ఇంటర్మిటెంట్ ఫాస్టింగ్ అంటే రెగ్యులర్‌గా ఉపవాసం చేయడం. దీనినే 5:2 డైట్ అని కూడా అంటారు. ఇప్పుడు చాలా పాపులర్ డైట్. దీన్ని 5:2 డైట్ అని ఎందుకు అంటారంటే ఈ డైట్ లో ఐదు రోజులు నార్మల్ గా తిని రెండు రోజులు చాలా తక్కువగా తింటారు. దీనిలో ప్లస్ పాయింట్ ఇది తినాలీ, ఇది తినకూడదూ వంటి రెస్ట్రిక్షన్స్ లేవు. మీకేం కావాలంటే అది తినొచ్చు. వారంలో రెండ్రోజులు మాత్రం తగ్గించి తినాలంతే. ఈ డైట్ వల్ల చాలా మంది బరువు తగ్గారు. దీని గురించి మరికొన్ని విషయాలు తెలుసుకోండి.. నిజానికి ఇది చాలా సింపుల్ డైట్. వారంలో ఐదు రోజులు మామూలుగా ఏం తింటారో, ఎంత తింటారో అలా తినడమే. మిగిలిన రెండు రోజులూ మాత్రం రోజూ తినేదాంట్లో పావు వంతు మాత్రమే తినాలి. ఏ రెండు రోజులు తగ్గించి తినాలో మీ ఇష్టం. అయితే, ఈ రెండు రోజులూ పక్క పక్కన రాకూడదు అంతే. మధ్యలో కనీసం ఒక్క రోజైనా మామూలుగా తినేలా ఉండాలి. అంటే, మంగళవారం, శుక్రవారం తగ్గించి తినచ్చు.
ఇందులో గుర్తు పెట్టుకోవాల్సిన విషయం జంక్ ఫుడ్ తినొద్దు. ఎందుకంటే, రెండు రోజులు తగ్గించి తిని మిగిలిన ఐదు రోజులూ జంక్ ఫుడ్ తింటే ఏం లాభం.. బరువు తగ్గడం పక్కన పెట్టి బరువు పెరుగుతారు కూడా. కాబట్టి జంక్ ఫుడ్ తీసుకోకపోవడమే మంచిది. ఇంటెర్మిటెంట్ ఫాస్టింగ్‌తో వచ్చే లాభాలని మిగిలిన ఐదు రోజుల్లో ఎక్కువ తినకపోతేనే వస్తాయి. అంటే ఉదాహరణకి మీరు సోమవారం రాత్రి భోజనం చేశాక మంగళ వారం రాత్రి వరకూ ఇంకేం తినొద్దు అనుకున్నారనుకుందాం. మంగళవారం రాత్రి మీ మామూలు డిన్నర్ లో ఏం ఉంటాయో అవే ఉండాలి. అంతే కానీ, పొద్దున్నుంచీ ఏం తినలేదు కాబట్టి ఇప్పుడు ఎక్కువ తింటాను అంటే కుదరదు. దీంతో పాటూ రోజుకి ఒక అరగంట ఏదైనా ఎక్సర్‌సైజ్ చేస్తే ఫలితాలు బావుంటాయి.
ఈ ఫాస్టింగ్ చేయడం వల్ల ముఖ్య లాభాలు ఏంటంటే.. బరువు ఆటోమేటిగ్గా తగ్గుతారు. దీని వల్ల శరీరంలోని కొవ్వు శాతం తగ్గి గుండె సమస్యలు రాకుండా ఉంటాయి. అంతేనా.. భయంకరమైన కాన్సర్ వంటి వ్యాధులు దూరం అవుతాయి. ఈ డైట్ చేయడం వల్ల కాన్సర్ దరి చేరదని చెబుతున్నారు నిపుణులు. ఫాస్టింగ్ ఉన్న రోజుల్లో పోషకాలతో నిండి ఉన్న, హై-ఫైబర్, హై-ప్రోటీన్ ఫుడ్స్ తీసుకోండి. దీనివల్ల కాలరీలు ఎక్కువ తీసుకోనవసరం లేదు. కడుపు నిండే ఆహారం తీసుకోవచ్చు. కూరగాయలూ, పెరుగు. బాయిల్డ్ ఎగ్స్, ఫిష్, కాలీఫ్లవర్ రైస్, బ్లాక్ కాఫీ, టీ, వంటివి ఈ ఫాస్టింగ్‌లో తీసుకోవచ్చు… మీకు అసలు ఫాస్టింగ్ అలవాటు లేనప్పుడు మొదటి రెండు, మూడు సార్లూ ఆకలి ఎక్కువగా అనిపిస్తుంది. ఓ రకంగా చెప్పాలంటే తట్టుకోలేనంత ఆకలి వేస్తుంది. బాగా నీరసంగా ఉంటుంది. అయితే అది మీరు పనిలో పడగానే మాయమైపోతుంది కూడా.
అయితే, ఫాస్టింగ్ ఉన్న ప్రతిసారీ, ఐదారుసార్లు తర్వాత కూడా బాగా ఆకలిగా నీరసంగా అనిపిస్తుంటే డాక్టర్‌ని కలిసి కంటిన్యూ చెయ్యాలా వద్దా సలహా తీసుకోండి. అందరూ ఇంటర్మిటెంట్ ఫాస్టింగ్ చెయ్యలేరు. కొంతమంది దాన్ని భరించలేరు కూడా. ఈటింగ్ డిసార్డర్స్ ఉన్నవాళ్ళు, బ్లడ్ షుగర్ లెవెల్స్ లో తేడాలు ఉన్నవాళ్ళు, గర్భవతులు, బిడ్డకు పాలిస్తున్న వాళ్ళు, టీనేజ్ లో ఉన్న వాళ్ళు, పిల్లలు, టైప్-1 డయాబెటీస్ ఉన్న వాళ్ళు, ప్రెగ్నెన్సీ కోసం ట్రై చేస్తున్న వాళ్ళు, ఫెర్టిలిటీ ప్రాబ్లమ్స్ ఉన్న వాళ్ళు చేయ‌కూడ‌దు. అంతే కాక ఇంటర్మిటెంట్ ఫాస్టింగ్ మగవారికి సూట్ అయినంతగా ఆడవారికి సూట్ అవ్వకపోవచ్చు. ఈ ఫాస్టింగ్ స్టార్ట్ చేసిన తరువాత కొంత మంది ఆడవారికి పీరియడ్స్ రావడం ఆగిపోతుంది. మళ్ళీ మామూలుగా తినడం మొదలుపెట్టాక మళ్ళీ పీరియడ్స్ రావడం మొదల‌వుతుంది. ఈ ఇంటర్మిటెంట్ ఫాస్టింగ్ ఎంత మంచిదైనా కూడా దీన్ని స్టార్ట్ చేసే ముందు ఆడవాళ్ళైనా, మగవాళ్ళైనా డాక్టర్ సలహా తీసుకుని మొదలుపెట్టడం మంచిది.
