ప్రజెంట్ అందరూ బిజీగానే ఉంటున్నారు. ఉదయం లేచింది మొదలు రాత్రి నిద్రపోయే వరకూ ఏదో ఒక పని ఉంటూనే ఉంటుంది. దీంతో పనులు చేసేటప్పుడు ఒక్కో పనికి ఒక్కో టైమ్‌ని కేటాయిస్తాం. ఈ సమయంలోనే పాలు స్టౌపై పెట్టి వేరే పనులు చేస్తుంటాం. అయితే కొన్నిసార్లు ఇలా చేసినప్పుడు అవి పొంగిపోతుంటాయి. గ్యాస్ స్టౌపై పడి మరకలు అవుతుంటాయి. అలా కాకుండా ఉండాలంటే కొన్ని టిప్స్ పాటించొచ్చు. అవేంటో ఇప్పుడు చూద్దాం. పాలని పెద్దగిన్నెలో మరిగించడం మంచిది. దీని వల్ల పాలు పొంగవు. అలా కాకుండా మీరు చిన్న గిన్నెలో తీసుకుని మరిగిస్తుంటే త్వరగా పొంగుతాయి. అందుకే ముందుగానే పెద్దగిన్నె తీసుకుని మరిగిస్తే ప్రాబ్లమ్ ఉండదు. దీని వల్ల పాలు కూడా చక్కగా మరుగుతాయి. ఇలా చేస్తే చెక్ చేయాల్సిన అవసరం కూడా ఉండదు.
పాలు మరిగేటప్పుడు ఆ గిన్నెపై ఏదైనా చెక్క స్పూన్ పెట్టండి. దీని వల్ల పాలు పొంగవు. పొంగు వచ్చినా ఆ స్పూన్‌ని తాకి కిందికి వెళ్ళిపోతాయి. అయితే, ఇది కూడా పెద్ద గిన్నెలో మరిగించినప్పుడు బాగా పనిచేస్తుంది. అయితే, ఆ స్పూన్ నీట్‌గా ఉందా లేదా చెక్ చేసి పెట్టాలి. ఎందుకంటే పాలు మరిగినప్పుడు స్పూన్‌ని తగులుతాయి. పాలు మరిగించే గిన్నెకి కాస్తా వెన్న రాయండి. చిటికెడు మాత్రమే. దీని వల్ల కూడా పాలు పొంగు రాకుండా ఉంటాయి. చక్కగా మరుగుతాయి. వెన్న మరీ ఎక్కువగా రాయకూడదు. దీని వల్ల పాల టేస్ట్ మారడం, విరిగిపోయే ఛాన్సెస్ ఎక్కువగా ఉంటాయి. కాబట్టి కొద్దిగా తీసి రాసి మరిగించాలి. అది కూడా సిమ్‌లోనే పెట్టాలని గుర్తుపెట్టుకోండి. అదే విధంగా పొంగు వచ్చినప్పుడు ఆ నురగపై కాస్తా నీరుని చిలకరించండి. ఇలా చేయడం వల్ల కూడా పొంగవు. చక్కగా మరుగుతాయి.
అయితే నీరు కొద్దిగానే చల్లాలి. అదే విధంగా పొంగు రాగానే స్పూన్‌తో కలపడం. గిన్నెని పైకి తీసి తిప్పడం చేస్తే అంత త్వరగా పొంగవు పాలు మళ్ళీ వేడి చేస్తే మరుగుతుంటాయి. అయితే మరిగేటప్పుడు మధ్య మధ్యలో ఇలా చేయడం మరిచిపోవద్దు. మనం సాధారణంగా ఇంట్లో కొన్ని సార్లు డబుల్ బాయిలింగ్ చేస్తుంటాం. చాక్లెట్, వెన్న కరిగించేందుకు, నూనె వేడి చేసేందుకు ఈ పద్ధతిని ఉపయోగిస్తుంటాం. ఇదేంటంటే ముందుగా ఓ పెద్ద గిన్నె తీసుకుని అందులో నీరు పోసి ఆ గిన్నెలో పాలని పెట్టి మరిగించడం. ఈ పద్ధతిలో పాలు మరిగేందుకు కాస్తా టైమ్ ఎక్కువ పడుతుంది, కానీ, త్వరగా మరిగిపోతాయి.
