ఉసిరికాయల్లో ఎన్నో అద్భుతమైన ఔషధగుణాలు ఉంటాయి. ఉసిరి ఎన్నో అనారోగ్య సమస్యలకు పనిచేస్తుంది. అందువల్ల ఉసిరిని రోజూ తీసుకోవాలని ఆయుర్వేదం చెబుతోంది. అయితే ఉసిరికాయలు కేవలం సీజన్లోనే లభిస్తాయి. కానీ వాటిని సాధారణ రోజుల్లోనూ తీసుకోవచ్చు. అందుకు గాను మనకు అనేక రకాల కంపెనీలు ఉసిరి జ్యూస్‌ను తయారు చేసి అందిస్తున్నాయి. కనుక ఉసిరికాయ జ్యూస్‌ను రోజూ తాగవచ్చు. దీన్ని రోజూ పరగడుపున తాగడం వల్ల ఎలాంటి అద్భుతమైన ప్రయోజనాలు కలుగుతాయో ఇప్పుడు తెలుసుకుందాం.
1. ఉసిరికాయల్లో యాంటీ ఆక్సిడెంట్లు అధికంగా ఉంటాయి. అందువల్లి ఇవి రోగ నిరోధక శక్తిని పెంచుతాయి. మెటబాలిజంను మెరుగు పరుస్తాయి. దీంతో బరువు తగ్గడం సులభతరం అవుతుంది.
2. ఉసిరికాయల్లో విటమిన్‌ సి అధికంగా ఉంటుంది. ఇది గుండె జబ్బులు రాకుండా కాపాడుతుంది. చర్మాన్ని సంరక్షిస్తుంది.
3. ఉసిరికాయ జ్యూస్‌ను ఉదయాన్నే పరగడుపునే తాగడం వల్ల శిరోజాలు ఆరోగ్యంగా ఉంటాయి.
4. ఉసిరికాయ జ్యూస్‌ను తాగడం వల్ల రక్తం శుద్ధి అవుతుంది. శరీరంలో రక్త సరఫరా మెరుగు పడుతుంది. బీపీ నియంత్రణలోకి వస్తుంది. రక్తం ఎక్కువగా ఉత్పత్తి అవుతుంది.
5. ఉసిరికాయ జ్యూస్‌ను తాగడం వల్ల షుగర్‌ లెవల్స్‌ తగ్గుతాయి. డయాబెటిస్‌ అదుపులోకి వస్తుంది. కొలెస్ట్రాల్ స్థాయిలు తగ్గుతాయి.
