కొన్ని తిండ్లు వెంటనే లావెక్కించేస్తాయి. నీరు తాగితే కూడా కొంతమంది లావైపోతారు. వివిధ వ్యక్తులు వివిధ రకాల తిండ్లతో కొవ్వు సంతరించుకుంటారు. అయితే, ప్రధానంగా ఏ ఆహారాలు తింటే లావెక్కుతారో పరిశీలించండి. శరీరానికి కొవ్వు పట్టించే ప్రధాన ఆహారాలు – స్నాక్స్ – బంగాళ దుంప చిప్స్, చికెన్ వేపుడు, మొదలైన నూనె వేపుడులు, ఛీజ్ బర్గర్లు లాంటి బేకరీ తిండ్లు రుచిగా వుండి, కడుపు నింపి బరువు అధికం చేస్తాయి. వీటిలో కేలరీలు అధికం.
బంగాళ దుంపలు – బంగాళదుంప ఏ రూపంలో తిన్నప్పటికి కొవ్వు చేరుస్తుందని హార్వర్డు నిపుణులు చెపుతారు. కనుక రోజులో అధిక బంగాళ దుంప తినకండి. తీపి పదార్ధాలు – షుగర్ తయారీలు ఏవి తిన్నా కొవ్వు పడుతుంది. అనారోగ్యం కూడాను. డయాబెటీస్ లేదా అధిక రక్తపోటు కలిగించే ప్రమాదం కూడా వుంది. కనుక సందర్భం వస్తే రుచికి స్వీట్ తినండి. ప్రత్యామ్నాయంగా, తేనె, పండు ఖర్జూరం వంటి వాటితో చేసిన పదార్ధాలు తినవచ్చు.
కూల్ డ్రింక్ లు – ఆర్టిఫీషియల్ తీపి వేసిన కూల్ డ్రింక్ లు, సోడాల వంటివి అధిక కేలరీలు ఇస్తాయి. ఇవి బరువెక్కించటమే కాక, మీ కిడ్నీలను కూడా పాడు చేసే ప్రమాదం వుంది. పాల ఉత్పత్తులు – పాల ఉత్పత్తులలో కూడా కొవ్వు వుంటుంది. అయితే కొవ్వు తీసిన పాలు, లేదా ఇతర ఉత్పత్తులు, పెరుగు, ఛీజ్ మొదలైనవి తినవచ్చు. సమయానికి ఆహారం తీసుకోకపోవడం లేదా ఎపుడు పడితే అపుడు ఆహారం తినడం వంటివి కూడా శరీరంలో కొవ్వు చేరుస్తాయి. కనుక ఆహారం సమయానికి తినండి.
