మనకు అందుబాటులో ఉన్న అనేక పౌష్టికాహారాల్లో కోడిగుడ్లు ఒకటి. కోడిగుడ్లను ఒకప్పుడు ఏ ఆదివారమో తినేవారు. కానీ వాటిని ప్రస్తుతం రోజూ తింటున్నారు. ఇక వ్యాయామం చేసేవారు అయితే రోజూ గుడ్లను తినాల్సిందే. అలాగే చిన్నారులకు తల్లిదండ్రులు రోజూ గుడ్లను తినిపిస్తుంటారు. కోడిగుడ్లను కొందరు ఆమ్లెట్‌ వేసుకుని తింటే కొందరు ఫ్రై లేదా కూరలా చేసి తింటారు. కొందరు ఉడకబెట్టుకుని తింటారు. అయితే అన్నింటిలోకెల్లా ఉడకబెట్టి తినడమే శ్రేయస్కరమని నిపుణులు చెబుతుంటారు.
ఉడకబెట్టిన గుడ్లను వెంటనే తినాల్సి ఉంటుంది. ఆలస్యం చేస్తే గుడ్లు గాలికి ప్రభావితం అవుతాయి. గాలిలో ఉండే బాక్టీరియా, ఇతర సూక్ష్మ క్రిములు గుడ్లపై వ్యాప్తి చెందుతాయి. దీంతో ఎక్కువ సమయం పాటు ఉంచిన గుడ్లను తింటే అనారోగ్య సమస్యలు వస్తాయి. అందువల్ల కోడిగుడ్లను ఉడకబెడితే వెంటనే తినాల్సి ఉంటుంది. ఆలస్యం చేయరాదు.
అయితే కోడిగుడ్లను ఉడకబెట్టిన తరువాత వాటి మీద ఉండే పొట్టును తీయరాదు. పొట్టును తీస్తే గుడ్డుపై బాక్టీరియా ప్రభావం పడుతుంది. కనుక పొట్టును తీయకుండా ఉంటే గుడ్లను ఎక్కువ సేపు ఉంచి కూడా తినవచ్చు. ఎలాంటి దుష్ప్రభావాలు కలగవు. కానీ గుడ్డును ఉడకబెట్టిన తరువాత పగిలితే మాత్రం వెంటనే పొట్టును తీసేసి తినాలి. అలాగే ఉంచరాదు.
ఇక కోడిగుడ్లను ఉడకబెట్టిన తరువాత పొట్టు తీసి చాలా సేపటికి తింటాం.. అంటే వాటిని ఒక పాత్రలో ఉంచి మూత పెట్టి దాన్ని ఫ్రిజ్‌లో ఉంచాలి. ఇలా చేస్తే గుడ్లు తాజాగా ఉంటాయి. గుడ్లను 4 డిగ్రీల సెంటీగ్రేడ్‌ కన్నా తక్కువ ఉష్ణోగ్రత వద్ద ఎంత సేపైనా నిల్వ చేయవచ్చు. అలా నిల్వ ఉంచిన గుడ్లు వారం వరకు బాగానే ఉంటాయి. అప్పటి వరకు వాటిని తినవచ్చు.
ఈ విధంగా ఉడకబెట్టిన గుడ్లను తింటే ప్రయోజనాలు పొందవచ్చు. ఆరోగ్యంగా ఉంటాము.
