Seema Vankaya Masala Curry : మ‌నం సీమ వంకాయ‌ల‌ను కూడా ఆహారంగా తీసుకుంటూ ఉంటాము. వీటినే బెంగుళూరు వంకాయ‌లు అని కూడా అంటారు. సీమ‌వంకాయ‌ల‌ను తిన‌డానికి చాలా మంది ఇష్ట‌ప‌డుతుంటారు కూడా. అలాగే వీటిని తీసుకోవ‌డం వ‌ల్ల మ‌న ఆరోగ్యానికి కూడా మేలు క‌లుగుతుంది. సీమ వంకాయ‌ల‌తో చేసే వంట‌కాలు రుచిగా ఉండ‌డంతో పాటు వీటిని త‌యారు చేయ‌డం కూడా చాలా సుల‌భం. సీమ వంకాయ‌ల‌తో మ‌నం ఎంతో రుచిగా ఉండే మ‌సాలా కూర‌ను కూడా త‌యారు చేసుకోవ‌చ్చు. ఈ మ‌సాలా కూర చాలా రుచిగా ఉంటుంది. చాలా సుల‌భంగా ఈ కూర‌ను త‌యారు చేసుకోవ‌చ్చు. సీమ వంకాయ‌ల‌ను ఇష్ట‌ప‌డ‌ని వారు కూడా ఈ క‌ర్రీని ఇష్టంగా తింటారు. సీమ‌వంకాయ‌ల‌తో అంద‌రికి న‌చ్చేలా మ‌సాలా క‌ర్రీని ఎలా త‌యారు చేసుకోవాలో ఇప్పుడు తెలుసుకుందాం.
సీమ వంకాయ మ‌సాలా క‌ర్రీ త‌యారీకి కావ‌ల్సిన ప‌దార్థాలు..
తొక్క తీసి త‌రిగిన సీమ వంకాయ‌లు – 2, త‌రిగిన ఉల్లిపాయ – 1, నూనె – 2 టేబుల్ స్పూన్స్, తాళింపు దినుసులు – ఒక టేబుల్ స్పూన్, త‌రిగిన ప‌చ్చిమిర్చి – 2, క‌రివేపాకు – ఒక రెమ్మ, ప‌సుపు – అర టీ స్పూన్, ఉప్పు – త‌గినంత, కారం – ఒక టీ స్పూన్, నీళ్లు – ఒక గ్లాస్, త‌రిగిన కొత్తిమీర – కొద్దిగా.
మ‌సాలా పేస్ట్ త‌యారీకి కావ‌ల్సిన ప‌దార్థాలు..
ల‌వంగాలు – 2, దాల్చిన చెక్క – ఒక ఇంచు ముక్క, ధ‌నియాలు – 2 టీ స్పూన్స్, జీల‌క‌ర్ర – అర టీ స్పూన్, ఎండు కొబ్బ‌రి ముక్క‌లు – 2 టేబుల్ స్పూన్స్, ఎండుమిర్చి – 2, వెల్లుల్లి రెబ్బ‌లు – 10, ట‌మాటాలు – 3.
సీమ వంకాయ మ‌సాలా క‌ర్రీ త‌యారీ విధానం..
ముందుగా క‌ళాయిలో మ‌సాలా పేస్ట్ కు కావ‌ల్సిన దినుసులు వేసి దోర‌గా వేయించాలి. త‌రువాత వీటిని జార్ లోకి తీసుకుని పొడిలా మిక్సీ ప‌ట్టుకోవాలి. త‌రువాత ఇదే జార్ లో వెల్లుల్లి రెబ్బ‌లు, ట‌మాట ముక్క‌లు వేసి మెత్త‌గా మిక్సీ ప‌ట్టుకుని ప‌క్క‌కు ఉంచాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక తాళింపు దినుసులు వేసి వేయించాలి. ఇవి వేగిన త‌రువాత ప‌చ్చిమిర్చి, క‌రివేపాకు వేసి వేయించాలి. త‌రువాత ఉల్లిపాయ ముక్క‌లు వేసి వేయించాలి. ఉల్లిపాయ ముక్క‌లు మెత్త‌బ‌డిన త‌రువాత సీమ‌వంకాయ ముక్క‌ల‌ను వేసి క‌ల‌పాలి.
ఇందులోనే ప‌సుపు కూడా వేసిక‌ల‌పాలి. ఇప్పుడు వీటిపై మూత పెట్టి మ‌ధ్య మ‌ధ్య‌లో క‌లుపుతూ ముక్క‌లు మెత్త‌గా అయ్యే వ‌ర‌కు మ‌గ్గించాలి. ముక్క‌లు మ‌గ్గిన త‌రువాత మిక్సీ ప‌ట్టుకున్న మ‌సాలా పేస్ట్, కారం, ఉప్పు వేసి క‌ల‌పాలి. త‌రువాత నీళ్లు పోసి క‌లిపి మూత పెట్టాలి. త‌రువాత దీనిని నూనె పైకి తేలే వ‌ర‌కు ఉడికించి కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే సీమ వంకాయ మ‌సాలా క‌ర్రీ త‌యారవుతుంది. దీనిని అన్నం, చ‌పాతీ వంటి వాటితో తింటే చాలా రుచిగా ఉంటుంది.
