Gurivinda Ginja : జుట్టు రాల‌డం, దుర‌ద, చుండ్రు, జుట్టు తెల్ల‌బ‌డ‌డం వంటి వివిధ ర‌కాల జుట్టు సమస్యలతో మ‌న‌లో చాలా మంది బాధ‌ప‌డుతున్నారు. జుట్టు స‌మ‌స్య‌లు త‌లెత్త‌డానికి కార‌ణాలు ఏవైన‌ప్ప‌టికి ఈ సమస్యలతో బాధ‌ప‌డే వారు రోజురోజుకు పెరుగుతున్నారు. జుట్టును ఒత్తుగా, న‌ల్ల‌గా ఉంచుకోవ‌డానికి అనేక ర‌కాల ప్ర‌య‌త్నాలు చేస్తూ ఉంటారు. ఎంతో ఖ‌ర్చు చేస్తూ ఉంటారు కూడా. ఈవిధంగా జుట్టు సమస్యలతో బాధ‌ప‌డే వారు ఎటువంటి ఖ‌ర్చు లేకుండా చాలా సుల‌భంగా జుట్టును ఆరోగ్యవంతంగా మార్చుకోవ‌చ్చు. ఒక చ‌క్క‌టి చిట్కాను వాడ‌డం వల్ల చాలా సుల‌భంగా జుట్టు స‌మ‌స్య‌ల‌న్నింటిని దూరం చేసుకోవ‌చ్చు. జుట్టును అందంగా, న‌ల్ల‌గా, ఆరోగ్యంగా మార్చే ఈ చిట్కా ఏమిటి.. అన్న వివ‌రాల‌ను ఇప్పుడు తెలుసుకుందాం. ఈ చిట్కాను త‌యారు చేసుకోవ‌డానికి గానూ మ‌నం గురివింద గింజ‌ల‌ను ఉప‌యోగించాల్సి ఉంటుంది.
ఇవి మ‌న‌కు పొలాల ద‌గ్గ‌ర, చేల కంచెల వెంబ‌డి విరివిరిగా ల‌భిస్తూ ఉంటారు. అలాగే ఆయుర్వేద షాపుల్లో కూడా ఈ గురివింద గింజ‌లు మ‌న‌కు ల‌భిస్తాయి. గురివింద గింజ‌లు చూడ‌డానికి చాలా చ‌క్క‌గా ఉంటాయి. అలాగే వీటిలో ఎన్నో ఔష‌ధ గుణాలు కూడా దాగి ఉన్నాయి. ఈ గింజ‌ల‌ను ఉప‌యోగించడం వల్ల మ‌నం జుట్టు స‌మ‌స్య‌ల‌న్నింటిని దూరం చేసుకోవ‌చ్చు. దీని కోసం ముందుగా గురివింద గింజ‌ల‌ను జార్ లో వేసి ప‌ప్పు లాగా చేసుకోవాలి. త‌రువాత ఈ ప‌ప్పును మందంగా ఉండే వ‌స్త్రంలో వేసి మూట క‌ట్టాలి. త‌రువాత ఒక గిన్నెలో అర గ్లాస్ పాల‌ను తీసుకోవాలి. ఇందులో గురివింద గింజ‌ల మూట వేసి పాలు పూర్తిగా ఆవిరై పోయే వ‌ర‌కు మ‌రిగించాలి. త‌రువాత మూట‌ను తీసి ప‌క్కకు ఉంచాలి. ఇప్పుడు మ‌రో గిన్నెలో100 ఎమ్ ఎల్ కొబ్బ‌రి నూనెను తీసుకోవాలి. త‌రువాత ఇందులో ఒక టీ స్పూన్ గుంట‌గ‌ల‌గ‌రాకు పొడిని వేసి క‌ల‌పాలి.
త‌రువాత ఉడికించిన గురివింద గింజ‌ల ప‌ప్పు కూడా వేసి క‌ల‌పాలి. ఇప్పుడు ఈ నూనెను చిన్న మంట‌పై వేడి చేయాలి. నూనె మ‌రిగిన త‌రువాత స్ట‌వ్ ఆఫ్ చేసి చ‌ల్లార‌నివ్వాలి. త‌రువాత ఈ నూనెను వ‌డ‌క‌ట్టి నిల్వ చేసుకోవాలి. ఇలా త‌యారు చేసుకున్న నూనెను రాత్రి ప‌డుకునే ముందు జుట్టు కుదుళ్ల‌ల్లోకి ఇంకేలా బాగా ప‌ట్టించాలి. దీనిని రాత్రంతా అలాగే ఉంచుకుని ఉద‌యయాన్నే త‌ల‌స్నానం చేయాలి. ఇలా చేయ‌డం వల్ల జుట్టు రాల‌డం త‌గ్గుతుంది. జుట్టు ఒత్తుగా, న‌ల్ల‌గా పెరుగుతుంది. దుర‌ద, చుండ్రు వంటి స‌మ‌స్య‌లు దూర‌మ‌వుతాయి. ఈ చిట్కాను వారానికి రెండు సార్లు వాడ‌డం వల్ల మంచి ఫ‌లితం ఉంటుంది.
