ఆయన ముంబైకి చెందిన డాక్టర్ ఉదయ్ మోడీ. 11 సంవత్సరాల క్రితం, ఒక వృద్ధుడు చికిత్స కోసం అతని వద్దకు వచ్చాడు. అతన్ని చూసిన తర్వాత అతను పేదవాడని గ్రహించాడు. ఆ వృద్ధుడు ఏడవడం ప్రారంభించి, తనకు ముగ్గురు కుమారులు ఉన్నారని, కానీ వారు తన కోసం డబ్బు ఖర్చు చేయరని, తిండి కూడా పెట్ట‌రని చెప్పాడు. అతని భార్యకు పక్షవాతం వచ్చింది, ఆమె లేచి నడవలేదు. అతని వయస్సు 84 సంవత్సరాలు అయినప్పటికీ ఆ వృద్దుడు ఆమెను చూసుకోవాల్సి వచ్చింది. కాబట్టి ఉదయ్ మోడీ వారికి ఏదైనా చేయాలని భావించి, మరుసటి రోజు నుండి తన ఇంటి నుండి టిఫిన్ పంపుతానని వృద్ధుడికి చెప్పాడు.
ఎవరైనా సీనియర్ సిటిజన్ సమస్యలో ఉంటే లేదా ఇబ్బందులు ఎదుర్కొంటుంటే, తెలియజేయమని కూడా అతను వృద్ధుడికి చెప్పాడు. ఆ సమయంలో అతను మహా ఐతే 3–5 మంది మాత్రమే ఉంటారని, అతను తన ఇంటి నుండి వారికి ఆహారం పంపగలడని అనుకున్నాడు. కానీ, అతనికి పేర్లు రావడం ప్రారంభించినప్పుడు అది చాలా కొద్ది నెలల్లోనే 100 దాటింది. కాబట్టి అతను పెద్ద పని చేయాలని భావించి శ్రావణ టిఫిన్ సర్వీస్ ప్రారంభించాడు.
వృద్ధుల పరిస్థితి ఎంతగా అంటే వారు స్వయంగా వంట చేసుకోలేరు, ఏదైనా కొనుక్కోవడానికి, తినడానికి డబ్బు లేదు, కాబట్టి వారి ఏకైక ఆశ టిఫిన్. వారు నివసించే ప్రదేశం శుభ్రంగా ఉండదు కాబట్టి ఎల్లప్పుడూ ఇన్ఫెక్షన్ వచ్చే అవకాశం ఉంటుంది. కాబట్టి అతను వృద్ధాశ్రమం అనే పదాన్ని వారికి ఉపయోగించకూడదనుకుంటున్నందున అతను సన్స్ హోమ్‌ను కూడా ప్రారంభించాలనుకుంటున్నాడు. అయితే, దీనికి చాలా డబ్బు కూడా అవసరం. ఈ సన్స్ హోమ్‌లో, వారికి అవసరమైన అన్ని వైద్య చికిత్సలు అందించబడతాయి. వారి జీవితంలోని చివరి కొన్ని సంవత్సరాలు, వారు సంతోషంగా గడపవచ్చు. డాక్టర్ ఉదయ్ మోడీ లాంటి వారు చేస్తున్న సేవ అమూల్య మయినది.
