Carrot : మ‌న‌కు అందుబాటులో అనేక ర‌కాల కూర‌గాయ‌లు ఉన్నాయి. ఎవ‌రైనా స‌రే త‌మ‌కు ఇష్ట‌మైన కూర‌గాయ‌ల‌ను తెచ్చుకుని వండి తింటుంటారు. అయితే కొన్ని ర‌కాల కూర‌గాయ‌ల‌ను మ‌నం ప‌చ్చిగానే తిన‌వ‌చ్చు. వాటిల్లో క్యారెట్లు మొద‌టి స్థానంలో ఉంటాయ‌ని చెప్ప‌వ‌చ్చు. చాలా మంది క్యారెట్ల‌ను ఉడికించ‌డం క‌న్నా ప‌చ్చిగా తినేందుకే ఎక్కువ ఆస‌క్తిని చూపిస్తుంటారు. క్యారెట్లు ఎంతో రుచిగా ఉంటాయి. ఇత‌ర కూర‌గాయ‌ల మాదిరిగా కాదు. అందువ‌ల్ల వీటిని మ‌నం ప‌చ్చిగానే తిన‌వ‌చ్చు. ఇక క్యారెట్ల‌ను రోజూ అధిక మోతాదులో తినాల్సిన ప‌నిలేదు. కేవ‌లం ఒక్క మీడియం సైజు క్యారెట్‌ను తిన్నా చాలు. ఎన్నో లాభాల‌ను పొంద‌వ‌చ్చు. క్యారెట్ల‌ను తిన‌డం వ‌ల్ల ఎలాంటి ప్ర‌యోజ‌నాలు క‌లుగుతాయో ఇప్పుడు తెలుసుకుందాం.
క్యారెట్ల‌ను తిన‌డం వ‌ల్ల విట‌మిన్ ఎ అధికంగా ల‌భిస్తుంది. ఇది రోగ నిరోధ‌క శ‌క్తిని పెంచుతుంది. దీంతో బాక్టీరియా, వైర‌స్‌ల నుంచి వ‌చ్చే వ్యాధుల నుంచి ర‌క్ష‌ణ పొంద‌వ‌చ్చు. అలాగే ఈ విట‌మిన్ ఎ కంటి చూపును కూడా మెరుగు ప‌రుస్తుంది. క‌ళ్ల‌ను ఆరోగ్యంగా ఉంచుతుంది. కంటి స‌మ‌స్య‌లు త‌గ్గుతాయి. క‌ళ్ల‌ద్దాలు లేదా లెన్స్‌ను వాడేవారు క్యారెట్ల‌ను కొంత కాలం పాటు రోజూ తింటే త‌రువాత అద్దాల‌ను ప‌డేస్తారు. కంటి చూపు అంత‌లా పెరుగుతుంది. ఇక క్యారెట్ల‌లో ఫైబ‌ర్ అధికంగా ఉంటుంది. ఇది జీర్ణ స‌మ‌స్య‌ల‌ను త‌గ్గిస్తుంది. దీని వ‌ల్ల గ్యాస్‌, అజీర్ణం, క‌డుపులో మంట వంటి స‌మ‌స్య‌లు ఉండ‌వు. అలాగే అధిక బ‌రువు కూడా త‌గ్గుతారు. శ‌రీరంలోని కొవ్వు క‌రుగుతుంది. బ‌రువు త‌గ్గాల‌ని చూస్తున్న వారు రోజూ ఒక క్యారెట్‌ను తింటే మంచి ఫ‌లితం క‌నిపిస్తుంది.
ఇక అల్స‌ర్లు ఉన్న‌వారు కొంత కాలం పాటు రోజూ ఒక క్యారెట్ చొప్పున తింటుండాలి. దీంతో అల్స‌ర్లు న‌య‌మ‌వుతాయి. అలాగే వీటిని తిన‌డం వ‌ల్ల శ‌రీరంలోని వ్య‌ర్థాలు బ‌య‌ట‌కు పోతాయి. శ‌రీరం అంత‌ర్గ‌తంగా శుభ్రంగా మారుతుంది. దీంతోపాటు జుట్టు, గోళ్లు బ‌లంగా మారుతాయి. ఇలా క్యారెట్ల‌ను తిన‌డం వ‌ల్ల ఎన్నో ప్ర‌యోజ‌నాల‌ను పొంద‌వ‌చ్చు. క‌నుక రోజూ ఒక క్యారెట్‌ను తిన‌డం మాత్రం మ‌రిచిపోకండి.
