చాలా మందికి కొత్త కార్లు కొనుగోలు చేయడం అంటే ఎంతో ఇష్టం ఉంటుంది. వచ్చిన ప్రతి మోడల్ ని కొనుగోలు చేయడానికి చూసే వాళ్ళు కూడా చాలా మంది ఉన్నారు. ఎప్పుడైనా ఒక కారు కొనుగోలు చేస్తే ఓ కుటుంబ సభ్యులు వాళ్ళ ఇంట్లోకి వచ్చినట్లు అనిపిస్తుంది. కొత్త కారుని ఎంతో అందంగా అలంకరించి, ఎంతో ప్రేమతో చూసుకుంటూ ఉంటారు. కొంతమంది నెంబర్ ప్లేట్ల విషయం పై కూడా శ్రద్ధ పెడుతూ ఉంటారు. వీఐపీ నెంబర్ ప్లేట్ ని పొందాలని చూస్తూ ఉంటారు. అయితే, ఇండియా సిరీస్ నెంబర్ ప్లేట్ కోసం ఎలా దరఖాస్తు చేసుకోవచ్చనే దాని గురించి ఇప్పుడు చూద్దాం.
దీని కోసం ముందు మీరు వాహన పోర్టల్ లోకి వెళ్ళాలి. మినిస్ట్రీ ఆఫ్ రోడ్ ట్రాన్స్పోర్ట్ అండ్ హైవేస్ parivahan.gov.in లోకి వెళ్లి, హోమ్ పేజ్ పై క్లిక్ చేసి, వెహికల్ రిజిస్ట్రేషన్ ఆప్షన్ ని ఎంపిక చూసుకోవాలి. తర్వాత కిందకి వెళ్తే అప్లై ఫర్ న్యూ రిజిస్ట్రేషన్ ఆప్షన్ కనబడుతుంది. అక్కడ మీరు ఇండియా సిరీస్ ని ఎంపిక చేసుకోవాలి. ఇక్కడ అడిగిన వివరాలని ఫిల్ చేయాల్సి ఉంటుంది.
ఆ తర్వాత ప్రూఫ్ కింద డాక్యుమెంట్లు ఇవ్వాలి. రిజిస్ట్రేషన్ ఫీజుని చెల్లించాలి. ఆర్టీవో వెరిఫికేషన్ పూర్తవ్వాలి. ఎవరు ఇండియా సిరీస్ నెంబర్ ప్లేట్ కి అర్హులు అన్నది చూస్తే.. రాష్ట్ర లేదా కేంద్ర ప్రభుత్వ ఉద్యోగస్తులు అర్హులు. అలాగే డిఫెన్స్, బ్యాంక్ ఎంప్లాయిస్, అడ్మినిస్ట్రేటివ్ సర్వీస్ ఎంప్లాయిస్ కూడా దరఖాస్తు చేసుకోవచ్చు. ప్రైవేట్ ఉద్యోగస్తులు నాలుగు రాష్ట్రాలలో వాళ్ళ కంపెనీ ఉన్నట్లయితే దరఖాస్తు చేసుకోవచ్చు.
