Constipation : నేటి త‌రుణంలో మ‌న‌లో చాలా మందిని వేధిస్తున్న జీర్ణ సంబంధిత స‌మ‌స్య‌ల్లో మలబద్దకం స‌మ‌స్య కూడా ఒక‌టి. ఈ స‌మ‌స్య‌తో బాధ‌ప‌డే వారు మ‌న‌లో చాలా మందే ఉన్నారు. మారిన జీవ‌న విధానం, ఆహార‌పు అల‌వాట్ల కార‌ణంగా త‌లెత్తే స‌మ‌స్య‌ల్లో ఇది ఒక‌టి. మలబద్దకం కార‌ణంగా రోజంతా చిరాకుగా ఉంటుంది. అలాగే ఏ ప‌ని మీద శ్ర‌ద్ద పెట్ట‌లేక‌పోతుంటారు. అంతేకాకుండా ఈ స‌మ‌స్య కార‌ణంగా అనేక ఇత‌ర అనారోగ్య స‌మ‌స్య‌లు కూడా త‌లెత్తే అవ‌కాశం ఉంది. మలబద్దకం కార‌ణంగా ఆక‌లి లేక‌పోవ‌డం, గ్యాస్, అజీర్తి వంటి ఎన్నో స‌మ‌స్య‌లు త‌లెత్తుతాయి. అంతేకాకుండా మలబద్దకం కార‌ణంగా ప్రేగుల్లో వ్య‌ర్థాలు పేరుకుపోతాయి. దీంతో మ‌నం అనేక ఇత‌ర అనారోగ్య స‌మ‌స్య‌ల బారిన ప‌డే అవ‌కాశాలు ఎక్కువ‌గా ఉంటాయి.
క‌నుక మలబద్దకం స‌మ‌స్య నుండి వీలైనంత త్వ‌ర‌గా బ‌య‌ట‌ప‌డాలి. కొన్ని ఇంటి చిట్కాల‌ను వాడ‌డం వ‌ల్ల మ‌నం చాలా సుల‌భంగా ఈ స‌మ‌స్య నుండి బ‌య‌ట‌ప‌డ‌వ‌చ్చు. మలబద్దకం స‌మ‌స్య‌తో బాధ‌ప‌డే వారు నీటిని ఎక్కువ‌గా తీసుకోవాలి. సుల‌భంగా జీర్ణ‌మ‌య్యే ఆహారాన్ని తీసుకోవాలి. అలాగే పీచు ప‌దార్థాలు ఎక్కువ‌గా ఉండే ఆకుకూర‌ల‌ను, కూర‌గాయ‌ల‌ను తీసుకోవాలి. జంక్ ఫుడ్ కు, నూనెలో వేయించిన ప‌దార్థాల‌కు, మ‌సాలా ప‌దార్థాల‌కు దూరంగా ఉండాలి. ప్ర‌తిరోజూ వ్యాయామం చేయాలి. చ‌క్క‌టి జీవ‌న విధానాన్ని పాటించాలి. వీటితో పాటు నిమ్మ‌కాయ నీటిని తాగాలి. ఒక గ్లాస్ గోరు వెచ్చ‌ని నీటిలో అర చెక్క నిమ్మ‌ర‌సాన్ని పిండుకుని తాగాలి. ఈ నిమ్మ‌కాయ నీటిని రోజూ ఉద‌యం పరగడుపున అలాగే రాత్రి ప‌డుకోవ‌డానికి అర‌గంట ముందు తాగాలి. ఈ విధంగా తాగ‌డం వ‌ల్ల మలబద్దకం స‌మ‌స్య నుండి బ‌య‌ట‌ప‌డ‌వ‌చ్చు. అలాగే అవిసె గింజ‌ల‌ను ఉప‌యోగించ‌డం వ‌ల్ల కూడా మ‌నం మంచి ప‌లితాల‌ను పొంద‌వ‌చ్చు. అవిసె గింజ‌ల‌ను దోర‌గా వేయించి పొడిగా చేయాలి.
తరువాత ఈ పొడిని ఒక గ్లాస్ గోరు వెచ్చ‌ని నీటిలో లేదా గోరు వెచ్చ‌ని పాల‌లో కలిపి తీసుకోవాలి. ఈ విధంగా అవిసె గింజ‌ల పొడిని కూడా రోజూ రాత్రి ప‌డుకోవ‌డానికి అర‌గంట ముందు తీసుకోవ‌డం వ‌ల్ల మంచి ఫ‌లితం ఉంటుంది. అదే విధంగా త్రిఫ‌ల చూర్ణాన్ని వాడ‌డం వ‌ల్ల కూడా మలబద్దకం స‌మ‌స్య‌ను దూరం చేసుకోవ‌చ్చు. మలబద్దకం స‌మ‌స్య‌తో బాధ‌ప‌డే వారు ఒక గ్లాస్ గోరు వెచ్చ‌ని నీటిలో రెండు టీ స్పూన్ల త్రిఫ‌ల చూర్ణాన్ని, ఒక టేబుల్ స్పూన్ తేనెను వేసి క‌ల‌పాలి. తరువాత ఈ నీటిని రోజూ రాత్రి ప‌డుకోవ‌డానికి అర‌గంట ముందు తాగాలి. ఈ విధంగా ఈ చిట్కాల‌ను వాడ‌డం వ‌ల్ల చాలా సుల‌భంగా మ‌నం మలబద్దకం స‌మ‌స్య నుండి బ‌య‌ట‌ప‌డ‌వ‌చ్చు. మలబద్దకం స‌మ‌స్య‌తో బాధ‌ప‌డే వారు ఈ చిట్కాల‌ను వాడ‌డం వ‌ల్ల మంచి ఫ‌లితాల‌ను పొంద‌వ‌చ్చు.
