మన దేశంలో తులసిని ప్రకృతి తల్లి ఔషధంగా పిలుస్తారు. తులసి గురించి తెలియ‌ని వారు ఉండ‌రు అంటే అతిశ‌యోక్తి కాదు. హిందూ మతంలో తులసి పూజిస్తారు, తులసి అనేక వ్యాధులకు దివ్యౌషధంగా ప‌నిచేస్తుంది. జలుబు మాత్రమే కాకుండా జీర్ణ సమస్యల నుంచి కూడా ఉపశమనం కలిగిస్తుంది.
పాశ్చాత్య మందులలో తులసిని సాధారణంగా అడాప్టోజెన్‌గా పరిగణిస్తారు. శరీరంలో ఒత్తిడి వల్ల కలిగే దుష్పరిణామాలను ఎదుర్కోవటానికి, స్థిరమైన గ్లూకోజ్ స్థాయిలను కొనసాగించడానికి, జీవితకాలం కొనసాగడానికి ఈ మొక్క ఆకులు ఉపయోగ‌ప‌డ‌తాయి.
తులసి నీళ్ల‌తో కలిగే ఆరోగ్యక‌ర‌మైన ప్రయోజనాలు
* తులసి ఆకులను కొన్ని తీసుకుని నీటిలో వేసి మ‌రిగించి ఆ నీటిని తాగుతుండాలి. దీంతో శరీరం శుద్ధి అవుతుంది. శ‌రీరంలోని వ్య‌ర్థాలు బ‌య‌ట‌కు పోతాయి.
* ఇన్‌ఫ్లుయెంజా, డయాబెటిస్, సాధారణ జలుబు, మైగ్రేన్, జ్వరం, ఒత్తిడి, కడుపు నొప్పి, చెవి ఇన్ఫెక్షన్ వంటి అనేక పరిస్థితులకు చికిత్స చేయడానికి తులసి ఉపయోగించబడుతుంది. గ‌జ్జి, తామ‌ర చికిత్సకు కూడా ప‌నిచేస్తుంది.
* తులసి ఆకుల నుంచి దోమ‌లు దూరంగా పారిపోతాయి. క‌నుక దోమ‌ల బాధ ఉండ‌దు. చ‌ర్మంపై తులసి ఆకుల మిశ్ర‌మాన్ని ప్ర‌యోగించ‌వ‌చ్చు.
* తులసి ఆకులను రోజూ తీసుకోవడం వల్ల శరీర ఉష్ణోగ్రత అదుపులో ఉంటుంది. బరువు కూడా తగ్గుతారు. శ‌రీరంలోని కొలెస్ట్రాల్ లెవ‌ల్స్ త‌గ్గుతాయి.
* రోజూ ఖాళీ కడుపుతో తులసి నీళ్లు లేదా ఆకులను తీసుకోవడం వల్ల కడుపు నొప్పి, ఉబ్బ‌రం వంటి సమస్యల నుండి ఉపశమనం లభిస్తుంది.
* కడుపులో మంట‌గా ఉంటే ప్రతిరోజూ రెండు నుండి మూడు తులసి ఆకులను తినండి.
* కొబ్బరి నీళ్లలో తులసి ఆకుల రసం, నిమ్మకాయ రసం కలిపి తీసుకోవడం వల్ల కడుపునొప్పి నుండి ఉపశమనం లభిస్తుంది.
* తులసి ఆకుల ర‌సాన్ని టీ లేదా కషాయంలో కలిపి తాగడం వల్ల జీర్ణ సమస్యలు తొలగిపోతాయి. అలాగే సీజనల్ వ్యాధుల నుంచి ఉపశమనం లభిస్తుంది.
* ఆహారంలో తులసి రసం, ఆకులను కూడా చేర్చవచ్చు. దీంతో త‌ర‌చూ వ‌చ్చే చిన్న చిన్న వ్యాధుల నుండి బయటపడతారు.
