60 ఏళ్లు దాటారంటే మీరు చాలా అదృష్టవంతులు అన్న‌మాటే. ఎందుకంటే 100 కి 11 మంది మాత్రమే 60 దాట గలుగుతున్నారు. ఏడు మంది మాత్రమే 65 దాటి 70 చేర గలుగు తున్నారు. దప్పిక అనిపించినా లేకున్నా నీరు తాగుతూ ఉండాలి. రోజు కనీసం రెండు లీటర్ల నీళ్లు తాగాలి. ఆడతారో, తిరుగుతారో, నాట్యం చేస్తారో మీ ఇష్టం కదులుతూ ఉండండి. లేకపోతే కీళ్లన్నీ బిగుసుకుపోతాయి. బ్రతకడానికి తినండి తినటానికి బ్రతకకండి, పిండి పదార్థాలు బాగా తగ్గించి ప్రోటీన్లు ఎక్కువగా ఉన్న పోషకాహారం తినండి. ముఖ్యంగా రాత్రిపూట పిండి పదార్థాలు బాగా తగ్గించాలి.
వీలైనంత వరకు నడవండి, లేదా సైక్లింగ్ చేయండి, 100 నుంచి 200 మీటర్ల దూరం వాహనం వాడకండి, నడవండి. అపార్ట్మెంట్లో ఉండే వాళ్ళు ఎలివేటర్ వాడొద్దు, రైల్వేస్టేషన్లలో ఎస్క లేటర్లు వాడొద్దు, వాహనాలు వాడొద్దు. మెట్లు ఎక్కండి రాంప్ పై నడవండి. కోపం తగ్గించండి. తక్కువ మాట్లాడండి. మీ నివాస ప్రాంతంలో కోప నిషేధ స్థలం బోర్డు పెట్టండి. అది మీకు కోపం రాకుండా ఉంచుతుంది. మీ చుట్టూ ఉన్నవారికి కూడా గుర్తు చేస్తూ ఉంటుంది. ధనం పై వ్యామోహం వదిలిపెట్టండి, జీవనానికి అవసరమైనంత వరకు మాత్రమే సంపాదించాలి, డబ్బు వెంట మీరు పరిగెత్తకండి డబ్బు మీ వెంట పరిగెత్తాలి.
మీరు కోరుకున్నది దక్కకపోతే బాధపడకండి. నిన్ను నీవు దూసించుకోవద్దు. దానిని మర్చిపోండి. డబ్బు, తెలివి, సౌందర్యం, అధికారం, కులం, పదవి వీటి వల్ల అహంకారం పెరుగుతుంది. వీటిని వదిలిపెట్టాలి, వాటిపై నియంత్రణ సాధించాలి. వినయంగా ప్రజలతో ప్రేమగా ఉండాలి. ఆనందంగా నవ్వుతూ గడపాలి, అప్పుడే నువ్వు ఆరోగ్యంగా ఆనందంగా ఉంటావు. తెల్ల జుట్టు గురించి ఆందోళన వద్దు. కాళ్లు అనుమతించినంతకాలం యాత్రలు చేయండి, ఆనందంగా ఉండండి, తెల్లజుట్టు వార్దక్యానికి సంకేతం కాదు. అందరితో స్నేహంగా కలిసి మెలిసి ఉండండి, ఒక్కొక్కప్పుడు చిన్నవారే మనకు ఎన్నో విషయాలు నేర్పిస్తారు. నేను పెద్దవాడిని, అందరు నాకు నమస్కరించాలి, గౌరవించాలి అని ఆశించకండి, నిశ్శబ్దంగా ఉన్న వారిని కూడా ఆప్యాయంగా పలకరించండి. గమనించండి, మన జీవితం ఎంత హాయిగా, ఆనందంగా, యవ్వనంగా గడిచి పోతుందో.
