Flax Seeds Side Effects : శరీరంలో కొన్ని ర‌కాల భాగాల‌కు కొన్ని ర‌కాల ఆహారాల వల్ల మేలు క‌లుగుతుంది. ఆ ఉద్దేశ్యంతో వాటిని అధికంగా తీసుకోవ‌డం వల్ల ఇత‌ర భాగాల మీద అవి దుష్ప్ర‌భావాల‌ను చూపించే ఆస్కారం ఉంది. అలాంటి వాటిలో ప్లాక్స్ సీడ్స్ కూడా ఒక‌టి. అవిసె గింజ‌లుగా పిలిచే వీటిని అధికంగా తీసుకోవ‌డం వల్ల కొన్ని ర‌కాల దుష్ప్ర‌భావాలు కూడా ఉంటాయి. ఈ అవిసె గింజ‌ల వల్ల క‌లిగే దుష్ప్ర‌భావాలు ఏమిటి.. వీటిని తీసుకోవ‌డం ఎంత వ‌ర‌కు సుర‌క్షితం అన్న విష‌యాల గురించి ఇప్పుడు తెలుసుకుందాం. ఆరోగ్యాన్ని క‌లిగించే ప‌దార్థాలే కొంద‌రిలో అనారోగ్యాన్ని క‌లిగిస్తాయి.
వీటిని అనేక ఆరోగ్య ప్ర‌యోజ‌నాల గురించి తీసుకుంటూ ఉంటారు. గ్యాస్ట్రో ఇంటెస్టిన‌ల్ ట్రాక్ట్, కోల‌న్ డ్యామెజ్, డ‌యేరియా, పెద్ద ప్రేగులో సమస్యలు, చిన్న ప్రేగులో సమస్యలు, క‌డుపులో సమస్యలు, షుగర్ వ్యాధి వంటి అనేక అనారోగ్యాల‌కు వీటిని ఔష‌ధంగా ఉప‌యోగిస్తారు. మూత్ర‌పిండాల సమస్యలు, ఏడీహెచ్ డీ, మ‌ధుమేహం, బ‌రువు త‌గ్గ‌డం, డిప్రెష‌న్, మ‌లేరియా, ఆర్థ‌రైటిస్, ద‌గ్గు, గొంతునొప్పి వంటి స‌మ‌స్య‌ల నివార‌ణ‌లో కూడా ఈ అవిసె గింజ‌ల వినియోగం ఎక్కువ‌గా ఉంటుంది. వీటిలో ఉండే ఒమెగా 3 ఫ్యాటీ యాసిడ్లు, ఫైబ‌ర్ ఆరోగ్యానికి ఎంతో మేలు చేస్తాయి. ఆహారం తీసుకునే ముందు వీటిని తీసుకోవ‌డం వల్ల ఆక‌లిని త‌గ్గించి త‌క్కువ ఆహారం తీసుకునేలా చేస్తాయి.
అయితే అధికంగా వీటిని తీసుకోవ‌డం వల్ల అనేక జీర్ణ‌సంబంధిత సమస్యలు వ‌చ్చే అవ‌కాశం ఉంద‌ని నిపుణులు చెబుతున్నారు. ఈ గింజ‌ల‌ను ఎక్కువ‌గా తీసుకోవ‌డం వల్ల క‌డుపు ఉబ్బ‌రం, గ్యాస్, మ‌ల‌బ‌ద్ద‌కం, ఎక్కువ‌గా మ‌ల విస‌ర్జ‌న‌కు వెళ్లాల్సి రావ‌డం, అజీర్తి వంటి సమస్యలు వ‌చ్చే అవ‌కాశం ఉంది. ఉడికించ‌ని, వేయించ‌ని అవిసెగింజ‌ల‌ను తీసుకోవ‌డం చాలా ప్ర‌మాద‌క‌రం. ఇవి ఫుడ్ పాయిజ‌న్ కు కార‌ణం అవుతాయి. గ‌ర్భిణీ స్త్రీలు, పాలిచ్చే తల్లులకు సైతం ఇవి ఇబ్బందుల‌ను తెచ్చి పెడ‌తాయి. ఈ గింజ‌లు ఈస్ట్రోజ‌ను హార్మోన్ ల ప‌ని చేస్తాయి. కాబ‌ట్టి ఇవి గ‌ర్భం మీద ప్ర‌భావాన్న చూప‌డ‌మూ లేక‌పోలేదు.
అయితే దీనికి సంబంధించిన ఎటువంటి శాస్త్రీయ రుజువులు లేవు. శాస్త్రీయ రుజువులు లేక‌పోయినప్ప‌టికి సమస్యలు త‌ప్ప‌వ‌ని నిపుణులు చెబుతున్నారు. కొన్నిసార్లు ఇవి ప‌లు ర‌కాల క్యాన్స‌ర్ ల‌కు కూడా దారి తీస్తాయ‌ని నిపుణులు తెలియ‌జేస్తున్నారు. త‌గినంత ద్రవ ప‌దార్థం లేకుండా అవిసె గింజ‌ల‌ను తీసుకోవ‌డం వల్ల ప్రేగు సమస్యలు త‌లెత్తుతాయి. వీటి వల్ల కొంద‌రిలో అల‌ర్జీలు వ‌చ్చే అవ‌కాశం ఉంది. వీటిని అధికంగా తీసుకోవ‌డం వల్ల పొత్తి క‌డుపులో నొప్పి, శ్వాస సంబంధిత సమస్యలు, వికారం వంటి సమస్యలు కూడా త‌లెత్తే అవ‌కాశం ఉంది. క‌నుక వీటిని వైద్యుల సూచ‌న‌ల మేర‌కు త‌గిన మోతాదులో తీసుకోవాలి.
