Sweet Corn Vada : మ‌నం స్వీట్ కార్న్ ను కూడా ఆహారంగా తీసుకుంటూ ఉంటాము. స్వీట్ కార్న్ లో ఎన్నో పోష‌కాలు, ఆరోగ్య ప్రయోజనాలు దాగి ఉన్నాయి. మ‌న‌కు చ‌క్క‌టి ఆరోగ్యాన్ని అందించ‌డంలో స్వీట్ కార్న్ ఎంత‌గానో స‌హాయ‌ప‌డుతుంది. వీటిని ఎక్కువ‌గా ఉడికించి తీసుకుంటూ ఉంటాము. అలాగే వివిధ ర‌కాల వంట‌కాల్లో వాడుతూ ఉంటాము. ఇవే కాకుండా స్వీట్ కార్న్ తో ఎంతో రుచిగా, క్రిస్పీగా ఉండే వ‌డ‌ల‌ను కూడా త‌యారు చేసుకోవ‌చ్చు. ఈ వ‌డ‌లు చాలా రుచిగా ఉంటాయి. స్నాక్స్ గా తిన‌డానికి ఇవి చాలా చ‌క్క‌గా ఉంటాయి. ఈ వ‌డ‌ల‌ను త‌యారు చేయ‌డం చాలా సుల‌భం. స్వీట్ కార్న్ తో ఎంతో రుచిగా, క‌మ్మ‌గా, క్రిస్పీగా ఉండే ఈ వ‌డ‌ల‌ను ఎలా త‌యారు చేసుకోవాలో ఇప్పుడు తెలుసుకుందాం.
స్వీట్ కార్న్ వ‌డ త‌యారీకి కావ‌ల్సిన ప‌దార్థాలు..
స్వీట్ కార్న్ – 1, చిన్న‌గా త‌రిగిన ఉల్లిపాయ – 1, త‌రిగిన క‌రివేపాకు – ఒక రెమ్మ, చిన్న‌గా త‌రిగిన ప‌చ్చిమిర్చి – 2, త‌రిగిన కొత్తిమీర – కొద్దిగా, త‌రిగిన పుదీనా – కొద్దిగా, అల్లం వెల్లుల్లి పేస్ట్ – అర టీ స్పూన్, జీల‌క‌ర్ర – అర టీ స్పూన్, ఉప్పు – త‌గినంత, శ‌న‌గ‌పిండి – 2 టేబుల్ స్పూన్స్, బియ్యంపిండి – రెండున్న‌ర టేబుల్ స్పూన్స్, నూనె – డీప్ ప్రైకు స‌రిప‌డా.
స్వీట్ కార్న్ వ‌డ త‌యారీ విధానం..
ముందుగా స్వీట్ కార్న్ నుండి గింజ‌ల‌ను తీసుకుని జార్ లో వేసుకోవాలి. త‌రువాత ఈ గింజ‌ల‌ను మ‌రీ మెత్త‌గా కాకుండా కొద్దిగా బ‌ర‌క‌గా ఉండేలా మిక్సీ ప‌ట్టుకుని గిన్నెలోకి తీసుకోవాలి. త‌రువాత నూనె త‌ప్ప మిగిలిన ప‌దార్థాల‌న్నీ వేసి బాగా క‌లుపుకోవాలి. పిండి మ‌రీ ప‌లుచ‌గా ఉంటే మ‌రికొద్దిగా శ‌న‌గ‌పిండి వేసి క‌లుపుకోవాలి. త‌రువాత క‌ళాయిలో నూనె పోసి వేడి చేయాలి. నూనె వేడ‌య్యాక పిండిని తీసుకుని వ‌డ‌లాగా వ‌త్తుకుని నూనెలో వేసుకోవాలి. ఈ వ‌డ‌ల‌ను మ‌ధ్య‌స్థ మంట‌పై రెండు వైపులా ఎర్ర‌గా అయ్యే వ‌ర‌కు కాల్చుకుని ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా, క్రిస్పీగా ఉండే స్వీట్ కార్న్ వ‌డ‌లు త‌యార‌వుతాయి. త‌రుచూ స్వీట్ కార్న్ ను ఉడికించి మాత్రమే తీసుకోకుండా ఇలా వ‌డ‌ల‌ను త‌యారు చేసుకుని కూడా తీసుకోవ‌చ్చు. ఇలా స్వీట్ కార్న్ తో చేసిన వ‌డ‌ల‌ను అంద‌రూ ఎంతో ఇష్టంగా తింటారు.
