శరీరం ఆల్కహాల్ ను ఒక విషపదార్ధంగా పరిగణిస్తుంది. ఆల్కహాల్ లివర్ లోకి వెళ్ళి అక్కడ బ్రేక్ డవున్ అయ్యేటపుడు ఎసిటల్ డీహైడ్ అనే మరింత విషపదార్ధాన్ని తయారు చేస్తుంది. మీరు తాగుతున్నారంటే ఆల్కహాల్ జీర్ణం చేసేందుకు శరీర సామర్ధ్యాన్ని పెంచుతున్నారన్నమాట. అది మీ రక్తంలో కలిసిపోయేటందుకు సహకరిస్తున్నారు. దీనితో అనేక సైడ్ ఎఫెక్టులు వస్తాయి.
ముఖ్యంగా అది మూత్ర విసర్జనను అధికం చేస్తుంది. ఈ కారణంగా శరీరంలో డీహైడ్రేషన్ ఏర్పడుతుంది పొట్ట లైనింగ్ దెబ్బతిని మంట, తలనొప్పి ఏర్పడతాయి. శరీరంలోని అవయవాలు నీటిని తిరిగి పొందటానికి శ్రమిస్తాయి. వీటన్నిటికి తోడు లేట్ నైట్ వరకు నిద్ర లేకపోవటం కూడా జరుగుతుంది.
నిద్రలేని అలసట, నీరు లేని శరీరం కారణంగా హేంగోవర్ వచ్చేస్తుంది. ఈ హేంగోవర్ కు సహజ పరిష్కారం, చాలినంత నీటిని శరీరానికి అందించటం ఒకటి కాగా, రెండోది పూర్తి నిద్రను అందించటం మాత్రమే అంటారు కొలంబియా యూనివర్శిటీ లోని పరిశోధకులు. హ్యాంగోవ‌ర్ స‌మ‌స్య ఉన్న‌వారు హ్యాంగోవ‌ర్ పెగ్ పేరిట ఇంకా మ‌ద్యం సేవిస్తారు. కానీ అలా చేయ‌కూడ‌దు. బ‌దులుగా మ‌జ్జిగ‌ను సేవించాలి. మ‌జ్జిగ వ‌ల్ల శరీరంలోని డీహైడ్రేషన్ త‌గ్గుతుంది. హ్యాంగోవ‌ర్ నుంచి ఉప‌శ‌మ‌నం ల‌భిస్తుంది. కీర‌దోస, పుచ్చ‌కాయ‌లు, త‌ర్బూజాల‌ను తిన‌వ‌చ్చు. అల్లం ర‌సం సేవిస్తున్నా ఫ‌లితం ఉంటుంది. కొబ్బ‌రి నీళ్ల‌ను కూడా తాగ‌వ‌చ్చు.
