Banana : అరటి పండులో ఎన్నో పోషకాలు, ఎన్నో ఆరోగ్యకరమైన ప్రయోజనాలు ఉంటాయి. కీళ్ల నొప్పులతో బాధ పడేవారు అరటిపండుతో చాలా ప్రయోజనాలను పొందవచ్చు. కాబట్టి ఈ సమస్య ఉన్నవారు రోజూ ఒక అరటిపండు తినడం అలవాటు చేసుకోవడం చాలా మంచిది. అరటి పండు సంవత్సరం పొడవునా లభ్యం అయ్యి అందరికీ అందుబాటు ధరలో ఉంటుంది. ఈ పండులో ఉండే పోషకాలు, విటమిన్లు ఆరోగ్యాన్ని కాపాడుకోవడంలో ముఖ్యమైన పాత్రను పోషిస్తాయి.
యాపిల్ కంటే అరటి పండులో ఎక్కువ పోషకాలు ఉన్నాయని ఆరోగ్య నిపుణులు అంటున్నారు. అరటి పండులో విటమిన్ ఎ పుష్కలంగా ఉంటుంది. దీని వ‌ల్ల కంటి చూపు మెరుగుప‌డ‌డ‌మే కాదు, రోగ నిరోధ‌క శ‌క్తి పెరుగుతుంది. ఇన్‌ఫెక్ష‌న్ల‌ను త‌ట్టుకోగ‌లిగే శ‌క్తి ల‌భిస్తుంది. అలాగే కార్బొహైడ్రేట్లు, కాల్షియం, మెగ్నిషియం ఉంటాయి. ఇవ‌న్నీ మ‌న‌కు ఎంతో మేలు చేస్తాయి. అయితే ఒక మీడియం సైజ్ ఉన్న అరటి పండును తిన్నా చాలు.. మ‌న‌కు 110 క్యాల‌రీల శ‌క్తి ల‌భిస్తుంది. అందువ‌ల్ల అరటి పండ్ల‌ను తింటే లావుగా అయిపోతామేమోన‌ని అంద‌రూ భ‌య‌ప‌డుతుంటారు. నిజానికి ఈ విష‌యం క‌రెక్టే అయిన‌ప్ప‌టికీ లావుగా ఉన్న వారు కూడా అరటి పండును నిర్భ‌యంగా తిన‌వ‌చ్చు. అందువ‌ల్ల బరువు ఏమీ పెర‌గ‌రు. కాక‌పోతే అందుకు ఒక నియమం ఉంటుంది. అదేమిటంటే..
లావుగా ఉన్నవారు రోజుకు ఒక మీడియం సైజ్ అరటి పండును తిన‌వ‌చ్చు. చిన్న‌వి అయితే రెండు తిన‌వ‌చ్చు. ఇక ఇలా అరటి పండ్ల‌ను తింటే ఇత‌ర ఆహారాల‌ను పూర్తిగా మానేయాలి. లేదా రోజూ తీసుకునే ప‌రిమాణం క‌న్నా కాస్త త‌గ్గించి తినాలి. ఉదాహ‌ర‌ణ‌కు రెండు అరటి పండ్ల‌ను తిన్నార‌నుకుందాం. క‌నుక రోజూ తినే అన్నం ప‌రిమాణాన్ని కాస్త త‌గ్గించాలి. స‌రిపోతుంది. ఇలా అరటి పండ్ల‌ను తింటే బరువు పెర‌గ‌రు. పైగా ఆరోగ్యకరమైన ప్రయోజనాలు క‌లుగుతాయి.
అరటి పండ్ల‌లో కాల్షియం ఎక్కువగా ఉండుట వలన ఎముకలు బలంగా ఆరోగ్యంగా ఉండేలా చేస్తాయి. అంతేకాక పొటాషియం, కాల్షియం అనేవి శరీరంలోని ఎముకల ఆరోగ్యాన్ని కాపాడటానికి, కీళ్ల మధ్య శబ్ధం తగ్గించటానికి సహాయపడతాయి. కీళ్లనొప్పులతో బాధపడేవారు ఆహార నియమాలు పాటించడంతోపాటు డాక్టర్ సూచించిన మందులు వాడాలి. అలాగే బాదం, జీడిపప్పు, పిస్తా, వాల్‌నట్‌లు, ఎండు ఖర్జూరాలు వంటివి రెగ్యులర్ గా తీసుకోవాలి.
కీళ్ల నొప్పులు ఉన్నవారు వ్యాయామం కూడా చేయాలి. ఎందుకంటే అధిక బరువు కారణంగా బరువు కీళ్లపై పడి నొప్పులు ఎక్కువ అయ్యే అవకాశాలు కూడా ఉంటాయి. ప్రతి రోజూ కీళ్ల నొప్పులు ఉన్నవారే కాకుండా ప్రతి ఒక్కరూ ఒక అరటి పండు తింటే ఎన్నో ప్రయోజనాలను పొందవచ్చు. అయితే లావుగా ఉన్నవారు మాత్రం పైన తెలిపిన విధంగా అరటి పండ్ల‌ను ఒక నియమం ప్ర‌కారం తినాలి. దీంతో బరువు పెరుగుతామేమోన‌ని బెంగ‌ప‌డాల్సిన పని ఉండ‌దు.
