Dahi Aloo Masala Curry : మనం బంగాళాదుంపలతో రకరకాల వంటకాలను తయారు చేస్తూ ఉంటాము. బంగాళాదుంపలతో చేసే వంటకాలు చాలా రుచిగా ఉంటాయి. బంగాళాదుంపలతో చేసే ఈ వంటకాల్లో దహీ ఆలూ మసాలా కర్రీ కూడా ఒకటి. ఈ కర్రీ చాలా రుచిగా ఉంటుంది. దేనితో తిన్నా కూడా ఈ కర్రీ చాలా రుచిగా ఉంటుంది. ఈ కర్రీని ఎవరైనా చాలా సులభంగా తయారు చేసుకోవచ్చు. తిన్నా కొద్ది తినాలనిపించేంత రుచిగా ఉండే ఈ ఆలూ దహీ మసాలా కర్రీని ఎలా తయారు చేసుకోవాలి.. అన్న వివరాలను ఇప్పుడు తెలుసుకుందాం.
దహీ ఆలూ మసాలా కర్రీ తయారీకి కావల్సిన పదార్థాలు..
ఉడికించి పెద్ద ముక్కలుగా తరిగిన బంగాళాదుంపలు – పెద్దవి రెండు, నూనె – 2 టేబుల్ స్పూన్స్, ఇంగువ – పావు టీ స్పూన్, జీలకర్ర – అర టీ స్పూన్, ఎండుమిర్చి – 2, కరివేపాకు – ఒక రెమ్మ, పచ్చిమిర్చి – 4, తరిగిన ఉల్లిపాయ – 1, అల్లం వెల్లుల్లి పేస్ట్ – ఒక టీ స్పూన్, పసుపు – అర టీ స్పూన్, కారం – 2 టీ స్పూన్స్, ధనియాల పొడి – ఒకటిన్నర టీ స్పూన్, ఉప్పు – తగినంత, పెరుగు – ఒక కప్పు, కసూరి మెంతి – ఒక టీ స్పూన్, నీళ్లు – అర కప్పు, గరం మసాలా – అర టీ స్పూన్, తరిగిన కొత్తిమీర – కొద్దిగా.
దహీ ఆలూ మసాలా కర్రీ తయారీ విధానం..
ముందుగా కళాయిలో నూనె వేసి వేడి చేయాలి. తరువాత జీలకర్ర, ఇంగువ, ఎండుమిర్చి, కరివేపాకు, పచ్చిమిర్చి వేసి వేయించాలి. ఇవి వేగిన తరువాత ఉల్లిపాయ ముక్కలు వేసి వేయించాలి. ఇవి వేగిన తరువాత అల్లం వెల్లుల్లి పేస్ట్ వేసి పచ్చి వాసన పోయే వరకు వేయించాలి. తరువాత పసుపు, ఉప్పు, కారం, ధనియాల పొడి వేసి కలపాలి. వీటిని ఒక నిమిషం పాటు వేయించిన తరువాత స్టవ్ ఆఫ్ చేసుకోవాలి. తరువాత పెరుగు వేసి కలపాలి. ఇప్పుడు మరలా స్టవ్ ఆన్ చేసి చిన్న మంటపై నూనె పైకి తేలే వరకు వేయించాలి. తరువాత కసూరి మెంతి, నీళ్లు పోసి కలపాలి. ఇప్పుడు ఇందులో బంగాళాదుంప ముక్కలు వేసి కలిపి దీనిపై మూత పెట్టి నూనె పైకి తేలే వరకు ఉడికించి స్టవ్ ఆఫ్ చేసుకోవాలి. తరువాత గరం మసాలా, కొత్తిమీర వేసి కలిపి సర్వ్ చేసుకోవాలి. ఇలా చేయడం వల్ల ఎంతో రుచిగా ఉండే దహీ ఆలూ మసాలా కర్రీ తయారవుతుంది. దీనిని రోటీ, చపాతీ, పుల్కా వంటి వాటితో తింటే చాలా రుచిగా ఉంటుంది. ఈ కర్రీని అందరూ ఎంతో ఇష్టంగా తింటారు.
