Hero : సెల‌బ్రిటీల మ‌ధ్య ల‌వ్ అఫెయిర్స్ అనేవి మామూలే. ఇండ‌స్ట్రీలో ఇలాంటి విష‌యాలు ఎప్పుడూ చ‌క్క‌ర్లు కొడుతూ ఉంటాయి. ఈ క్ర‌మంలోనే ఈ మ‌ధ్య కాలంలో కొంద‌రు సెల‌బ్రిటీల మ‌ధ్య ఇలాంటి గాసిప్స్ చాలా ఎక్కువ‌య్యాయ‌ని చెప్ప‌వ‌చ్చు. ఇక తాజాగా ఫిలింన‌గ‌ర్‌లో చ‌క్క‌ర్లు కొడుతున్న స‌మాచారం ప్ర‌కారం.. ఓ యువ హీరో ప‌క్క రాష్ట్రానికి చెందిన మోస్ట్ స‌క్సెస్ ఫుల్ హీరోయిన్‌తో ప్రేమ‌లో ప‌డ్డాడ‌ట. ఎంత‌లా అంటే వీరు పీక‌ల్లోతు ప్రేమ‌లో మునిగిపోయి.. బ‌హిరంగంగానే క‌ల‌సి మెల‌సి తిరుగుతున్నారు.
ఇక స‌ద‌రు యువ హీరోకు ఎంతో మంచి భ‌విష్య‌త్తు ఉంది. రేపో మాపో పెద్ద స్టార్ అయ్యే అవ‌కాశం కూడా ఉంది. కానీ ఆ హీరోయిన్‌తో అత‌ను పీక‌ల్లోతు ప్రేమ‌లో ఉన్నందున ముందుగా కెరీర్ చూసుకోమ‌ని.. ల‌వ్ అఫెయిర్స్ ప‌క్క‌న పెట్టాల‌ని కొంద‌రు సినీ పెద్ద‌లు స‌ల‌హా ఇస్తున్నార‌ట. కానీ ఆ యువ హీరో ప‌ట్టించుకోవ‌డం లేద‌ని తెలుస్తోంది. ఇక ఈ జంట అంద‌రి ముందే బ‌హిరంగంగా క‌ల‌సి మెల‌సి తిరుగుతూనే మ‌రోవైపు ఒక‌రికొక‌రు గిఫ్ట్‌ల‌ను కూడా ఇచ్చుకుంటున్నారు. అందులో భాగంగానే ఆ యువ హీరో ఆమెకు తాజాగా రూ.40 ల‌క్ష‌లు విలువ చేసే ఓ ల‌గ్జ‌రీ కారును బ‌హుమ‌తిగా ఇచ్చిన‌ట్లు తెలుస్తోంది. స‌ద‌రు హీరోయిన్ హైద‌రాబాద్‌కు షూటింగ్ కు వ‌స్తే ఆమెకు తిరిగేందుకు అనువుగా ఉంటుంద‌ని చెప్పి అత‌ను ఆమెకు ఆ కారును కొనిచ్చాడ‌ట.
ఇక ఆ హీరో, హీరోయిన్ ఇద్ద‌రూ గ‌తంలో ప‌లు సినిమాల్లో న‌టించారు. కొన్ని ఫెయిల్ అయ్యాయి. ఈ క్ర‌మంలోనే వీరు త్వ‌ర‌లో పెళ్లి కూడా చేసుకోబోతున్నారు.. అని వార్త‌లు వస్తున్నాయి. అయితే వాటిని వారు ఖండించారు. కానీ తాజాగా జరుగుతున్న‌ది చూస్తుంటే మాత్రం వారి పెళ్లి ఖాయ‌మ‌ని తెలుస్తోంది. అయితే ఇలాంటి ల‌వ్ స్టోరీలు అన్ని స‌క్సెస్‌ఫుల్ ముగింపు వ‌ర‌కు రావ‌ని.. మ‌ధ్య‌లోనే ముగుస్తాయ‌ని అంటున్నారు. మ‌రి ఈ జంట ఏం చేస్తుందో చూడాలి.
