Ginger Oil For Hair : ప్ర‌స్తుత త‌రుణంలో చాలా మంది జుట్టు స‌మ‌స్య‌ల‌ను ఎదుర్కొంటున్నారు. ఇందుకు అనేక కార‌ణాలు ఉంటున్నాయి. కాలుష్యం, అల‌ర్జీలు, నీళ్లు, పోష‌కాహార లోపం, థైరాయిడ్ వంటి వ్యాధులు ఉండ‌డం వంటి అనేక కార‌ణాల వ‌ల్ల జుట్టు రాల‌డం, చుండ్రు వంటి స‌మ‌స్య‌ల బారిన ప‌డుతున్నారు. అయితే చాలా మంది పోష‌ణ స‌రిగ్గా అంద‌క‌పోవ‌డం వ‌ల్లే ఈ స‌మ‌స్య‌ల‌ను ఎదుర్కొంటున్నారు. కానీ స‌రైన పోష‌ణ ల‌భిస్తే జుట్టు ఎంతో బాగా పెరుగుతుంది. ఇందుకు ఏం చేయాలో ఇప్పుడు తెలుసుకుందాం.
జుట్టు కుదుళ్ల‌ను దృఢంగా చేసి జుట్టును బాగా పెరిగేలా చేయ‌డంలో మ‌న‌కు కెరాటిన్ అనే ప్రోటీన్ ఎంత‌గానో ఉప‌యోగ‌ప‌డుతుంది. అయితే జుట్టుకు కెరాటిన్ అందేలా చూసుకుంటే చాలు.. దీంతో జుట్టు రాల‌డాన్ని ఆప‌వ‌చ్చు. అలాగే జుట్టు కూడా పెరుగుతుంది. మ‌రి కెరాటిన్ అందాలంటే ఏం చేయాలి.. అంటే.. అందుకు జింజ‌ర్ ఆయిల్ బాగా ఉప‌యోగ‌ప‌డుతుంద‌ని చెప్ప‌వ‌చ్చు. దీంతో జుట్టుకు అధిక మోతాదులో కెరాటిన్ ల‌భిస్తుంది. ఇది జుట్టుకు పోష‌ణ‌ను అందిస్తుంది. దీంతో జుట్టు కుదుళ్లు బలంగా మారుతాయి. జుట్టు రాల‌డం త‌గ్గుతుంది. జుట్టు పొడ‌వుగా పెరుగుతుంది. ఇక జింజ‌ర్ ఆయిల్‌ను ఎలా వాడాలో ఇప్పుడు చూద్దాం.
జింజ‌ర్ ఆయిల్‌ను కొద్దిగా తీసుకుని అందులో కాస్త కొబ్బ‌రినూనె క‌లిపి జుట్టు కుదుళ్ల‌కు త‌గిలేలా బాగా ప‌ట్టించాలి. అనంత‌రం 30 నిమిషాలు ఆగి త‌ల‌స్నానం చేయాలి. ఇలా వారంలో క‌నీసం 2 సార్లు చేయాలి. దీంతో జింజ‌ర్ ఆయిల్ జుట్టు పెరుగుద‌ల‌కు తోడ్ప‌డుతుంది. జుట్టుకు పోష‌ణ‌ను అందిస్తుంది. ఇక దీంతోపాటు ప‌లు ఆహారాల‌ను కూడా తీసుకోవాలి. పుచ్చ గింజలు, పప్పులు, వేరుశనగలు, సోయా, ప‌నీర్‌, బాదంపప్పు, జీడిప‌ప్పు, వాల్ నట్స్.. ఇలా ప‌లు ఆహారాల‌ను తీసుకోవ‌డం వ‌ల్ల కూడా మ‌న‌కు ప‌లు పోష‌కాలు ల‌భిస్తాయి. ఇవి జుట్టు స‌మ‌స్య‌ల‌ను త‌గ్గించ‌డంలో స‌హాయ ప‌డ‌తాయి. క‌నుక ఈ సూచ‌న‌ల‌ను పాటించ‌డం వ‌ల్ల జుట్టు స‌మ‌స్య‌లు లేకుండా చూసుకోవ‌చ్చు.
