Chikkudukaya Masala Kura : మ‌నం చిక్కుడు కాయ‌ల‌తో ర‌క‌ర‌కాల వంట‌కాల‌ను తయారు చేస్తూ ఉంటాము. చిక్కుడుకాయ‌ల‌తో చేసే కూర‌లు చాలా రుచిగా ఉంటాయి. అలాగే చిక్కుడు కాయ‌ల‌ను తీసుకోవ‌డం మ‌న ఆరోగ్యానికి కూడా ఎంతో మేలు క‌లుగుతుంది. త‌ర‌చూ చేసే వంట‌కాల‌తో పాటు మ‌నం చిక్కుడుకాయ‌ల‌తో ఎంతో రుచిగా ఉండే మ‌సాలా కూర‌ను కూడా తయారు చేసుకోవ‌చ్చు. చిక్కుడుకాయ‌ల‌తో చేసే ఈ మ‌సాలా కూర చాలా రుచిగా ఉంటుంది. అలాగే దీనిని చాలా త‌క్కువ స‌మ‌యంలో, చాలా సుల‌భంగా తయారు చేసుకోవ‌చ్చు. ఎంతో రుచిగా ఉండే ఈ చిక్కుడుకాయ మ‌సాలా కూర‌ను ఎలా తయారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
చిక్కుడుకాయ మ‌సాలా కూర త‌యారీకి కావ‌ల్సిన ప‌దార్థాలు..
చిక్కుడు కాయ‌లు – పావుకిలో, నూనె – 3 టేబుల్ స్పూన్స్, తాళింపు దినుసులు – ఒక టేబుల్ స్పూన్, త‌రిగిన ప‌చ్చిమిర్చి – 2, త‌రిగిన ఉల్లిపాయ – 1, ప‌సుపు – అర టీ స్పూన్, క‌రివేపాకు – ఒక రెమ్మ, త‌రిగిన ట‌మాటాలు – 2, నీళ్లు – 400 ఎమ్ ఎల్, క‌సూరి మెంతి – అర టీ స్పూన్, త‌రిగిన కొత్తిమీర – కొద్దిగా.
మ‌సాలా పేస్ట్ కు కావ‌ల్సిన ప‌దార్థాలు..
ప‌ల్లీలు – 2 టేబుల్ స్పూన్స్, ల‌వంగాలు – 4, దాల్చిన చెక్క – ఒక ఇంచు ముక్క, ధ‌నియాలు – ఒక టేబుల్ స్పూన్, జీలకర్ర – ఒక టీ స్పూన్, మెంతులు – 4 గింజ‌లు, ఎండు కొబ్బ‌రి ముక్క‌లు – ఒక టేబుల్ స్పూన్, వెల్లుల్లి రెబ్బ‌లు – 6, అల్లం -ఒక ఇంచు ముక్క, చింత‌పండు – ఒక రెమ్మ, కారం – రెండు టీ స్పూన్స్, ఉప్పు – త‌గినంత.
చిక్కుడుకాయ మ‌సాలా కూర త‌యారీ విధానం..
ముందుగా క‌ళాయిలో ప‌ల్లీలు వేసి వేయించాలి. ఇవి కొద్దిగా వేగిన త‌రువాత ల‌వంగాలు, దాల్చిన చెక్క, ధ‌నియాలు, జీలకర్ర, మెంతులు వేసి వేయించి జార్ లోకి తీసుకోవాలి. ఇప్పుడు ఇదే జార్ లో మిగిలిన ప‌దార్థాల‌న్నీ వేసి త‌గినన్ని నీళ్లు పోసి మెత్త‌గా మిక్సీ ప‌ట్టుకోవాలి. త‌రువాత కుక్క‌ర్ లో నూనె వేసి వేడి చేయాలి. త‌రువాత తాళింపు దినుసులు వేసి వేయించాలి. త‌రువాత ఉల్లిపాయ ముక్క‌లు వేసి వేయించాలి. ఉల్లిపాయ ముక్క‌లు కొద్దిగా వేగిన త‌రువాత ప‌చ్చిమిర్చి, క‌రివేపాకు, ప‌సుపు వేసి క‌ల‌పాలి. ఇవి కూడా వేగిన త‌రువాత ట‌మాట ముక్క‌లు, మిక్సీ ప‌ట్టుకున్న పేస్ట్ వేసి క‌ల‌పాలి.
దీనిని నూనె పైకి తేలే వ‌ర‌కు వేయించిన త‌రువాత చిక్కుడుకాయ ముక్క‌లు వేసి క‌ల‌పాలి. వీటిని రెండు నిమిషాల పాటు వేయించిన త‌రువాత నీళ్లు పోసి క‌ల‌పాలి. త‌రువాత మూత పెట్టి 3 విజిల్స్ వ‌చ్చే వ‌ర‌కు ఉడికించి స్ట‌వ్ ఆఫ్ చేసుకోవాలి. ఆవిరి పోయిన త‌రువాత మూత తీసి కొత్తిమీర వేసుకుని స‌ర్వ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చిక్కుడుకాయ మ‌సాలా కూర త‌యార‌వుతుంది. దీనిని అన్నం, చ‌పాతీ వంటి వాటితో తింటే చాలా రుచిగా ఉంటుంది. చిక్కుడు కాయ‌ల‌ను తిన‌ని వారు కూడా ఈ కూర‌ను ఇష్టంగా తింటారు.
