Skin Care : మీరు మీ చర్మాన్ని ఆరోగ్యంగా మార్చాలనుకుంటే రాత్రి సమయంలో చర్మ సంరక్షణలో మీరు చాలా జాగ్రత్తలు తీసుకోవాలి. ఎందుకంటే రోజంతా చెమట, ధూళి, నూనె, దుమ్ము, కాలుష్యం మొదలైన వాటి కారణంగా ముఖం చర్మం కలుషితమవుతుంది. దీని కారణంగా చర్మం స్వేచ్ఛగా శ్వాస తీసుకోలేకపోతుంది. రాత్రి నిద్రపోతున్నప్పుడు స్వయంగా రిపేర్ అవుతుంది. క‌నుక జాగ్రత్తలు తీసుకోక‌పోతే మొటిమలు, ముడతలు, వృద్ధాప్య సంకేతాలు మొదలైన చర్మ సమస్యలు మొదలవుతాయి.
అయితే రాత్రి పడుకునే ముందు ఇక్కడ పేర్కొన్న 5 పనులు చేస్తే మీ ముఖం తిరిగి మెరుస్తుంది. మీ చర్మ సమస్యలన్నీ కూడా తొలగిపోతాయి. ఈ చర్మ సంరక్షణ చిట్కాల గురించి తెలుసుకోండి.
1. మీరు రాత్రి నిద్రపోయే ముందు మొదటగా మీ ముఖాన్ని బాగా కడుక్కోవాలి. దీని కోసం మీరు తేలికపాటి ఫేస్ వాష్‌ను కూడా ఉపయోగించవచ్చు. దీంతో ముఖం నుండి దుమ్ము, ధూళి, నూనె మొదలైనవన్నీ తొలగిపోతాయి. మీరు ఫేస్ వాష్ ఉపయోగించకూడదనుకుంటే.. మీరు ముఖాన్ని శుభ్రమైన నీటితోనూ కడగవచ్చు.
2. చర్మం ఆరోగ్యంగా ఉండటం చాలా ముఖ్యం. ఆరోగ్యకరమైన చర్మాన్ని పొందడానికి చర్మం స్వేచ్ఛగా శ్వాస తీసుకోవడం అవసరం. ముఖం కడిగిన తర్వాత కూడా నూనె, ధూళి రంధ్రాల లోపల నిల్వ ఉంటాయి. అందుకే మీరు పడుకునే ముందు ముఖంపై ఆవిరి ప‌ట్టాలి. ఇది రంధ్రాలను తెరుస్తుంది, వాటి లోపల ఉండే బ్లాక్ హెడ్స్, వైట్ హెడ్స్ ను తొలగిస్తుంది. దీంతో ముఖం మెరుస్తుంది.
3. సాయంత్రం తగినంత నీటిని తీసుకోవాలి. నీటిని తాగడం వల్ల మీ శరీరం నుంచి విష ప‌దార్థాలు తొలగిపోతాయి. దీనివల్ల చర్మానికి తేమ అందుతుంది. ఉదయం నిద్ర లేవగానే గోరువెచ్చని నీటిఏని తాగాలి.
4. రాత్రి పూట ఆహారంలో టమోటాలు, ఆలివ్ ఆయిల్, వోట్ మీల్, గ్రీన్ టీ, బ్రోకలీ మొదలైన పోషకాలు స‌మృద్ధిగా ఉండే ఆహారాల‌ను తినాలి. ఇవి చర్మాన్ని సంర‌క్షిస్తాయి.
5. రాత్రి పూట కొంద‌రు దిండుకు ముఖం ఆనించి నిద్ర‌పోతారు. ఇలా చేయ‌కూడ‌దు. దీంతో ముఖంపై ఎక్కువ‌గా ముడతలు వ‌స్తాయి.
