Viral Video : చాయ్.. అంటే సహజంగానే చాలా మందికి ఇష్టంగా ఉంటుంది. అందుక‌నే మ‌న‌కు బ‌య‌ట ర‌క‌ర‌కాల చాయ్ లు అందుబాటులో ఉన్నాయి. ఇక ఇంట్లోనూ చాలా మంది భిన్న ర‌కాల టీ ల‌ను తాగుతుంటారు. కానీ అక్క‌డ మాత్రం ఆ వ్య‌క్తి ఏకంగా పండ్ల‌తో టీ త‌యారు చేసి విక్ర‌యిస్తున్నాడు. అవును.. నిజ‌మే.. అత‌ని ద‌గ్గ‌రకు వెళ్తే.. సాధార‌ణ టీ ల‌భించ‌దు. కానీ వివిధ ర‌కాల పండ్ల వెరైటీల‌తో త‌యారు చేసిన టీ ల‌భిస్తుంది. అది ఎంతో రుచిగా కూడా ఉంటుంది.
సూర‌త్‌లో ఓ వ్య‌క్తి త‌న బండిపై ఫ్రూట్ చాయ్‌ని విక్ర‌యిస్తున్నాడు. అందులో యాపిల్‌, స‌పోటా, అర‌టి పండ్ల ముక్క‌ల‌ను వేసి ఇస్తాడు. దీంతో సహజంగానే టీ ఎంతో రుచిగా ఉంటుంది. ఈ క్ర‌మంలోనే ఓ ఫుడ్ బ్లాగ‌ర్ ఆ ఫ్రూట్ చాయ్ అమ్ముతున్న వ్య‌క్తిని వీడియో తీసి దాన్ని సోష‌ల్ మీడియాలో షేర్ చేయ‌గా.. అది వైర‌ల్‌గా మారింది. ఎంతో మంది ఆ ఫ్రూట్ చాయ్ తాగాల‌ని ఆస‌క్తి చూపిస్తుండ‌డం విశేషం.
సాధార‌ణంగా మ‌సాలా చాయ్ లేదా లెమ‌న్ టీ ఉంటుంది. కానీ అత‌ను ఏకంగా పండ్ల‌తోనే చాయ్ త‌యారు చేసి విక్ర‌యిస్తున్నాడు. దీంతో అత‌నికి గిరాకీ కూడా బాగానే పెరిగింది. ఈ క్ర‌మంలోనే అత‌నిలా ఫ్రూట్ చాయ్ త‌యారు చేసి తాగాల‌ని చాలా మంది ఆస‌క్తి చూపిస్తున్నారు. ఏది ఏమైనా.. అత‌ని ఫ్రూట్ చాయ్ మాత్రం అంద‌రికీ నోరూరింప‌జేస్తోంది.
