Viral Video : దున్న‌పోతుతో ప‌రాచికాలు ఆడారు.. విసిరి అవ‌త‌ల‌ ప‌డేసింది.. వీడియో..!

ఒక దున్న‌పోతును చిన్న‌పాటి బండికి క‌ట్టేసి దాని మీద కొంద‌రు కూర్చుని రోడ్డుపై వేగంగా వెళ్ల‌డం మొద‌లు పెట్టారు. వారు నెమ్మ‌దిగా వెళదాం అని అనుకోలేదు. దున్న‌పోతును చిత్ర హింస‌ల‌కు గురి చేశారు. కర్ర‌తో కొడుతూ దాన్ని వేగంగా వెళ్లేలా చేశారు. దీంతో చిర్రెత్తుకొచ్చిన దున్న‌పోతు డివైడ‌ర్‌కు మీదుగా రోడ్డుకు అవ‌త‌లి వైపుకు వెళ్లింది. దీంతో డివైడర్‌ను ఢీకొట్టిన ఆ బండి వెంట‌నే బోల్తా ప‌డింది. అందులో కూర్చున్న వారంద‌రూ దూరంగా విసిరేసిన‌ట్లు ఎగిరిప‌డ్డారు. అయితే ఈ సంఘ‌ట‌న ఎక్క‌డ జ‌రిగిందో తెలియ‌దు కానీ.. దీనికి సంధించిన వీడియో మాత్రం సోష‌ల్ మీడియాలో వైర‌ల్ గా మారింది.

ఇక ఈ వీడియోను చూసిన నెటిజ‌న్లు ప‌లు ర‌కాలుగా కామెంట్లు చేస్తున్నారు. అంద‌రూ ఆ దున్న‌పోతుకే మ‌ద్ద‌తు ప‌లుకుతున్నారు. బాగా అయింది వెధ‌వ‌ల‌కి.. జంతువుల‌ను ఇలా హింసించే వారికి ఇలాగే జ‌ర‌గాలి.. క‌ర్మ ఫ‌లం అంటే ఇదే.. అంటూ చాలా మంది ర‌కరకాల కామెంట్లు పెడుతున్నారు.