Herbal Tea : వాతావరణ మార్పులు, వాతావరణ కాలుష్యం, రోగ నిరోధక శక్తి తక్కువగా ఉండడం వంటి వివిధ కారణాల చేత మనలో చాలా మంది తరుచూ జలుబుతో బాధ పడుతూ ఉంటారు. జలుబు వల్ల కలిగే అసౌకర్యం అంతా ఇంతా కాదు. జలుబు నుండి త్వరగా ఉపశమనాన్ని పొందడానికి చాలా మంది యాంటీ బయాటిక్ లను వాడుతూ ఉంటారు. తరుచూ వీటిని వాడడం వల్ల భవిష్యత్తులో మనం అనేక దుష్ప్రభావాలను ఎదుర్కోవాల్సి వస్తుంది. కనుక వీటికి బదులుగా జలుబు నుండి ఉపశమనాన్ని కలిగించే కొన్ని రకాల హెర్బల్ టీలను తాగడం వల్ల మంచి ఫలితం ఉంటుంది. వీటిని తాగడం వల్ల జలుబు నుండి, జలుబు లక్షణాల నుండి ఉపశమనం కలుగుతుంది. అలాగే ఆరోగ్యానికి కూడా హాని కలగకుండా ఉంటుంది. జలుబు నుండి ఉపశమనాన్ని కలిగించే హెర్బల్ టీ ల గురించి ఇప్పుడు తెలుసుకుందాం.
జలుబు నుండి చక్కటి ఉపశమనాన్ని కలిగించడంలో చమోమిలే టీ మనక ఎంతో సహాయపడుతుంది. ఒక కప్పు చమోమిలే టీ ని తాగి చక్కగా విశ్రాంతిని తీసుకోవాలి. ఇలా చేయడం వల్ల గొంతు నొప్పి, మంట, జలుబు నుండి ఉపశమనం కలుగుతుంది. పిప్పర్ మెంట్ టీని తాగడం వల్ల కూడా చక్కటి ప్రయోజనం ఉంటుంది. ఈ టీని తాగడం వల్ల శరీరంలో రోగనిరోధక శక్తి పెరుగుతుంది. ముక్కు దిబ్బడ తగ్గుతుంది. ఈ టీని తాగడం వల్ల శరీరానికి కొత్త శక్తి వచ్చిన అనుభూతి కలుగుతుంది. నిమ్మకాయ మరియు అల్లం టీని తయారు చేసుకుని తీసుకోవడం వల్ల కూడా మంచి ఫలితం ఉంటుంది. నిమ్మకాయలో ఉండే విటమిన్ సి, యాంటీ ఆక్సిడెంట్లు మరియు అల్లంలో ఉండే యాంటీ ఇన్ ప్లామేటరీ లక్షణాలు జలుబును తగ్గించడంలో సహాయపడతాయి. జలుబుతో బాధపడేటప్పుడు యాంటీ వైరల్ లక్షణాలు కలిగిన లైకోరైస్ టీని తీసుకోవడం వల్ల చక్కటి ఉపశమనం కలుగుతుంది. దగ్గు, గొంతునొప్పి, జలుబు వంటి సమస్యల నుండి ఈ టీ చక్కటి ఉపశమనాన్ని ఇస్తుంది.
అలాగే జలుబుతో బాధపడేటప్పుడు శరీరం కూడా వేడిగా జ్వరం వచ్చినట్టుగా ఉంటుంది. అలాంటి సమయంలో యారో టీని తాగడం వల్ల మంచి ఫలితం ఉంటుంది. ముక్కుదిబ్బడ, దగ్గు, జ్వరం వంటి వాటిని తగ్గించడంలో ఈ టీ అద్భుతంగా పని చేస్తుంది. జలుబుతో బాధపడే వారు లవంగాలతో టీని తయారు చేసి తీసుకోవడం వల్ల మంచి ఉపశమనం లభిస్తుంది. వీటిలో ఉండే యాంటీ మైక్రోబయాల్ లక్షణాలు ఇన్పెక్షన్ ను తగ్గించడంలో, జలుబు వల్ల కలిగే అసౌకర్యాన్ని తగ్గించడంలో సహాయపడతాయి. అలాగే జలుబు చేసినప్పుడు గ్రీన్ టీని తాగడం వల్ల మంచి ఫలితం ఉంటుంది. వీటిలో ఉండే యాంటీ ఆక్సిడెంట్లు రోగనిరోధక శక్తిని పెంచి ఇన్పెక్షన్ తగ్గించడంలో సహాయపడతాయి. ఈ విధంగా జలుబుతో బాధపడుతున్నప్పుడు ఇలా హెర్బల్ టీలను తాగడం వల్ల జలుబు తగ్గడంతో పాటు శరీరానికి కూడా హాని కలగకుండా ఉంటుంది.
