Spicy Gongura Paneer : మ‌నంగోంగూర‌తో ర‌క‌ర‌కాల వంట‌కాల‌ను త‌యారు చేస్తూ ఉంటాము. గోంగూర‌తో చేసే వంట‌కాలు రుచిగా ఉండ‌డంతో పాటు వీటిని తీసుకోవ‌డం వ‌ల్ల మ‌న ఆరోగ్యానికి కూడా మేలు కలుగుతుంది. అయితే త‌రుచూ చేసే వంట‌కాల‌తో పాటు గోంగూర‌తో మ‌నం స్పైసీ గోంగూర ప‌నీర్ క‌ర్రీని కూడా త‌యారు చేసుకోవ‌చ్చు. గోంగూర, ప‌నీర్ క‌లిపి చేసే ఈ క‌ర్రీ చాలా రుచిగా ఉంటుంది. వెరైటీ రుచుల‌ను కోరుకునే వారు ఇలా గోంగూర‌తో ప‌నీర్ క‌లిపి త‌యారు చేసి తీసుకోవ‌చ్చు. ఒక్కసారి ఈ క‌ర్రీని రుచి చూస్తే మ‌ళ్లీ మ‌ళ్లీ ఇదే కావాలంటారు. ఎంతో రుచిగా, స్పైసీగా ఉండే ఈ గోంగూర ప‌నీర్ క‌ర్రీని ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
స్పైసీ గోంగూర ప‌నీర్ త‌యారీకి కావ‌ల్సిన ప‌దార్థాలు..
నూనె – పావు క‌ప్పు, ఆవాలు – అర టీ స్పూన్, జీల‌క‌ర్ర – అర టీ స్పూన్, ఎండుమిర్చి – 2, చిన్న‌గా త‌రిగిన పెద్ద ఉల్లిపాయ‌లు – 2, అల్లం వెల్లుల్లి పేస్ట్ – ఒక టేబుల్ స్పూన్, ప‌సుపు – అర టీ స్పూన్, ఉప్పు – త‌గినంత, కారం – 2 టీ స్పూన్స్, ధ‌నియాల పొడి – ఒక టీ స్పూన్, వేయించిన జీల‌క‌ర్ర పొడి – ఒక టీ స్పూన్, గ‌రం మ‌సాలా – ఒక టీ స్పూన్, గోంగూర – పెద్ద క‌ట్ట, ట‌మాటాలు – పెద్ద‌వి రెండు, నీళ్లు – 150 ఎమ్ ఎల్, త‌రిగిన ప‌చ్చిమిర్చి – 3, ప‌నీర్ క్యూబ్స్ – 250 గ్రా.
స్పైసీ గోంగూర ప‌నీర్ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత ఆవాలు, జీల‌క‌ర్ర, ఎండుమిర్చి వేసి వేయించాలి. త‌రువాత ఉల్లిపాయ ముక్క‌లు వేసి గోల్డెన్ బ్రౌన్ క‌ల‌ర్ వ‌చ్చే వ‌ర‌కు వేయించాలి. త‌రువాత అల్లం వెల్లుల్లి పేస్ట్ వేసి వేయించాలి. త‌రువాత ప‌సుపు, ఉప్పు, కారం, ధ‌నియాల పొడి, జీల‌క‌ర్ర పొడి, గ‌రం మ‌సాలా వేసి క‌ల‌పాలి. త‌రువాత గోంగూర వేసి క‌ల‌పాలి. గోంగూర మ‌గ్గిన త‌రువాత ట‌మాటాల‌ను ఫ్యూరీలాగా చేసి వేసుకోవాలి. దీనిని నూనె పైకి తేలే వ‌ర‌కు బాగా వేయించిన త‌రువాత నీళ్లు, ప‌చ్చిమిర్చి వేసి క‌ల‌పాలి. కూర ఉడుకుప‌ట్టిన త‌రువాత ప‌నీర్ క్యూబ్స్ వేసి క‌ల‌పాలి. దీనిని మ‌ధ్య‌స్థ మంట‌పై కూర ద‌గ్గర ప‌డి నూనె పైకి తేలే వ‌ర‌కు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే గోంగూర ప‌నీర్ త‌యార‌వుతుంది. దీనిని రోటీ, చ‌పాతీ, పూరీ, దోశ వంటి వాటితో తింటే చాలా రుచిగా ఉంటుంది. ఈ విధంగా త‌యారు చేసిన గోంగూర ప‌నీర్ ను అంద‌రూ ఎంతో ఇష్టంగా తింటారు.
