Bhuna Chicken Fry : భూనా చికెన్ ఫ్రై.. చికెన్ తో చేసుకోద‌గిన రుచిక‌ర‌మైన వంట‌కాల్లో ఇది కూడా ఒక‌టి. మ‌న‌కు రెస్టారెంట్ ల‌లో ఇది ఎక్కువ‌గా ల‌భిస్తుంది. ఈ చికెన్ ఫ్రై చాలా రుచిగా ఉంటుంది. చికెన్ తో త‌రుచూ చేసే ప్రై రెసిపీల కంటే కింద చెప్పిన విధంగా త‌యారు చేసే భూనా చికెన్ ఫ్రై చాలా రుచిగా ఉంటుంది. సైడ్ డిష్ గా తిన‌డానికి ఇది చాలా చ‌క్క‌గా ఉంటుంది. ఈ భూనా చికెన్ ను త‌యారు చేయ‌డం చాలా సుల‌భం. ఎవ‌రైనా చాలా సుల‌భంగా ఈ భూనా చికెన్ ఫ్రైను త‌యారు చేసుకోవ‌చ్చు. ఎంతో రుచిగా ఉండే ఈ భూనా చికెన్ ను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివరాల‌ను ఇప్పుడు తెలుసుకుందాం.
భూనా చికెన్ ఫ్రై త‌యారీకి కావ‌ల్సిన ప‌దార్థాలు..
ట‌మాటాలు – 3( మ‌ధ్య‌స్థంగా ఉన్న‌వి), చిన్న‌గా త‌రిగిన ఉల్లిపాయ‌లు – 3( మ‌ధ్య‌స్థంగా ఉన్న‌వి), చికెన్ – అర‌కిలో, ఉప్పు – ఒక టీ స్పూన్, కారం – ఒక టీ స్పూన్, ప‌సుపు – అర టీ స్పూన్, ధ‌నియాలు – 3 టీ స్పూన్స్, మిరియాలు – అర టీ స్పూన్, యాల‌కులు – 3, సోంపు గింజ‌లు – అర టీ స్పూన్, ల‌వంగాలు – 4, నూనె – 4 టేబుల్ స్పూన్స్, జీల‌క‌ర్ర – అర టీ స్పూన్, ఎండుమిర్చి – 2, ప‌చ్చిమిర్చి – 3, అల్లం వెల్లుల్లి పేస్ట్ – ఒక టేబుల్ స్పూన్, చిలిక‌న తియ్య‌టి పెరుగు – 3 టేబుల్ స్పూన్స్, గ‌రం మ‌సాలా – అర టీ స్పూన్.
భూనా చికెన్ ఫ్రై త‌యారీ విధానం..
ముందుగా ట‌మాటాల‌ను తురుముకోవాలి. త‌రువాత గిన్నెలో చికెన్ ను తీసుకుని అందులో ఉప్పు, కారం, ప‌సుపు వేసి క‌లిపి ప‌క్క‌కు ఉంచాలి. త‌రువాత క‌ళాయిలో ధ‌నియాలు వేసి వేయించాలి. త‌రువాత మిరియాలు, యాల‌కులు, ల‌వంగాలు, సోంపు గింజ‌లు వేసి వేయించాలి. త‌రువాత వీటిని జార్ లో వేసి మెత్త‌ని పొడిగా చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక చికెన్ వేసి వేయించాలి. చికెన్ లోని నీరంతా పోయి నూనె పైకి తేలిన త‌రువాత చికెన్ ను ప్లేట్ లోకి తీసుకోవాలి. త‌రువాత అదే నూనెలో జీల‌క‌ర్ర, ఎండుమిర్చి, ప‌చ్చిమిర్చి వేసి వేయించాలి. త‌రువాత ఉల్లిపాయ ముక్క‌లు వేసి వేయించాలి.
ఇవి స‌గానికి పైగా వేగిన త‌రువాత అల్లం వెల్లుల్లి పేస్ట్ వేసి వేయించాలి. త‌రువాత ట‌మాట తురుము, త‌గినంత ఉప్పు, కారం వేసి క‌ల‌పాలి. దీనిని నూనె పైకి తేలే వ‌ర‌కు వేయించిన త‌రువాత వేయించిన చికెన్, మిక్సీ ప‌ట్టుకున్న పొడి వేసి క‌ల‌పాలి. త‌రువాత మూత పెట్టి చికెన్ మెత్త‌గా అయ్యే వ‌ర‌కు మ‌ధ్య మ‌ధ్య‌లో క‌లుపుతూ వేయించాలి. చికెన్ వేగిన త‌రువాత పెరుగు వేసి క‌ల‌పాలి. త‌రువాత మూత పెట్టి 2 నిమిషాల పాటు వేయించాలి. త‌రువాత గ‌రం మ‌సాలా వేసి మ‌రో నిమిషం పాటు వేయించి కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే భూనా చికెన్ ఫ్రై త‌యార‌వుతుంది. దీనిని అంద‌రూ ఎంతో ఇష్టంగా తింటారు.
