Asthma : ఉబ్బ‌సం లేదా ఆస్త‌మా అనేది ఒక తీవ్ర‌మైన శ్వాస‌కోస వ్యాధి. ఇది దీర్ఘ‌కాలంగా మ‌నిషికి ఊపిరి అంద‌కుండా చేస్తుంది. ఇది పిల్ల‌లోనూ, పెద్ద‌వారిలోనూ క‌నిపిస్తుంది. అయితే ఇద్ద‌రిలోనూ కార‌ణాలు వేరువేరుగా ఉంటాయి. ఈ వ్యాధి ప్ర‌ధాన ల‌క్ష‌ణం ఆయాసం ఎక్కువ‌గా రావ‌డం. ఈ వ్యాధి కార‌ణంగా శ్వాస నాళాలు సంకోచించి వాపు మూలంగా శ్లేష్మం ఎక్కువ‌గా త‌యార‌య్యి ఊపిరిని అడ్డ‌కుంటాయి. అయితే ఇలా జ‌ర‌గ‌డానికి సాధార‌ణంగా వ‌తావ‌ర‌ణంలోని అల‌ర్జీ క‌లిగించే ప‌దార్థాలు కార‌ణంగా చెప్ప‌వ‌చ్చు. పొగాకు, చ‌ల్ల‌ని గాలి, సుగంధాలు, పెంపుడు జంతువుల ధూళి, వ్యాయామం, మాన‌సిక ఆందోళ‌న మొద‌లైనవి ఇందుకు ప్ర‌ధాన కార‌ణాలు.
పిల్ల‌ల్లో జ‌లుబు వంటి వైర‌స్ వ్యాధులు ప్ర‌ధాన కార‌ణం. ఈ విధ‌మైన శ్వాస నాళాల సంకోచం వ‌ల్ల పిల్లి కూత‌లు, ఆయాసం, ఛాతి ప‌ట్టిన‌ట్టుగా ఉండ‌డం మ‌రియు ద‌గ్గు వ‌స్తాయి. శ్వాస నాళాల వ్యాకోచాన్ని క‌లిగించే మందులు సాధార‌ణంగా మంచి ఉప‌శ‌మనాన్ని క‌లిగిస్తాయి. అయితే త‌గినట్టుగానే త‌గ్గి మ‌ర‌లా వ‌చ్చేయ‌డం ఉబ్బ‌సం యొక్క ప్ర‌ధాన ల‌క్ష‌ణం. ఇందువ‌ల్ల వీరు మందుల‌కు అల‌వాటు ప‌డిపోయే ప్ర‌మాదం ఉంది. కొంద‌రిలో ఈ వ్యాధి ప్రాణాంత‌కం కూడా కావ‌చ్చు. ఆస్త‌మా వ్యాధితో బాధ‌ప‌డే వారు ఇక చింతించాల్సిన పని లేదు. ఈ ఆస్త‌మాను నివారించ‌డానికి కుంకుడు గింజల్లోని పప్పు అద్భుతుంగా పని చేస్తుందని కొంత మంది ఆయుర్వేద నిపుణులు చెబుతున్నారు.
ఉబ్బ‌సం వ్యాధితో బాధ‌ప‌డే వారు మ‌న‌లో చాలా మంది ఉండే ఉంటారు. ఇలాంటి వారు కుంకుడు గింజ‌లోని ప‌ప్పును ప్ర‌తిరోజూ సేవిస్తూ ఉంటే ఉబ్బ‌సం త‌గ్గిపోతుంద‌ని నిపుణులు చెబుతున్నారు. కుంకుడుకాయ‌ల‌ను ఈ రోజుల్లో వాడేవారు చాలా త‌క్కువ‌గా ఉంటారు. నిజానికి త‌లంటుకోవ‌డానికి కుంకుడుకాయ‌ల‌ను వాడ‌డ‌మే మంచిది. దీని వ‌ల్ల వెంట్రుక‌లు ఆరోగ్యంగా ఉండ‌డ‌మే కాకుండా పేలు, చుండ్రు వంటి స‌మ‌స్య‌లు రాకుండా ఉంటాయి. వేస‌విలో కుంకుడు కాయ‌ల‌ను బాగా ఎండ‌బెట్టి పొడిగా చేసి నిల్వ చేసుకోవ‌చ్చు. ఇప్పుడు ఈ కంకుడు కాయ‌ల్లోని గింజల్లోని ప‌ప్పును తిన‌డం వ‌ల్ల ఉబ్బ‌సం వ్యాధి నుండి బ‌య‌ట‌ప‌డ‌వ‌చ్చని కొంత‌మంది వైద్య నిపుణులు వారి ప‌రిశోధ‌న‌ల ద్వారా నిర్ధారించారు.
కుంకుడు గింజల్లోని ప‌ప్పులో ఉండే ఔష‌ధ గుణాలు ఉబ్బ‌సానికి కార‌ణ‌మ‌య్యే బ్యాక్టీరియాను చంపి ఉబ్బ‌సాన్ని త‌గ్గిస్తాయనే విష‌యాన్ని వారు తెలియ‌జేస్తున్నారు. కుంకుడుకాయ‌తో పాటు ఆస్త‌మాను తగ్గిండంలో వెల్లుల్లి ర‌సం కూడా అద్భుతంగా పని చేస్తుంది. చ‌క్కెర‌కేళి అరటి పండులో కొంచెం గోమూత్రాన్ని క‌లుపుకుని తాగిన కూడా ఆస్త‌మా త‌గ్గుతుందని నిపుణులు చెబుతున్నారు. ఈ చిట్కాల‌ను పాటించ‌డం వ‌ల్ల ఆస్త‌మాను ఎటువంటి దుష్ప్ర‌భావాలు లేకుండా త‌గ్గించుకోవ‌చ్చ‌ని నిపుణులు చెబుతున్నారు.
