Mustard Oil For Hair : మనకు సులభంగా లభించే పదార్థాలతో మన ఇంట్లోనే నూనెను తయారు చేసుకుని వాడడం వల్ల మనం జుట్టు సమస్యలన్నింటిని దూరం చేసుకోవచ్చు. ప్రస్తుత కాలంలో జుట్టు రాలడం, జుట్టు తెగడం, జుట్టు చిట్లడం, జుట్టు తెల్లబడడం వంటి సమస్యలతో చాలా మంది బాధపడుతున్నారు. వయసుతో సంబంధం లేకుండా అందరూ ఈ సమస్యల బారిన పడుతున్నారు. జుట్టు సమస్యల బారిన పడడానికి కారణాలేవైనప్పటికి జుట్టు అందంగా ఉంటేనే మనం అందంగా కనిపిస్తాము. జుట్టు సమస్యలను తగ్గించుకోవడానికి అనేక రకాల ప్రయత్రాలు చేస్తూ ఉంటారు. మార్కెట్ లో లభించే అన్ని రకాల నూనెలను వాడుతూ ఉంటారు. కానీ ఎటువంటి ఫలితం లేక ఇబ్బంది పడుతూ ఉంటారు. అలాంటి వారు కేవలం రెండే రెండు పదార్థాలను ఉపయోగించి ఇంట్లోనే నూనెను తయారు చేసుకుని వాడడం వల్ల అందమైన, ఒత్తైన జుట్టును సొంతం చేసుకోవచ్చు.
జుట్టు ఆరోగ్యాన్ని మెరుగుపరిచే ఈ నూనెను ఎలా తయారు చేసుకోవాలి…వీటిని తయారు చేసుకోవడానికి మనకు కావల్సిన ఆ రెండు పదార్థాలు ఏమిటి..అన్న వివరాలను ఇప్పుడు తెలుసుకుందాం. ఈ నూనెను తయారు చేసుకోవడానికి గానూ మనం ఒక కప్పు ఆవ నూనెను, 4 టీ స్పూన్ల మెంతులన ఉపయోగించాల్సి ఉంటుంది. జుట్టు సమస్యలను తొలగించడంలో ఆవ నూనె, మెంతులు చక్కగా పని చేస్తాయి. జుట్టు కుదుళ్లను బలంగా మార్చి జుట్టు రాలడాన్ని తగ్గించడంలో, ఇన్ ప్లామేషన్ ను తగ్గించి తలలో దురద వంటి వాటిని తగ్గించడంలో, జుట్టును నల్లగా మార్చడంలోఆవ నూనె, మెంతులు మకు ఎంతో ఉపయోగపడతాయి. జుట్టు సమస్యలతో బాధపడే వారు ఈ నూనెను వాడడం వల్ల మంచి ఫలితం ఉంటుంది. దీని కోసం ముందుగా మెంతులను పొడిగా చేసుకోవాలి. తరువాత ఒక గిన్నెలో ఆవ నూనెను తీసుకుని అందులో మెంతుల పొడి వేసి కలపాలి.
తరువాత ఈ గిన్నెను మరుగుతున్న నీటిలో ఉంచి డబుల్ బాయిలింగ్ ప్రాసెస్ లో వేడి చేయాలి. నూనె వేడయ్యాక నీటి నుండి గిన్నెను బయటకు తీసి చల్లారనివ్వాలి. తరువాత ఈ నూనెను వడకట్టి నిల్వ చేసుకోవాలి. ఈ నూనెను తాజాగా ఎప్పటికప్పుడు తయారు చేసుకోవచ్చు లేదా ఎక్కువ మొత్తంలో తయారు చేసుకుని నిల్వ చేసుకోవచ్చు. ఇలాతయారు చేసుకున్న నూనెను తగిన మొత్తంలో తీసుకుని జుట్టు కుదుళ్ల నుండి చివరి వరకు బాగా పట్టించాలి. దీనిని రాత్రంతా అలాగే ఉంచుకుని ఉదయాన్నే తలస్నానం చేయాలి. ఇలా వారానికి రెండు నుండి మూడుసార్లు చేయడం వల్ల జుట్టు సమస్యలన్నీ తగ్గు ముఖం పడతాయి. జుట్టు ఆరోగ్యం మెరుగుపడుతుంది.
