Masala Chicken Curry : మ‌సాలా పెట్టి చికెన్ క‌ర్రీని ఇలా చేయండి.. అన్నంలోకి సూప‌ర్‌గా ఉంటుంది..!

Masala Chicken Curry : చికెన్ గ్రేవీ క‌ర్రీ.. చికెన్ తో కింద చెప్పిన విధంగా చేసే ఈ క‌ర్రీ చాలా రుచిగా ఉంటుంది. త‌రుచూ చేసే చికెన్ క‌ర్రీ కంటే ఈ విధంగా త‌యారు చేసిన చికెన్ క‌ర్రీ చాలా రుచిగా ఉంటుంది. దీనిని త‌యారు చేయ‌డం కూడా చాలా సుల‌భం. దేనితో తిన‌డానికైనా ఈ క‌ర్రీ చాలా చ‌క్క‌గా ఉంటుంది. బ్యాచిల‌ర్స్, వంట‌రాని వారు కూడా ఈ క‌ర్రీని సుల‌భంగా త‌యారు చేసుకోవ‌చ్చు. ఒక్క‌సారి దీనిని రుచి చూస్తే మ‌ళ్లీ ఇదే చికెన్ క‌ర్రీ కావాలంటారు. ఎంతో రుచిగా ఉండే ఈ చికెన్ గ్రేవీ కర్రీని ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాల గురించి ఇప్పుడు తెలుసుకుందాం.

చికెన్ గ్రేవీ క‌ర్రీ త‌యారీకి కావ‌ల్సిన ప‌దార్థాలు..

నూనె – 3 టేబుల్ స్పూన్స్, జీల‌క‌ర్ర‌- ఒక టీ స్పూన్, ఉల్లిపాయ ముక్క‌లు – ముప్పావు కప్పు, అల్లం వెల్లుల్లి పేస్ట్ -ఒక టేబుల్ స్పూన్, ట‌మాట ఫ్యూరీ – పావు క‌ప్పు, పెరుగు – 2 టేబుల్ స్పూన్స్, త‌రిగిన ప‌చ్చిమిర్చి – 2, క‌రివేపాకు – ఒక రెమ్మ‌, తరిగిన పుదీనా – కొద్దిగా, నీళ్లు – అర క‌ప్పు, త‌రిగిన కొత్తిమీర – కొద్దిగా.

మ‌సాలా పొడి త‌యారీకి కావ‌ల్సిన ప‌దార్థాలు..

దాల్చిన చెక్క – ఒక ఇంచు ముక్క‌, ల‌వంగాలు – 3, యాల‌కులు – 4, అనాస పువ్వ – 1, బిర్యానీ ఆకు – చి్న‌ది ఒక‌టి, ధ‌నియాలు – అర టీ స్పూన్, జీల‌క‌ర్ర – అర టీ స్పూన్, మిరియాలు – ఒక టీ స్పూన్, గ‌స‌గసాలు – అర టీ స్పూన్, జీడిప‌ప్పు – ఒక టేబుల్ స్పూన్.

మ్యారినేష‌న్ కు కావ‌ల్సిన ప‌దార్థాలు..

చికెన్ – అరకిలో, ప‌సుపు – పావు టీ స్పూన్, ఉప్పు – త‌గినంత‌, కారం – అర టీ స్పూన్, నూనె – ఒక టేబుల్ స్పూన్.

చికెన్ గ్రేవీ క‌ర్రీ త‌యారీ విధానం..

ముందుగా చికెన్ ను గిన్నెలో తీసుకుని అందులో ఉప్పు, కారం, ప‌సుపు, నూనె వేసి బాగా క‌ల‌పాలి. త‌రువాత దీనిని అర‌గంట పాటు ఫ్రిజ్ లో ఉంచి మ్యారినేట్ చేసుకోవాలి. త‌రువాత జార్ లో మ‌సాలా పొడికి కావ‌ల్సిన ప‌దార్థాలు వేసి మెత్త‌గా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. త‌రువాత జీల‌క‌ర్ర‌, ఉల్లిపాయ ముక్క‌లు వేసి వేయించాలి. త‌రువాత అల్లం వెల్లుల్లి పేస్ట్ వేసి వేయించాలి. త‌రువాత ట‌మాట ఫ్యూరీ, పెరుగు వేసి క‌ల‌పాలి. దీనిని నూనె పైకి తేలే వ‌ర‌కు వేయించిన త‌రువాత చికెన్ వేసి క‌ల‌పాలి. త‌రువాత మూత పెట్టి చికెన్ మెత్త‌గా అయ్యే వ‌ర‌కు ఉడికించాలి. చికెన్ ఉడికి నూనె పైకి తేలిన త‌రువాత ప‌చ్చిమిర్చి, క‌రివేపాకు, పుదీనా వేసి క‌ల‌పాలి. త‌రువాత మిక్సీ ప‌ట్టుకున్న పొడి వేసి క‌ల‌పాలి. త‌రువాత మూత పెట్టి మ‌రో 2 నిమిషాల పాటు ఉడికించాలి. త‌రువాత నీళ్లు పోసి క‌ల‌పాలి. దీనిపై మూత పెట్టి చికెన్ మెత్త‌గా అయ్యే వ‌ర‌కు ఉడికించాలి. చివ‌ర‌గా కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ గ్రేవీ క‌ర్రీ త‌యార‌వుతుంది. దీనిని అన్నం, చ‌పాతీ, రోటీ ఇలా దేనితో తిన్నా కూడా చాలా రుచిగా ఉంటుంది.