌ర‌కాల వ్యాయామాలు చేస్తున్నారు. అయితే వీటిని నిపుణుల ప‌ర్య‌వేక్ష‌ణ‌లో మాత్రమే చేయాలి. లేదంటే అనారోగ్య స‌మ‌స్య‌లు త‌లెత్తే అవ‌కాశం ఉంది. ప్ర‌స‌వానంత‌రం ఇలా న‌డిక‌ట్టును క‌ట్టుకుంటూ ఈ చిట్కాల‌ను పాటించ‌డం వ‌ల్ల పొట్ట త‌గ్గ‌డంతో పాటు బ‌రువు పెర‌గ‌కుండా కూడా ఉండ‌వ‌చ్చ‌ని నిపుణులు చెబుతున్నారు.
