మన శరీరానికి మిక్కిలి పోషకాలను అందించే ఆహారాల్లో చియా విత్తనాలు కూడా ఒకటి. ఇవి అనేక పోషకాలను కలిగి ఉంటాయి. వీటి వల్ల మనకు ఎలాంటి ఆరోగ్యకర ప్రయోజనాలు కలుగుతాయో ఇప్పుడు తెలుసుకుందాం.
1. చియా విత్తనాల్లో ఫైబర్, ప్రోటీన్లు, ఒమెగా 3 ఫ్యాటీ యాసిడ్లు, కాల్షియం, మాంగనీస్, మెగ్నిషియం, ఫాస్ఫరస్, జింక్, విటమిన్ బి3, పొటాషియం, విటమిన్ బి1, విటమిన్ బి2 వంటి ఎన్నో పోషకాలు ఉంటాయి. ఇవి మన శరీరానికి పోషణను, శక్తిని అందిస్తాయి.
2. చియా సీడ్స్లో యాంటీ ఆక్సిడెంట్లు పుష్కలంగా ఉంటాయి. ఇవి ఫ్రీ ర్యాడికల్స్ బారి నుంచి మన శరీరాన్ని రక్షిస్తాయి. దీంతో క్యాన్సర్ వంటి వ్యాధులు రాకుండా ఉంటాయి.
3. చియా విత్తనాల్లో ఉండే ఫైబర్ అధిక బరువును తగ్గించేందుకు సహాయ పడుతుంది. ఎక్కువ సేపు ఉన్నా ఆకలి వేయకుండా ఉంటుంది. ఆకలి నియంత్రణ అవుతుంది. దీంతో తక్కువ ఆహారం తీసుకుంటారు. ఫలితంగా బరువు తగ్గవచ్చు.
4. చియా సీడ్స్లో ప్రోటీన్లు సమృద్ధిగా ఉంటాయి. మాంసాహారం తినలేని వారికి ఈ విత్తనాల ద్వారా ప్రోటీన్లు అధికంగా లభిస్తాయి. చియా విత్తనాలను నిత్యం తినడం వల్ల మన శరీరానికి అవసరమైన ప్రోటీన్లు లభిస్తాయి.
5. చియా విత్తనాల్లో ఉండే ఒమెగా 3 ఫ్యాటీ యాసిడ్లు గుండె ఆరోగ్యాన్ని సంరక్షిస్తాయి. కొలెస్ట్రాల్ స్థాయిలను తగ్గిస్తాయి.
6. చియా విత్తనాల్లో కాల్షియం, ఫాస్పరస్, మెగ్నిషియం, ప్రోటీన్లు ఎక్కువగా ఉంటాయి కనుక ఎముకలు దృఢంగా ఉంటాయి.
7. నిత్యం చియా సీడ్స్ను ఆహారంలో భాగం చేసుకోవడం వల్ల రక్తంలో చక్కెర స్థాయిలు తగ్గుతాయి. సైంటిస్టులు చేపట్టిన పరిశోధనల్లో ఈ విషయం వెల్లడైంది.
8. వాపులను తగ్గించడంలోనూ చియా విత్తనాలు దోహదపడతాయి. ఆర్థరైటిస్ వంటి సమస్యలు ఉన్నవారికి ఇవి మేలు చేస్తాయి.
![](https://i0.wp.com/ayurvedam365.com/wp-content/uploads/2021/04/pains.jpg?resize=1280%2C853&ssl=1)
చియా సీడ్స్ను నిత్యం నేరుగా తీసుకోవచ్చు. లేదా వాటి పొడిన జ్యూస్లు, సలాడ్లు, మజ్జిగ వంటి పదార్థాలతో కలిపి తీసుకోవచ్చు.