Beauty Tips : అనారోగ్యకరమైన ఆహారం కారణంగా, చర్మానికి కాలుష్యం, సౌందర్య ఉత్పత్తులలోని రసాయనాల నుండి చర్మానికి రక్షణ లభించదు. దీని కారణంగా చిన్న వయసులోనే చర్మం, ముఖంపై ముడతలు, మచ్చలు ఏర్ప‌డుతుంటాయి. వదులుగా ఉండే చర్మం సమస్య కూడా వ‌స్తుంది. దీంతో ముఖంలోని మెరుపు పోతుంది. అయితే ఈ చర్మ సమస్యలన్నింటి నుంచి బయటపడేందుకు ఎలాంటి క్రీమ్ అవసరం లేదు. అందుకు ఏం చేయాలో ఇప్పుడు తెలుసుకుందాం.
1. ఏదైనా క్రీమ్‌కు బదులుగా ఆలివ్ ఆయిల్‌ను ముఖానికి రాసుకుంటే సరిపోతుంది. ఆలివ్ నూనెలో యాంటీ ఆక్సిడెంట్లు, యాంటీ బ్యాక్టీరియల్, మాయిశ్చరైజింగ్ గుణాలతో పాటు విటమిన్ ఎ, డి, ఇ, కె వంటి పోషకాలు ఉంటాయి. ఇవి ముఖాన్ని ఆరోగ్యంగా మారుస్తాయి.
2. మీకు మొటిమలు, ముడతల సమస్య ఉన్నట్లయితే మీరు ఆలివ్ ఆయిల్ సహాయంతో చికిత్స చేయవచ్చు. దీని కోసం 1/4 కప్పు తేనె, 2 టీస్పూన్ల ఆలివ్ నూనె, ఒక వంతు పెరుగు కలిపి పేస్ట్ లా చేయాలి. ఈ పేస్ట్‌ని ముఖం, మెడపై అప్లై చేసి 20 నిమిషాల పాటు ఆరనివ్వాలి. ఆ తర్వాత గోరువెచ్చని నీటితో ముఖాన్ని కడుక్కోవాలి. ఇలా త‌ర‌చూ చేస్తుంటే మొటిమలు, ముడతలు త‌గ్గుతాయి.
3. ముఖంపై ముడతలు ఏర్పడి చిన్నవయసులోనే వృద్ధాప్యం వ‌చ్చిన‌ట్లు అవుతుంది. దీని వల్ల ముఖం మెరుపు త‌గ్గుతుంది. అయ‌తే ఈ ముడుతలకు చికిత్స చేయడానికి రెండు టీస్పూన్ల ఆలివ్ నూనెను, చిటికెడు ఉప్పు, ఒక టీస్పూన్ నిమ్మరసం కలపాలి. ఈ పేస్ట్‌తో ముఖం, మెడను మసాజ్ చేసి కొన్ని నిమిషాల తర్వాత కడగాలి. దీంతో ముడతలు త‌గ్గుతాయి.
4. మీరు పొడి చర్మంతో ఇబ్బంది పడుతుంటే ఆలివ్ నూనెను ముఖానికి రాయండి. ఇందులో ఉండే విటమిన్ ఇ, మాయిశ్చరైజింగ్ లక్షణాలు మీ చర్మానికి తేమను అందిస్తాయి. ఇందుకోసం కాటన్‌తో ఆలివ్ ఆయిల్‌ను ముఖానికి, మెడకు రాసుకోవాలి. ఈ నూనెను చర్మంపై 15 నిమిషాలు ఆరనివ్వాలి. ఆపై గోరువెచ్చని నీటితో కడగాలి. దీని వల్ల చర్మం పొడిద‌నం త‌గ్గి తేమ‌గా మారుతుంది.
