మ‌న‌లో చాలా మందికి నెయ్యి ప‌ట్ల అనేక అపోహలు ఉంటాయి. నెయ్యి అనారోగ్య‌క‌ర‌మ‌ని, దాన్ని తింటే బ‌రువు పెరుగుతామ‌ని, శ‌రీరంలో కొవ్వు చేరుతుంద‌ని.. చాలా మంది న‌మ్ముతుంటారు. కానీ నిజానికి అది అపోహే. ఇంట్లో త‌యారు చేసిన శుద్ధ‌మైన ఆవు నెయ్యిని తింటే బ‌రువు పెర‌గ‌రు. త‌గ్గుతారు. నెయ్యిలో మ‌న శ‌రీరానికి అవ‌స‌ర‌మైన ఎన్నో పోష‌కాలు ఉంటాయి. కొవ్వులో క‌రిగే అనేక విట‌మిన్లు, ఆరోగ్య‌క‌ర‌మైన కొవ్వులు నెయ్యిలో ఉంటాయి. అవ‌న్నీ బ‌రువు త‌గ్గేందుకు స‌హాయం చేస్తాయి. అందువ‌ల్ల నెయ్యి తింటే బ‌రువు పెర‌గ‌ర‌ని, త‌గ్గుతార‌ని గుర్తుంచుకోవాలి.
న్యూట్రిష‌నిస్టులు చెబుతున్న ప్ర‌కారం.. నెయ్యిలో లాక్టోజ్‌, కేసీన్ ఉండ‌దు. అందువ‌ల్ల పాలు, పాల ఉత్ప‌త్తుల‌ను జీర్ణం చేసుకోలేని వారు నెయ్యిని నిర‌భ్యంత‌రంగా తిన‌వ‌చ్చు. దీంతో అధిక బ‌రువును త‌గ్గించుకోవ‌చ్చు. పొట్ట ద‌గ్గ‌రి కొవ్వు క‌రుగుతుంది.
అధిక బ‌రువును తగ్గించుకోవాలంటే నెయ్యిని స‌రైన మోతాదులో తీసుకోవాల్సి ఉంటుంది. దీంతో పొట్ట ద‌గ్గ‌రి కొవ్వును కూడా క‌రిగించుకోవ‌చ్చు. నెయ్యిలో అవ‌స‌ర‌మైన అమైనో ఆమ్లాలు ఉంటాయి. ఇవి కొవ్వు క‌ణాల‌ను కుచించుకుపోయేలా చేస్తాయి. దీంతో కొవ్వు క‌రిగిపోతుంది. శ‌రీరంలో కొవ్వు పేరుకుపోతుంద‌ని భావించే వారు రోజూ నెయ్యిని తిన‌డం మంచిది. నెయ్యిలో లినోలీయిక్ యాసిడ్ ఉంటుంది. అలాగే ఒమెగా 6 ఫ్యాటీ యాసిడ్లు కూడా ఉంటాయి. అందువ‌ల్ల నెయ్యిని తింటే అధిక బ‌రువును త‌గ్గించుకోవ‌చ్చు.
ఒమెగా 6 ఫ్యాటీ యాసిడ్లు శ‌రీర ద్ర‌వ్య‌రాశిని పెంచుతాయి. కొవ్వు క‌ణాల‌ను త‌గ్గిస్తాయి. దీంతో బ‌రువు త‌గ్గుతారు. నెయ్యిలో ఉండే ఒమెగా 3 ఫ్యాటీ యాసిడ్లు కొవ్వును క‌రిగించేందుకు ఉప‌యోగ‌ప‌డ‌తాయి. ఇక జీర్ణ‌శ‌క్తిని పెంచేందుకు కూడా నెయ్యి స‌హాయ ప‌డుతుంది. దీంతో వాపులు త‌గ్గుతాయి.
నెయ్యి వ‌ల్ల ఆరోగ్య‌క‌ర‌మైన ప్ర‌యోజ‌నాలు క‌లిగే మాట ఎలా ఉన్నా.. దాన్ని అధికంగా తీసుకోరాదు. ఏ ప‌దార్థాన్న‌యినా లిమిట్ లో తీసుకుంటేనే ఆరోగ్య‌క‌ర‌మైన ప్ర‌యోజ‌నాలు క‌లుగుతాయి. అలాగే నెయ్యిని కూడా అవ‌స‌ర‌మైన మోతాదులో మాత్ర‌మే తీసుకోవాల్సి ఉంటుంది. రోజూ 2 టీస్పూన్ల వ‌ర‌కు నెయ్యిని తీసుకోవ‌చ్చు. దీంతో ఆరోగ్య‌క‌ర‌మైన ప్ర‌యోజ‌నాలు క‌లుగుతాయి. అంత‌కు మించి నెయ్యిని వాడ‌రాదు.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
