రోజూ మ‌నం అనేక ర‌కాల కాలుష్య కార‌కాలను పీలుస్తుంటాం. దీని వ‌ల్ల ఊపిరితిత్తుల‌పై ప్ర‌భావం ప‌డుతుంది. ముఖ్యంగా బ‌య‌ట తిరిగితే పొగ, దుమ్ము, ధూళిని పీల్చుకోవాలి. పొగ తాగే వారి ప‌క్క‌న ఉంటే ఆ పొగను కూడా పీలుస్తుంటాం. దీంతో ఊపిరితిత్తుల్లో అవ‌న్నీ చేరుతాయి. అందువ‌ల్ల ఊపిరితిత్తుల‌ను ఆరోగ్యంగా ఉంచుకోవాల్సి ఉంటుంది. లేదంటే అనారోగ్య స‌మ‌స్య‌లు వ‌స్తాయి. అయితే కింద తెలిపిన ఆహారాల‌ను త‌ర‌చూ తీసుకుంటే ఊపిరితిత్తులు ఆరోగ్యంగా ఉంటాయి. మ‌రి ఆ ఆహారాలు ఏమిటంటే..
* బీట్‌రూట్‌ల‌లో అనేక స‌మ్మేళ‌నాలు ఉంటాయి. అందువ‌ల్ల రోజూ బీట్‌రూట్ జ్యూస్‌ను ఒక క‌ప్పు మోతాదులో తాగితే ఊపిరితిత్తులు శుభ్ర‌మ‌వుతాయి. ఆరోగ్యంగా ఉంటాయి. బీపీ త‌గ్గుతుంది. ర‌క్త‌నాళాల్లోని వ్య‌ర్థాలు బ‌య‌ట‌కు పోతాయి.
* యాపిల్ పండ్ల‌ను రోజూ తిన‌డం వ‌ల్ల కూడా ఊపిరితిత్తుల‌ను ఆరోగ్యంగా ఉంచుకోవ‌చ్చు. అనారోగ్యాల బారిన ప‌డ‌కుండా సుర‌క్షితంగా ఉంటాం.
* గుమ్మ‌డికాయ విత్త‌నాల్లో బీటా కెరోటీన్‌, లుటీన్‌, జియాజంతిన్‌లు అనే స‌మ్మేళ‌నాలు ఉంటాయి. ఇవి యాంటీ ఆక్సిడెంట్, యాంటీ ఇన్‌ఫ్లామేట‌రీ ల‌క్ష‌ణాల‌ను క‌లిగి ఉంటాయి. అందువ‌ల్ల ఊపిరితిత్తుల‌ను ఆరోగ్యంగా ఉంచుతాయి. క‌నుక రోజూ గుమ్మ‌డికాయ విత్త‌నాల‌ను తింటే మేలు జ‌రుగుతుంది.
* రోజూ రాత్రి ఒక గ్లాస్ గోరు వెచ్చ‌ని పాల‌లో కొద్దిగా ప‌సుపు క‌లుపుకుని తాగితే ఊపిరితిత్తులు ఆరోగ్యంగా ఉంటాయి. శ్వాస‌కోశ స‌మ‌స్య‌లు రాకుండా నివారించ‌వ‌చ్చు. ప‌సుపులో ఉండే యాంటీ ఇన్‌ఫ్లామేట‌రీ ల‌క్ష‌ణాలు ఊపిరితిత్తుల‌ను ఆరోగ్యంగా ఉంచుతాయి.
* ట‌మాటాల్లో లైకోపీన్ అనే యాంటీ ఆక్సిడెంట్ పుష్క‌లంగా ఉంటుంది. ఇది ఊపిరితిత్తుల‌ను సంర‌క్షిస్తుంది. వాటిలోని వ్య‌ర్థాల‌ను బ‌య‌ట‌కు పంపుతుంది. రోజూ బ్రేక్‌ఫాస్ట్‌లో ఒక క‌ప్పు ట‌మాటా జ్యూస్ లేదా మ‌ధ్యాహ్నం లేదా రాత్రి భోజ‌నంలో ఒక క‌ప్పు ట‌మాటా సూప్‌ను తాగితే ఉప‌యోగం క‌లుగుతుంది.
* రోజూ రెండు సార్లు గ్రీన్ టీని తాగితే ఊపిరితిత్తులు ఆరోగ్యంగా ఉంటాయ‌ని సైంటిస్టుల ప‌రిశోధ‌న‌ల్లో వెల్ల‌డైంది. క‌నుక రోజూ గ్రీన్ టీని తాగుతుండాలి.
ఇవే కాకుండా ఆలివ్ ఆయిల్‌, చేప‌లు, న‌ట్స్‌, పెరుగు, కాఫీ వంటి ప‌దార్థాల‌ను తీసుకుంటున్నా ఊపిరితిత్తుల‌ను ఆరోగ్యంగా ఉంచుకోవ‌చ్చు. రోజూ రాత్రి భోజ‌నం చేశాక చిన్న బెల్లం ముక్క‌ను తింటున్నా ఊపిరితిత్తులు శుభ్రంగా మారుతాయి.
