Diabetes : నేటి తరుణంలో మనలో చాలా మంది షుగర్ వ్యాధితో బాధపడుతున్నారు. షుగర్ వ్యాధి వల్ల కలిగే ఇబ్బంది అంతా ఇంతా కాదు. దీని వల్ల మనం అనేక రకాల ఇబ్బందులను ఎదుర్కోవాల్సి వస్తుంది. షుగర్ వ్యాధితో బాధపడే వారు జీవితాంతం మందులు మింగాల్సి ఉంటుంది. అలాగే ఆహార విషయంలో కూడా చాలా జాగ్రత్త వహించాలి. లేదంటే రక్తంలో చక్కెర స్థాయిలు పెరిగి తీవ్ర అనారోగ్యానికి గురి కావాల్సి వస్తుంది. షుగర్ వ్యాధి గ్రస్తులు ఎక్కువగా పండ్లు, కూరగాయలు, తృణ ధాన్యాలు, కొవ్వు తక్కువగా ఉండే పాలను తీసుకోవాలి. అలాగే వీటితో పాటుగా రోజూ ఉదయం పరగడుపున కొన్ని పానీయాలను తీసుకోవడం వల్ల రక్తంలో ఎల్లప్పుడూ చక్కెర స్థాయిలు అదుపులో ఉండేలా చూసుకోవచ్చు. ఈ పానీయాలను తాగడం వల్ల షుగర్ అదుపులో ఉండడంతో పాటు ఆరోగ్యానికి కూడా మేలు కలుగుతుంది. షుగర్ ను అదుపులో ఉంచే పానీయాల గురించి ఇప్పుడు తెలుసుకుందాం.
షుగర్ వ్యాధి గ్రస్తులు రోజూ ఉదయం ఒక గ్లాస్ నిమ్మకాయ నీటిని తాగడం వల్ల మంచి ఫలితం ఉంటుంది. ఒక గ్లాస్ గోరు వెచ్చని నీటిలో నిమ్మరసం కలిపి ఉదయం పరగడుపున తీసుకోవాలి. ఇలా తీసుకోవడం వల్ల షుగర్ వ్యాధిగ్రస్తులకు ఎంతో మేలు కలుగుతుంది. అలాగే దాల్చిన చెక్కతో చేసిన టీని తీసుకోవడం వల్ల కూడా షుగర్ వ్యాధి అదుపులో ఉంటుంది. దాల్చిన చెక్కను నీటిలో వేసి మరిగించి టీ లా చేసుకుని తీసుకోవచ్చు. లేదంటే మనం త్రాగే టీలో దాల్చిన చెక్క పొడిని వేసి తీసుకోవచ్చు. దాల్చిన చెక్కకు ఇన్సులిన్ సెన్సిటివిటీని మెరుగుపరిచే గుణం ఉంది. కనుక దాల్చిన చెక్కతో టీ తయారు చేసి తీసుకోవడం వల్ల షుగర్ వ్యాధి అదుపులో ఉంటుంది.
![Diabetes : ఉదయాన్నే ఈ 7 డ్రింక్స్లో ఏదో ఒకటి తాగండి.. షుగర్ కంట్రోల్ అవుతుంది..! take any of these 7 drinks morning to control diabetes](https://i0.wp.com/ayurvedam365.com/wp-content/uploads/2023/10/diabetes.jpg?resize=1200%2C675&ssl=1)
ఇక రోజూ ఉదయం పరగడుపున సీతాఫలం జ్యూస్ ను తాగడం వల్ల కూడా రక్తంలో చక్కెర స్థాయిలు అదుపులో ఉంటాయని నిపుణులు చెబుతున్నారు. అలాగే మెంతి నీటిని తాగడం వల్ల కూడా షుగర్ వ్యాధి గ్రస్తులకు మేలు కలుగుతుంది. ఒక గ్లాస్ నీటిలో ఒక టీ స్పూన్ మెంతులను వేసి రాత్రంతా నానబెట్టాలి. ఉదయాన్నే ఈ నీటిని తాగి మెంతులను తినాలి. ఇలా చేయడం వల్ల కూడా రక్తంలో చక్కెర స్థాయిలు అదుపులో ఉంటాయి. అదే విధంగా షుగర్ వ్యాధితో బాధపడే వారు ఉసిరి రసాన్ని తీసుకోవడం వల్ల కూడా మంచి ఫలితం ఉంటుందని నిపుణులు చెబుతున్నారు. ఉసిరి రసాన్ని తీసుకోవడం వల్ల శరీరంలో రోగనిరోధక శక్తి పెరగడంతో పాటు షుగర్ కూడా అదుపులో ఉంటుందని వారు చెబుతున్నారు. అలాగే కలబంద జ్యూస్ ను తాగడం వల్ల కూడా రక్తంలో చక్కెర స్థాయిలు అదుపులో ఉంటాయి.
రోజూ ఉదయం తగిన మోతాదులో కలబంద జ్యూస్ ను తీసుకోవడం వల్ల రక్తంలో చక్కెర స్థాయిలు ఎల్లప్పుడూ అదుపులో ఉంటాయి. ఇక తులసి ఆకుల టీని తాగడం వల్ల కూడా మంచి ఫలితం ఉంటుంది. రోజూ ఉదయం నీటిలో తులసి ఆకులు వేసి మరిగించి వడకట్టి ఈ నీటిని పరగడుపున తాగాలి. ఇలా తీసుకోవడం వల్ల కూడా షుగర్ వ్యాధిగ్రస్తులకు ఎంతో మేలు కలుగుతుంది. షుగర్ వ్యాధి గ్రస్తులు టీ, కాఫీలకు బదులుగా ఇలా సహజ సిద్దమైన పదార్థాలతో టీ లను తయారు చేసి తీసుకోవడం వల్ల ఆరోగ్యానికి ఎంతో మేలు కలుగుతుందని షుగర్ వ్యాది కూడా అదుపులో ఉంటుందని నిపుణులు చెబుతున్నారు.